एक गडबड आणि Toyota च्या ‘या’ कारचे हजारो युनिट्स बोलावले परत, नेमकं झालं काय?

टोयोटाने देशात अनेक उत्तम कार ऑफर केल्या आहेत. नुकतेच कंपनीच्या एका कारमध्ये एक खराबी आली आहे. ज्यामुळे कंपनीने हजारो युनिट्स परत बोलावले आहे. चला याबद्दल अधिक माहिती जाणून घेऊयात.

• Toyota Urban Cruiser Hyryder च्या फ्युएल गेजमध्ये बिघाड
• हजारो युनिट्ससाठी रिकॉल जारी
• मोफतमध्ये कारमधील खराबी दुरुस्त केली जाणार

भारतात अनेक ऑटो कंपन्या आहेत, मात्र त्यातही विश्वासू कमीच. यातीलच एक आघाडीचे नाव म्हणजे Toyota Motors. टोयोटाने आतापर्यंत विविध सेगमेंटमध्ये दमदार कार ऑफर केल्या आहेत, ज्यात प्रीमियम आणि बजेट फ्रेंडली कार्सचा समावेश आहे. मात्र, आता कंपनीच्या एका लोकप्रिय कारमध्ये एक बिघाड झाला आहे. त्यामुळे कंपनीने या कारसाठी एक रीकॉल जारी केला आहे.

 

Toyota Urban Cruiser Hyryder ही कंपनीने मिड साइझ एसयूव्ही म्हणून ऑफर केली आहे. मीडिया रिपोर्ट्सनुसार, या एसयूव्हीमध्ये खराबी आढळल्यानंतर याचे हजारो युनिट्स रिकॉल करण्यात आल्या आहेत. चला याबद्दल अधिक माहिती जाणून घेऊयात.

अगदी घाणेरड्यातील घाणेरडा हेल्मेट सुद्धा दिसेल एकदम चकाचक, ‘या’ आहेत सोप्या Helmet Cleaning Tips

कारमध्ये कोणती खराबी आढळली?

अहवालांनुसार, ज्या युनिट्ससाठी रिकॉल जारी करण्यात आले आहे त्यांच्यामध्ये फ्युएल लेव्हल इंडिकेटरमध्ये खराबी आढळली आहे. हा रिकॉल फक्त एसयूव्हीच्या पेट्रोल युनिट्ससाठी जारी करण्यात आला आहे कारण त्यांच्याकडे इन्स्ट्रुमेंट क्लस्टरमध्ये ॲनालॉग फ्युएल गेज आहे. कधीकधी, हे गेज फ्युएल लेव्हल अचूकपणे प्रदर्शित करण्यात समस्या दर्शवू शकते, परिणामी टाकी संपली असतानाही कमी इंधन चेतावणी लाइट सक्रिय होत नाही. यामुळे ड्रायव्हर्सना कळणारच नाही की त्यांच्या कारमधील पेट्रोल संपत आहे. यामुळे इंजिन बंद होण्याचा धोका देखील वाढू धाकतो.

किती युनिट्ससाठी रिकॉल करण्यात आले?

कंपनीने 10000 हून अधिक युनिट्ससाठी रिकॉल जारी केले आहे. हे युनिट्स डिसेंबर 2024 ते एप्रिल 2025 दरम्यान तयार करण्यात आले होते.

‘या’ Electric Cars चा दराराच वेगळा! फक्त 4 तासात चार्ज होऊन सटासट स्पीड पकडतात

ग्राहकांना कशी माहिती मिळेल?

टोयोटा कंपनीकडून या कारच्या युनिट्सचे मालक असलेल्या सर्व ग्राहकांना ई-मेल, फोन कॉल आणि मेसेजद्वारे रीकॉलची माहिती दिली जात आहे. त्यानंतर ग्राहकांनी आपल्या जवळच्या सर्व्हिस सेंटरमध्ये वाहन नेणे आवश्यक आहे. तिथे प्रभावित युनिट्सची तपासणी केली जाईल आणि ज्या युनिट्समध्ये खराबी आढळतील त्यांची दुरुस्ती कोणतेही अतिरिक्त शुल्क न आकारता करण्यात येईल.