323km पर्यंत रेंज
अल्ट्रावॉयलेट एक्स47 मध्ये 10.3 kWh क्षमतेचा मोठा बॅटरी पॅक देण्यात आला आहे. कंपनीच्या दाव्यानुसार, फुल चार्ज केल्यानंतर ही बाइक 323km पर्यंत धावू शकते. प्रत्यक्ष रेंज ही राइडिंग स्टाइल, वेग, वाहतूक आणि रस्त्याच्या परिस्थितीनुसार बदलू शकते. बॅटरीला IP67 रेटिंग असल्यामुळे धूळ आणि पाण्यापासून सिक्युरिटी मिळते. त्यामुळे डेली शहरातील वापरासाठी ही बाइक सोयीची ठरू शकते.
Best EV: शहरात रोज चालविण्यासाठी कोणती EV उत्तम? OLA S1 Pro की Ather 450X, तुम्ही काय निवडाल
30kW मोटरमुळे जबरदस्त परफॉर्मन्स
या इलेक्ट्रिक बाइकला 30kW क्षमतेची इलेक्ट्रिक मोटर मिळते. ही मोटर 100Nm टॉर्क तयार करते. परिणामी बाइकचा पिकअप वेगवान असून 0 ते 60kmph वेग पकडण्यासाठी फक्त 2.8 सेकंद लागतात. बाइकचा टॉप स्पीड 155kmph आहे. त्यामुळे एक्स47 केवळ कम्यूटर बाइक न राहता स्पोर्टी परफॉर्मन्स देणारा ऑप्शन बनतो.
HD कॅमेरे आणि स्मार्ट फीचर्स
अल्ट्रावॉयलेट एक्स47 मध्ये 5-इंच TFT डिस्प्ले देण्यात आला आहे. यासोबत ब्लूटूथ कनेक्टिव्हिटी, नेव्हिगेशन आणि राइडिंग डेटा मिळतो. विशेष म्हणजे फ्रंट आणि रियर HD कॅमेरेही देण्यात आले आहेत. सुरक्षेसाठी ड्युअल-चॅनल ABS आणि 4-लेव्हल ट्रॅक्शन कंट्रोल आहे. 10-लेव्हल रिजनरेटिव्ह ब्रेकिंगमुळे ब्रेकिंगदरम्यान एनर्जी परत मिळवण्यास मदत होते.
चार्जिंग आणि किंमत
16A सामान्य सॉकेटद्वारे बाइक चार्ज करता येते. फास्ट चार्जरच्या मदतीने बॅटरी 20% ते 80% पर्यंत चार्ज होण्यासाठी सुमारे 60 मिनिटे लागतात. भारतात अल्ट्रावॉयलेट एक्स47 ची बेस व्हेरिएंट एक्स-शोरूम किंमत ₹2.99 लाख आहे. मोठी रेंज, दमदार मोटर आणि आधुनिक फीचर्स पाहता ही बाइक प्रीमियम इलेक्ट्रिक टू-व्हीलर सेगमेंटमध्ये भारी पर्याय ठरते.
.png "Videos"){kind=small}
