फोटो सौजन्य: Gemini
नवीन Volkswagen Taigun भारतात 9 एप्रिल रोजी लाँच होणार आहे. या लेटेस्ट मॉडेलमध्ये वाहनाचे एक्सटिरिअर सौंदर्य आणि त्यातील फीचर्स या दोन्ही बाबतीत सुधारणा पाहायला मिळतील. यामध्ये 1.0-लिटर पेट्रोल इंजिनसोबत आता नवीन 8-स्पीड ऑटोमॅटिक गिअरबॉक्स जोडला जाईल, अशी अपेक्षा आहे. याव्यतिरिक्त, कारचा इंटिरिअर आणि एकूणच डिझाइनमध्येही काही सूक्ष्म बदल केले जातील, असे मानले जात आहे.
MG Majestor ही SUV फेब्रुवारी 2026 मध्ये लाँच झाली असून, ती प्रत्यक्षात MG Gloster चे अपडेटेड व्हर्जन आहे. या कारचा फ्रंट लूक आधीपेक्षा अधिक दमदार करण्यात आला आहे. याशिवाय, नवीन अलॉय व्हील्स आणि अधिक फीचर्ससह प्रीमियम केबिन देण्यात आला आहे. या SUV ची बुकिंग आधीच सुरू झाली असून, ती 4 रंगांच्या पर्यायांमध्ये उपलब्ध असेल. कंपनी मे 2026 पासून तिची डिलिव्हरी सुरू करणार आहे.
Mercedes-Benz CLA ही कार Mercedes-Benz एप्रिलमध्ये लॉन्च करण्याच्या तयारीत आहे. ही एंट्री-लेव्हल इलेक्ट्रिक सेडान असून, CLA 200 आणि CLA 250+ या दोन व्हेरिएंट्समध्ये उपलब्ध होईल. कंपनीच्या दाव्यानुसार, ही कार एका चार्जमध्ये तब्बल 792 किमीपर्यंत धावू शकते. फीचर्सच्या बाबतीत, 14-इंच टचस्क्रीन, ग्लास रूफ, 101-लिटरचा फ्रंट ट्रंक आणि व्हेंटिलेशनची सुविधा दिली आहे. तसेच, पुढील सीट्समध्ये हीटिंग आणि मसाज फंक्शनही देण्यात आले आहे.
Toyota Urban Cruiser Ebella या इलेक्ट्रिक कारची किंमत एप्रिलमध्ये जाहीर होण्याची शक्यता आहे. Toyota कडून सादर करण्यात आलेली ही कार Maruti Suzuki च्या इलेक्ट्रिक टेक्नॉलॉजीवर आधारित आहे. यात 40kWh आणि 61kWh असे दोन बॅटरी पर्याय देण्यात आले आहेत. मोठ्या बॅटरीसह ही कार एका चार्जमध्ये सुमारे 543 किमीपर्यंत रेंज देऊ शकते, असा कंपनीचा दावा आहे.
Nissan Tekton ही SUV एप्रिलमध्ये Nissan जागतिक स्तरावर सादर करू शकते. ही गाडी प्रत्यक्षात नवीन Renault Duster वर आधारित असली, तरी तिचा डिझाइन आणि इंटीरियर पूर्णपणे वेगळा असणार आहे. समोर आलेल्या डिझाइनमध्ये कनेक्टेड DRL लाईट्स, मागील बाजूस फुल-विड्थ टेल लाईट आणि स्टायलिश अलॉय व्हील्स पाहायला मिळतात.
.png "Videos"){kind=small}
