प्रीमियम आणि मॉडर्न लूकमध्ये दिसणार Mahindra XUV 3XO, कंपनीने नवीन टिझर केला रिलीज

Mahindra XUV 3XO लवकरच एका नवीन व्हेरिएंटमध्ये सादर होणार आहे. या कारमध्ये आपल्याला अनेक बदल दिसून येऊ शकतात. चला याबद्दल जाणून घेऊयात.

भारतीय मार्केटमध्ये विविध सेगमेंटमध्ये कार ऑफर केली जाते. यातही सर्वात जास्त डिमांड ही एसयूव्ही आणि एक्सयूव्ही सेगमेंटमधील कार्सना मिळते. देशात अनेक उत्तम एसयूव्ही आहेत, मात्र Mahindra ने या सेगमेंटमध्ये आपली एक वेगळीच हवा निर्माण केली आहे.

नुकतेच महिंद्राने त्यांच्या सब-कॉम्पॅक्ट SUV XUV 3XO चा एक नवीन अपडेटेड व्हेरिएंट एका टीझरद्वारे सादर केला आहे, ज्यामुळे हे स्पष्ट होते की कंपनी आता हे मॉडेल आणखी आकर्षक बनवण्याच्या दिशेने वेगाने काम करत आहे.

खरं तर, हे अपडेट XUV300 ची जागा घेणाऱ्या 3XO ला अधिक आधुनिक आणि प्रीमियम लूक देण्याचा प्रयत्न आहे. मात्र, याला एक प्रमुख फेसलिफ्ट म्हणण्याऐवजी, ते कॉस्मेटिक अपडेट किंवा नवीन व्हेरिएंट मानले जात आहे.

मार्केट गाजवणाऱ्या ‘या’ Electric Cars ना मिळाला नवीन अपडेट, एका झटक्यात किंमत 4 लाखांपेक्षा कमी

एक्सटिरिअरमध्ये बदल

टीझरमध्ये पहिली गोष्ट दिसते ती म्हणजे याची नवीन बॉडी-कलर ग्रिल जी XUV400 EV सारखी दिसते. हे केवळ SUV ला फ्यूचरिस्टिक लूक देत नाही तर ICE (Internal Combustion Engine) ते EV च्या ट्रेंडकडे घेऊन जाते.

याशिवाय, ड्युअल-टोन पेंट स्कीम आणि ऑल-ब्लॅक अलॉय व्हील्स देखील दिसत आहेत, जे SUV ला स्पोर्टी टच देतात. हेडलाइट डिझाइनमध्ये काही बदल देखील दिसून येतात जिथे ब्लॅक-आउट हाऊसिंगसह सिग्नेचर DRL आता अधिक तीक्ष्ण आणि आक्रमक दिसते.

Ola-Uber ड्रायव्हर होण्याचा विचार करताय? कंपनी लवकरच लागू करणार ‘हा’ नियम

इंजिनमध्ये बदल होणार आहे का?

आतापर्यंत मिळालेल्या माहितीनुसार, या अपडेटेड XUV 3XO च्या इंजिन पर्यायांमध्ये कोणतेही मोठे बदल केलेले नाहीत. म्हणजेच, ही

SUV अजूनही याच्या जुन्या इंजिन पर्यायांसह उपलब्ध असू शकते – 1.2L टर्बो पेट्रोल आणि 1.5L डिझेल इंजिन, परंतु अशी अपेक्षा केली जाऊ शकते की काही नवीन तंत्रज्ञान आणि कम्फर्ट संबंधित फीचर्स- जसे की नवीन इंटिरिअर थीम, ॲडव्हान्स इन्फोटेनमेंट किंवा ADAS सारख्या सेफ्टी फीचर्सचा विस्तार, या अपडेटमध्ये जोडले जाऊ शकतात.

ही कार का अपडेट केली जात आहे?

XUV 3XO लाँच झाल्यापासून याला उत्तम प्रतिसाद मिळाला आहे आणि विक्रीचे आकडे याच्या यशाचे पुरावे आहेत, परंतु आता या सेगमेंटमध्ये Maruti Brezza, Tata Nexon, Hyundai Venue, Kia Sonet आणि Toyota Taisor सारख्या कारसोबत स्पर्धा करावी लागेल.

अशा परिस्थितीत, महिंद्राची रणनीती खरेदीदारांना काहीतरी नवीन आणि फ्रेश देण्यासाठी नवीन कॉस्मेटिक व्हेरिएंट किंवा लिमिटेड एडिशन लाँच करण्याची असू शकते, जेणेकरून ते ब्रँडशी जास्त काळ जोडलेले राहतील.