मुंबईत नवीन इलेक्ट्रिक कार Volvo EX30 सादर, सप्टेंबर 2025 च्या अखेरीस होणार लाँच

भारतात इलेक्ट्रिक कारच्या मागणीत सातत्याने वाढ होताना दिसत आहे. अशातच आता मुंबई Volvo ने त्यांची नवीन इलेक्ट्रिक कार सादर केली आहे. चला याबद्दल जाणून घेऊयात.

Volvo कार इंडियातर्फे नवीन इलेक्ट्रिक एसयूव्ही EX30 अधिकृतपणे सादर करण्यात आली आहे. इच्छुक खरेदीदारांना मुंबईतील KIFS Volvo Cars (अंधेरी पश्चिम आणि प्रभादेवी) येथे टेस्ट ड्राइव्ह घेण्याची संधी उपलब्ध आहे. तसेच ग्राहक कारची प्री बुकिंग करून डिलिव्हरीच्या वेळी विशेष डिस्काउंट मिळवू शकतात. या बहुप्रतिक्षित इलेक्ट्रिक एसयूव्हीची अधिकृत किंमत सप्टेंबरच्या अखेरीस जाहीर केली जाणार असून, ऑक्टोबर 2025 पासून डिलिव्हरी सुरू होईल. कारचे उत्पादन कर्नाटकातील बंगळुरू येथील होसाकोटे कारखान्यात केले जात आहे.

ग्राहकांसाठी आनंदाची बातमी! GST कपातीमुळे पेट्रोल-डिझेल वाहने स्वस्त होणार; TVS चे मोठे विधान

डिझाइन आणि सुरक्षा

वॉल्वो EX30 ही कंपनीची आतापर्यंतची सर्वात टिकाऊ इलेक्ट्रिक कार आहे. तिचे इंटिरिअर पुनर्वापर केलेल्या डेनिम, पीईटी बाटल्या, ॲल्युमिनियम, पीव्हीसी पाईप्स यांसारख्या टिकाऊ साहित्यांपासून तयार करण्यात आले आहेत. स्कॅन्डिनेव्हियन डिझाइन व अत्याधुनिक तंत्रज्ञानाचा संगम असलेल्या या मॉडेलने युरो एनसीएपी सेफ्टी टेस्टमध्ये 5 स्टार प्राप्त केले आहे.

EX30 मध्ये टक्कर टाळण्यासाठी इंटरसेक्शन ऑटो ब्रेक, “डोअरिंग” अपघात टाळण्यासाठी दरवाजा उघडण्याचा इशारा, तसेच 5 कॅमेरे, 5 रडार आणि 12 अल्ट्रासोनिक सेन्सर्ससह सेफ स्पेस टेक्नॉलॉजी उपलब्ध आहे.

GST 2.0 चा अलभ्य लाभ! क्लासिक लिजेंड्सच्या आयकॉनिक जावा, येझदी Bikes किंमत 2 लाख रूपयांपेक्षा कमी

फीचर्स आणि तंत्रज्ञान

• स्कॅन्डिनेव्हियन ऋतूंवर आधारित 5 ॲम्बियंट लाइटिंग संकल्पना व ध्वनी अनुभव
• हरमन कार्डन साउंडबार, 1040W ॲम्प्लीफायर आणि 9 स्पीकर्ससह इमर्सिव्ह सराउंड साऊंड
• 12.3-इंच हाय-रिझोल्यूशन सेंटर डिस्प्ले – गुगल बिल्ट-इन (गुगल असिस्टंट, गुगल मॅप्स, गुगल प्ले), 5G कनेक्टिव्हिटी व OTA अपडेट्स
• रेड डॉट: बेस्ट ऑफ द बेस्ट प्रोडक्ट डिझाइन 2024 आणि वर्ल्ड अर्बन कार ऑफ द इयर 2024 पुरस्कारप्राप्त डिझाइन

सोयीसुविधा व कनेक्टिव्हिटी

EX30 मध्ये NFC कार्डद्वारे अनलॉकिंग, तसेच वॉल्वो कार ॲपमधील डिजिटल की प्लस फीचर उपलब्ध आहे, ज्यामुळे मोबाईल फोनच कारची की म्हणून वापरता येते. यामुळे ग्राहकांचा अनुभव अधिक सुरक्षित आणि सोयीस्कर होतो.

कार्यक्षमता व बॅटरी

• पॉवर – 272 HP
• टॉर्क – 343 Nm
• बॅटरी – 69 kWh Li-Ion (सिंगल मोटर एक्सटेंडेड रेंज)
• एक्सेलरेशन – 0-100 किमी/ताशी फक्त 5.3 सेकंदांत
• टॉप स्पीड – 180 किमी/ताशी
• WLTP रेंज – 480 किमी
• बॅटरी वॉरंटी – 8 वर्षे / 1,60,000 किमी
• फ्रंट स्टोरेज (फ्रंक) – 7 लिटर
• रिअर स्टोरेज – 318 लिटर
• ग्राऊंड क्लिअरन्स – 171 मिमी
• वन पेडल ड्राइव्ह पर्याय
• प्रगत ड्रायव्हर असिस्ट सिस्टीम्स
• एलईडी हेडलाईट्स
• ब्लाइंड स्पॉट माहिती प्रणाली (क्रॉस ट्रॅफिक अलर्टसह)
• अनुकूलित क्रूझ कंट्रोल
• लेन कीपिंग असिस्ट
• फ्रंट व रियर कोलिजन अव्हॉइडन्स असिस्ट
• पार्क पायलट असिस्ट व रिव्हर्सिंग कॅमेरा
• पार्किंग सेन्सर्स (समोर व मागे)
• स्मार्टफोनसाठी वायरलेस चार्जिंग