धावत्या कारमध्ये अचानक रिव्हर्स गिअर टाकल्यास काय होईल? गिअरबॉक्सचे किती नुकसान होऊ शकते? जाणून घ्या
Car Driving Tips: आजकाल प्रत्येक घरात किंवा अनेकांकडे कार असते, पण तिचा योग्य वापर आणि देखभास देखील तितकचं महत्त्वाचं आहे. जसे की , गाडी चालवताना गिअर बदलणे सामान्य आहे, पण गाडी चालू असताना चुकून रिव्हर्स गिअर लागल्यास काय होईल याचा तुम्ही कधी विचार केला आहे का? याचे उत्तर गाडीतील ट्रान्समिशनच्या प्रकारावर अवलंबून असते. मॅन्युअल गाडीमध्ये असे केल्यास गिअर अडकू शकतो किंवा गिअरबॉक्समधून मोठा खरखरण्याचा आवाज येऊ शकतो. त्यामुळे तुम्ही पण हिच चुक करत असाल तर वेळीच काळजी घ्या…
बऱ्याच आधुनिक ऑटोमॅटिक गाड्यांमध्ये, इलेक्ट्रॉनिक सुरक्षा प्रणाली गाडी चालू असताना रिव्हर्स गिअर लागण्यापासून रोखतात. मात्र याचा अर्थ असा नाही की ते सुरक्षित आहे. जर गिअरबॉक्समध्ये रिव्हर्स गिअर लागला किंवा एखाद्या प्रणालीमध्ये बिघाड झाला, तर ट्रान्समिशन खराब होऊ शकते. म्हणून, रिव्हर्स घेण्यापूर्वी गाडी पूर्णपणे थांबवणे महत्त्वाचे आहे.
मॅन्युअल गाडीतील रिव्हर्स गिअर सामान्यतः गाडी पूर्णपणे थांबल्यानंतरच लावण्यासाठी डिझाइन केलेला असतो. जर गाडी पुढे जात असेल आणि तुम्ही रिव्हर्स गिअर लावण्याचा प्रयत्न केला, तर तो सहजपणे लागणार नाही किंवा तुम्हाला गिअरबॉक्समधून ठकठकण्याचा आणि खरखरण्याचा आवाज ऐकू येऊ शकतो. याचे कारण असे आहे की, गाडी पुढे जात असताना गिअरबॉक्समधील भाग फिरत असतात आणि रिव्हर्स गिअरची दिशा जुळत नाही. जर तुम्ही जबरदस्तीने गिअर बदलून क्लच सोडला, तर त्यामुळे गिअरचे आणि ट्रान्समिशनच्या इतर भागांचे नुकसान होऊ शकते. यामुळे दुरुस्तीचा मोठा खर्च येऊ शकतो.
ऑटोमॅटिक कारमध्ये अनेकदा एक इलेक्ट्रॉनिक प्रणाली असते जी वाहन चालू असताना रिव्हर्स गिअर लागण्यापासून प्रतिबंधित करते. अशा परिस्थितीत, गिअर लिव्हर ‘R’ (रिव्हर्स) वर हलवला तरीही, गिअरबॉक्स रिव्हर्समध्ये जाणार नाही. मात्र हे वैशिष्ट्य प्रत्येक कारमध्ये सारखे नसते आणि त्याचे कार्य मॉडेलनुसार बदलू शकते. काही परिस्थितीत, चुकीच्या पद्धतीने गिअर बदलल्यामुळे वाहनाला धक्का बसू शकतो किंवा ट्रान्समिशनचे नुकसान होऊ शकते. म्हणून, ऑटोमॅटिक कार चालवताना रिव्हर्स गिअर लावणे निरुपयोगी ठरेल असे गृहीत धरणे चुकीचे आहे. कारच्या मालकाच्या मॅन्युअलमधील सूचनांचे पालन करणे महत्त्वाचे आहे.
रिव्हर्स गिअरमध्ये कार थांबवता येते का? तर त्याचे उत्तर नाही. धावती कार थांबवण्यासाठी रिव्हर्स गिअरचा वापर करू नये. असे केल्याने कार त्वरित सुरक्षितपणे थांबणार नाही, उलट गिअरबॉक्सवर दाब येऊ शकतो आणि वाहनाचा तोल बिघडू शकतो. कार थांबवण्यासाठी, ॲक्सिलरेटरवरून पाय काढा आणि ब्रेक लावा. रिव्हर्स गिअर टाकण्यापूर्वी, वाहन पूर्णपणे थांबवा, ब्रेक दाबून धरा आणि मग गिअर बदला. काही कार मॅन्युअलमध्ये रिव्हर्स गिअर टाकण्यापूर्वी न्यूट्रलमध्ये काही सेकंद थांबण्याची शिफारस देखील केली जाते. गाडी चालवताना चुकून रिव्हर्स गिअर लागल्यास आणि विचित्र आवाज किंवा धक्का जाणवल्यास, सुरक्षित ठिकाणी थांबा आणि आवश्यक असल्यास सर्व्हिस सेंटरकडून तपासून घ्या.
2026 टोयोटा फॉर्च्युनर लीडर एडिशन लाँच! किंमत 36.51 लाख रुपयांपासून, जाणून घ्या काय आहे खास
.png "Videos"){kind=small}
