Hyundai Navratri Offer: काय सांगता! Hyundai Creta वर ऑक्टोबरमध्ये ₹1.25 लाखांपर्यंत फायदा, पाहा कोणत्या मॉडेलवर किती सूट?

Hyundai Navratri Offer: कार खरेदी करायचा विचार करत असाल तर थोडं थांबा. कारण Hyundai Creta वर ऑक्टोबरमध्ये ₹1.25 लाखांपर्यंत फायदा मिळणार आहे. कसं ते जाणून घ्या...

• दिवाळीत Creta घरी आणण्याची संधी!
• ₹1.25 लाखांपर्यंत बेनिफिट्स
• Electric मॉडेलवरही खास ऑफर

Hyundai Navratri Offer: आजकालचे तरुण नोकरी मिळाल्यानंतर मोठी स्वप्ने पाहू लागतात. यापैकी एक स्वप्न म्हणजे स्वत: ची हक्काची कार खरेदी करणे. तसेच कार खरेदी करायचं म्हटलं की, सणावाराची वाट पाहिली जाते. कारण त्याकाळात कार विक्रेते मोठ्या प्रमाणात ऑफर्स ठेवत असतात, सध्या बाजारात अशीच एक कार ऑफर्समुळे चर्चेत आली आहे.

फेस्टिव्ह सीझनमध्ये नवीन कार खरेदी करण्याचा विचार करणाऱ्यांसाठी Hyundai च्या Creta रेंजवर ऑक्टोबर 2026 मध्ये आकर्षक बेनिफिट्स उपलब्ध आहेत. कंपनीच्या पोर्टफोलिओतील Creta, Creta N Line आणि Creta Electric सोबत Grand i10 Nios, Aura, i20, Exter, Venue, Verna आणि Alcazar यांसारख्या मॉडेल्सवरही विविध स्वरूपाचे लाभ दिले जात आहेत.

Maruti Brezza 2026: Marutiच्या ‘या’ SUVवर ग्राहक फिदा! ९५ हजार बुकिंगचा टप्पा पार, कंपनीकडे ‘इतक्या’ लाखांहून अधिक ऑर्डर्स

Creta N Line वर ₹1.25 लाखांपर्यंत फायदा

Creta कुटुंबात सर्वाधिक बेनिफिट Creta N Line वर ₹1.25 लाखांपर्यंत मिळत आहे. यामध्ये कॅश डिस्काउंट, नवरात्री बुकिंग बोनस, एक्सचेंज किंवा स्क्रॅपेज बेनिफिट, अपग्रेड ऑफर आणि पात्र ग्राहकांसाठी इतर लाभांचा समावेश असू शकतो. एक्सचेंज आणि स्क्रॅपेजसारखे काही फायदे एकाच वेळी लागू होत नाहीत, त्यामुळे अंतिम लाभाची रक्कम ग्राहकाच्या पात्रतेनुसार बदलू शकते.

Regular Creta वरही मोठा फायदा

Regular Creta च्या निवडक पेट्रोल व्हेरिएंटवरही मोठे बेनिफिट्स उपलब्ध आहेत. Creta E Petrol वर ₹1 लाखांपर्यंत, iVT पेट्रोल ट्रिमवर ₹1.05 लाखांपर्यंत आणि इतर पात्र पेट्रोल व्हेरिएंटवर ₹1.15 लाखांपर्यंत एकूण फायदा मिळू शकतो. मात्र डिझेल व्हेरिएंटवरील लाभ तुलनेने कमी असल्याचे रिपोर्टमध्ये म्हटले आहे.

Creta Electric वर ₹65 हजारांपर्यंत लाभ

इलेक्ट्रिक SUV खरेदी करणाऱ्यांसाठीही ऑफर आहे. निवडक Creta Electric व्हेरिएंटवर ₹65,000 पर्यंत, तर काही अन्य ट्रिमवर ₹50,000 पर्यंत बेनिफिट उपलब्ध असल्याचे रिपोर्टमध्ये नमूद करण्यात आले आहे. स्वतंत्रपणे, Hyundai ने Creta Electric साठी Battery-as-a-Service पर्यायही सुरू केला असून त्याअंतर्गत कारची सुरुवातीची किंमत ₹10.99 लाख आणि बॅटरी वापरासाठी ₹3.9 प्रति किमीपासून EMI असल्याचे कंपनीने जुलैमध्ये जाहीर केले होते.

Ex-showroom : दिवाळीला बाईक खरेदी करताय? खिशाला परवडणाऱ्या कम्युटर बाइक्स; एक्स-शोरूम किंमत 58 हजारांपासून

(नोट: ऑफर्स आणि बेनिफिट्स शहर, डीलर, व्हेरिएंट, उपलब्ध स्टॉक आणि ग्राहकाच्या पात्रतेनुसार बदलू शकतात. Hyundai स्वतःही किंमती व व्हेरिएंटची माहिती बदलू शकते आणि बुकिंगपूर्वी जवळच्या डीलरकडून ताजी माहिती तपासण्याचा सल्ला देते.)