दुबईत भारतापेक्षा स्वस्त कार्स मिळतात? Rolls Royce Phantom ची किंमत वाचून फुटेल घाम

आपण सोशल मीडियावर नेहमी पाहतो, दुबईत सोने व मोबाईल भारताच्या तुलनेत किती स्वस्त असतात. पण तिथे लक्झरी कार्स जसे की रोल्स रॉयस फँटम सुद्धा स्वस्त आहे का? चला या प्रश्नाचे उत्तर जाणून घेऊया. तसेच पाहूया या कारची किंमत दुबईत किती आहे.

दुबई नेहमीपासूनच भारतीयांसाठी एक आकर्षणाचे शहर मानले गेले आहे. दुबईतील बुर्ज खलिफा असो की तिकडचे ऐश्वर्य, या सर्व गोष्टी एकदा तरी पाहायला मिळाव्या हे अनेक भारतीयांचे स्वप्न असते. हल्ली बहुतेक जणांना दुबईला जाता येत नसले तरी युट्युबच्या माध्यमातून ते दुबईतील जीवनशैली जाणून घेत आहे.

युट्युबवरील दुबईच्या कित्येक वलॉंग मध्ये आपण पहिले असेल, कसे सोनं आणि मोबाईल भारताच्या तुलनेत तिथे स्वस्त आहे. पण भारतात असणाऱ्या लक्झरी कार्स सुद्धा तिकडे कमी किंमतीत मिळेत असेल का?

लोकांमध्ये पूर्वीही कारची क्रेज होती आणि आजही आहे. आजच्या काळात अनेक नवीन आणि दमदार वाहने लाँच होत आहेत. या वाहनांच्या यादीत लक्झरी कार्सचे सुद्धा नावे आहेत. या कार्सना भारतापासून दुबईपर्यंत मोठी मागणी आहे. पण भारतीय बाजारात उपलब्ध असणारी रोल्स रॉइस फँटमची किंमत ही 10 कोटी रुपयांच्या जवळपास आहे. पण दुबईच्या बाजारात या कारची किंमत किती? चला जाणून घेऊया.

दुबईमध्ये रोल्स रॉइसची किंमत

रोल्स रॉयस फँटम कूपचे 2016 मॉडेल दुबईच्या बाजारपेठेत उपलब्ध आहे. दुबईमध्ये या कारची किंमत AED 1,650,000 आहे. ही किंमत भारतीय चलनात 3.77 कोटी रुपये आहे. भारताच्या तुलनेत दुबईमध्ये ही कार खूप स्वस्त आहेत. या कारणास्तव, या अरब देशात बीएमडब्ल्यू, फॉर्च्युनर आणि मर्सिडीज सारख्या अनेक लक्झरी कार्सचा वापर टॅक्सी म्हणून सुद्धा होताना दिसतो.

भारत किती आहे किमंत?

रोल्स रॉयस फँटम ही एक आलिशान कार आहे, ज्यामध्ये पाच जण एकत्र आरामात बसू शकतात. या कारमध्ये 6749 सीसी इंजिन आहे, जे ऑटोमॅटिक ट्रान्समिशनला जोडलेले आहे. हे इंजिन 563 bhp पॉवर आणि 900 Nm टॉर्क जनरेट करते. या कारची भारतातील एक्स-शोरूम किंमत 8.99 कोटी रुपयांपासून सुरू होते आणि 10.48 कोटी रुपयांपर्यंत जाते.