
Credit Card (फोटो सौजन्य- सोशलमीडिया)
Credit Card Safety Tips: आजच्या काळात क्रेडिट कार्डने खरेदी करणं खूप सोपं झालं. ऑनलाईन शॉपिंग, बिल भरणं आणि हॉटेल बुकिंग अशी कामं काही मिनिटात होतात. पण क्रेडिट कार्डचा वापर वाढल्यामुळे फसवणुकीचा धोकाही वाढला आहे. बऱ्याच वेळा छोट्याशा निष्काळजीपणामुळे तुमच्या कार्डमधून परवानगीशिवाय पैसे काढले जातात. अशावेळी काही महत्त्वाच्या सेटिंग्ज चालू करून तुम्ही तुमचं क्रेडिट कार्ड सुरक्षित ठेवू शकता. Credit Card
सगळ्या व्यवहारांसाठी तुमचं क्रेडिट कार्ड 24 तास चालू असण्याची गरज नाही. त्यामुळे तुमच्याकडे क्रेडिट कार्ड असेल आणि तुम्ही त्याची सगळी फिचर्स वापरत नसाल, तर ती पेमेंट फिचर्स बंद केली पाहिजेत. व्यवहारांची लिमिट कमी केल्याने आणि या लिमिटच्या बाहेरचे व्यवहार बंद केल्याने फसवणुकीचा धोका कमी होऊ शकतो.
तुम्ही परदेशात खरेदी करत नसाल तर तुमच्या कार्डवर आंतरराष्ट्रीय व्यवहार बंद ठेवा. गरज असेल तेव्हाच चालू करा.
ऑनलाईन खरेदीसाठी कार्डची खर्चाची लिमिट कमी ठेवा. यामुळे फसवणूक झाली तरी मोठ्या प्रमाणात नुकसान होण्याचा धोका कमी होऊ शकतो.
टॅप करून पेमेंट करायची सुविधा सोपी आहे. पण त्याची लिमिट नक्की ठरवा. गरज नसेल तर तुम्ही हे फिचर बंद पण करू शकता.
LPG सिलेंडर बुकिंग करताना चूक करू नका! एका लिंकवर क्लिक करताच खातं होऊ शकतं रिकामं
प्रत्येक पेमेंटवर SMS आणि ईमेल अलर्ट चालू ठेवा. यामुळे कार्डने होणाऱ्या प्रत्येक व्यवहाराची माहिती लगेच मिळणार आहे.
तुमच्या क्रेडिट कार्डवरच्या कॅश काढण्याच्या सुविधेची लिमिट कमी ठेवा किंवा गरज नसेल तर ती बंद करा.
तुमच्या बँकेच्या मोबाईल अॅपमध्ये कार्ड ब्लॉक किंवा फ्रीझ करण्याचा पर्याय नक्की तपासा. कार्ड हरवलं किंवा चोरीला गेलं तर याचा वापर करा.
OTP कोणासोबतही शेअर करू नका. तुमचा बँक अॅपचा पासवर्ड मजबूत ठेवा आणि जेव्हा शक्य असेल तेव्हा अॅडव्हान्स सुरक्षा फिचर्स चालू करा.शेवटी एकच सांगायचं, क्रेडिट कार्ड वापरणं वाईट नाही, पण ते बेसावधपणे वापरणं नक्कीच धोक्याचं आहे. या छोट्या छोट्या सेटिंग्जमुळे तुमचे पैसे सुरक्षित राहतील. आजच अॅप उघडून या सेटिंग्ज तपासा आणि गरज नसलेली फिचर्स बंद करून टाका.