LPG Gas Booking Scam Alert (फोटो सौजन्य- सोशलमीडिया)
LPG Gas Booking Scam Alert: तुमच्या घरी पण LPG गॅस सिलेंडर वापरला जात असेल, तर ऑनलाईन बुकिंग आणि सबसिडीचं काम करताना जरा जास्त सावध राहण्याची गरज आहे. कारण, आता सायबर चोरांनी लोकांना फसवण्यासाठी गॅस सिलेंडर बुकिंग आणि गॅस सबसिडीचा वापर करायला सुरुवात केली. KYC अपडेट करण्याच्या नावाखाली किंवा गॅस सबसिडी बंद होईल अशी भीती दाखवून ग्राहकांना खोटे मेसेज आणि लिंक पाठवल्या जातायत. याबद्दल ICICI बँकेने पण आपल्या ग्राहकांना सावध राहायला सांगितलं. LPG
सायबर भामटे आधी ग्राहकांना फोन करून आपण गॅस एजन्सीमधून बोलतोय असं सांगतात. तुमची KYC प्रक्रिया पूर्ण झालेली नाही किंवा लवकर अपडेट नाही केलं तर गॅस सबसिडी बंद होईल, असं सांगून ग्राहकांमध्ये भीती तयार केली जाते. त्यानंतर WhatsApp किंवा SMS ने एक लिंक पाठवली जाते. या लिंकवर क्लिक करून माहिती भरायला सांगितली जाते.
काही वेळा ग्राहकांना KYC अपडेट करण्यासाठी किंवा सबसिडी परत चालू करण्यासाठी APK फाईल डाऊनलोड करायला सांगितली जाते. पण, ही फाईल मोबाईलमध्ये मालवेअर बसवू शकते. त्यामुळे फोनमधली पर्सनल माहिती, बँकिंग डिटेल्स आणि पैशांशी संबंधित डेटा सायबर चोरांच्या हातात लागू शकतो. त्यामुळे, तुमच्या बँक खात्यातले पैसे पण धोक्यात येऊ शकतात.
Mumbai CNG Price: CNG दरवाढीने मुंबईकरांच्या खिशाला कात्री! आता रिक्षाने प्रवास करणंही महागणार?
लक्षात ठेवा, गॅस सबसिडी किंवा KYC अपडेटच्या नावाने येणारा प्रत्येक मेसेज खरा असेलच असं नाही. त्यामुळे कोणत्याही लिंकवर क्लिक करण्याआधी तिची खात्री करा. थोडीशी सावधगिरी तुम्हाला मोठ्या पैशांच्या नुकसानापासून वाचवू शकते.
Ans: सायबर भामटे गॅस एजन्सीचे कर्मचारी असल्याचे सांगून KYC किंवा सबसिडी अपडेटच्या नावाखाली बनावट लिंक पाठवतात.
Ans: घाईने कोणत्याही लिंकवर क्लिक करू नये. संबंधित गॅस एजन्सीशी अधिकृत माध्यमातून संपर्क साधून माहितीची खात्री करावी.
Ans: नाही. अनोळखी व्यक्तीने पाठवलेली APK फाईल डाउनलोड करू नये. त्यामध्ये मालवेअर असण्याची शक्यता असते.






