Diwali Business News: ‘स्वदेशी’ची लाट! दिवाळीत ६.०५ लाख कोटींचा बंपर व्यवसाय, चीनच्या उत्पादनांना मोठा फटका

दिवाळी २०२५ मध्ये भारतीय बाजारपेठांनी ६.०५ लाख कोटींचा विक्रमी व्यवसाय नोंदवला! जीएसटी कपात आणि 'स्वदेशी'च्या लाटेमुळे चीनच्या वस्तूंना मोठा फटका बसला

• दिवाळीचा ‘महा-धमाका’!
• ६.०५ लाख कोटींच्या विक्रमी व्यवसायामुळे बाजारपेठा झूमल्या
• ‘स्वदेशी’च्या लाटेने चीनला दिला झटका

Diwali Business News: यावर्षी दिवाळीच्या मुहूर्तावर भारतामध्ये विक्रमी ६.०५ लाख कोटींची (6.05 Lakh Crore) विक्रमी विक्री झाली आहे. यामध्ये ५.४० लाख कोटी रुपयांची उत्पादने आणि ६५,००० कोटी रुपयांच्या सेवांचा समावेश आहे. व्यापारी संघटना ‘कनफेडरेशन ऑफ ऑल इंडिया ट्रेडर्स’ (CAIT) ने मंगळवारी ही माहिती दिली.

दिवाळीत विक्रमी विक्री नोंदवली

कैटने एका निवेदनात सांगितले की, नुकत्याच जीएसटी दरांमध्ये केलेल्या कपातीमुळे आणि ग्राहकांच्या मजबूत विश्वासामुळे यावर्षी दिवाळीत विक्रमी विक्री नोंदवली गेली. देशभरातील ६० प्रमुख वितरण केंद्रांमध्ये (राजधानी आणि टियर-२/टियर-३ शहरे) केलेल्या सर्वेक्षणातून कैटने हे आकडे जाहीर केले.

विक्रीत १.८० लाख कोटींची वाढ

• यावर्षीची विक्री: ६.०५ लाख कोटी.
• मागील वर्षीची विक्री: व्यापारी संघटनेनुसार, गेल्या वर्षी दिवाळीत ४.२५ लाख कोटींची विक्री झाली होती.
• ट्रेडिंगचे योगदान: एकूण व्यापारात, गैर-कॉर्पोरेट (Non-Corporate) आणि पारंपारिक बाजारपेठांचे योगदान ८५ टक्के राहिले, जे ऑनलाइन शॉपिंगच्या युगात लहान व्यापारी आणि भौतिक बाजारपेठांचे पुनरागमन दर्शवते.

‘या’ कंपनीच्या कर्मचाऱ्यांची दिवाळी ‘लक्झरी’ झाली! चक्क Diwali Bonus म्हणून मिळाली आलिशान कार

क्षेत्रनिहाय विक्रीची आकडेवारी

विक्रीमध्ये खालील क्षेत्रांनी महत्त्वपूर्ण योगदान दिले:

सेवा क्षेत्र आणि जीएसटी कपात

• सेवा क्षेत्राचे योगदान: कॅटचे राष्ट्रीय अध्यक्ष बी. सी. भरतिया यांनी सांगितले की, पॅकेजिंग, हॉस्पिटॅलिटी, टॅक्सी सेवा, प्रवास, कार्यक्रम आयोजन, तंबू आणि सजावट, मनुष्यबळ आणि पुरवठा यांसारख्या सेवा क्षेत्रातून ₹६५,००० कोटींचे योगदान मिळाले आहे.
• खरेदी वाढण्याचे कारण: सर्वेक्षणात समाविष्ट असलेल्या ७२ टक्के व्यापाऱ्यांनी, दैनंदिन वापराच्या वस्तू, कपडे आणि टिकाऊ ग्राहक उत्पादनांवर जीएसटी दरात केलेली कपात हे उच्च विक्रीचे मुख्य कारण असल्याचे सांगितले.
• रोजगार निर्मिती: दिवाळीतील या वाढलेल्या व्यावसायिक गतिविधींमुळे ५० लाख तात्पुरत्या रोजगारांची निर्मिती झाली. एकूण व्यापारात ग्रामीण आणि अर्ध-शहरी भागांचा २८ टक्के हिस्सा होता.

या विक्रमी विक्रीमुळे भारतीय ग्राहकांचा ‘स्वदेशी’ वस्तूंवरचा विश्वास अधिक दृढ झाल्याचे स्पष्ट होते, ज्यामुळे चीनमधून आयात केलेल्या उत्पादनांना मोठा झटका बसला आहे.

Samvat 2082: सलग 7 वर्षे दिवाळी मुहूर्त सत्रात बाजारात तेजी, यंदाही हा ट्रेंड कायम राहील का? जाणून घ्या तज्ञांचा सल्ला