EPFO Passbook Update : कंपनी PD चे पैसे कापते, पण खात्यात जमा होत नाहीयेत? घाबरू नका, ‘या’ सोप्या पद्धतीने लगेच तपासा स्टेटस

EPFO Passbook Update : अनेकदा कंपन्या कर्मचाऱ्यांच्या दरमहा पगारातून PF चे पैसे कापून घेतात, परंतु ते वेळेवर EPFO खात्यात जमा करत नाहीत. तुमच्या बाबतीतही असा प्रकार घडत नाही ना, हे ओळखण्यासाठी कर्मचाऱ्यांनी नियमितपणे आपले ई-पासबुक तपासणे अत्यंत आवश्यक आहे.

• पगारातून PF कापला जातोय
• पण खात्यात जमा होत नाहीये?
• ई-पासबुकवरून ‘अशी’ करा तपासणी

EPFO Passbook Update : दर महिन्याला, जेव्हा तुमचा पगार जमा होतो, तेव्हा पीएफचे पैसे कापले जातात असं तुमच्या सॅलरी स्लिपमध्ये दिसते. त्या स्लिपमध्ये स्पष्टपणे नमूद केलेले असते की तुमच्या पगारातून किती पैसे कापले गेले आणि तुमच्या पीएफ खात्यात जमा झाले. पण तुमच्या पगारातून कापलेला पीएफ खरोखरच तुमच्या पीएफ खात्यात जमा होतो की नाही? तु्म्हालाही हा प्रश्न पडलाय ना? तुम्ही कधी तपासण्याचा प्रयत्न केला आहे का? जर नसेल, तर ही बातमी तुमच्यासाठी आहे. ( EPFO Passbook Update )

RBI कडून मोठा इशारा! तुमचं Bank Account फ्रीज होऊ शकतं; ‘ही’ चूक करु नका, काय सांगतो नियम?

आपण अनेकदा आपले पीएफ पासबुक तपासत नाही. आपण असे गृहीत धरतो की आपल्या पगारातून कापलेली रक्कम दर महिन्याला आपोआप आपल्या पीएफ खात्यात जमा होते. पण तसे होत नाही. त्यामुळे, भविष्यातील समस्या टाळण्यासाठी तुम्ही तुमचे पीएफ पासबुक नियमितपणे तपासणे अत्यंत महत्त्वाचे आहे. चला तर मग, जाणून घेऊया की तुम्ही घरबसल्या आरामात तुमचे पीएफ पासबुक कसे तपासू शकता.

पासबुकमध्ये काय तपासायचं?

जेव्हाही तुम्ही तुमचे पीएफ पासबुक तपासाल, तेव्हा नेहमी काही गोष्टी लक्षात ठेवा. खात्यामध्ये महिन्याच्या नोंदी केल्या जात आहेत की नाही, हे नेहमी तपासा. उदाहरणार्थ, जर तुम्ही सप्टेंबरमध्ये तुमचे पासबुक तपासत असाल, तर ऑगस्ट महिन्याची पीएफ शिल्लक नोंदवली गेली आहे की नाही हे तपासा. केवळ तुमचा वाटाच नव्हे, तर कंपनीचा वाटा आणि पेन्शन फंडाची शिल्लक रक्कम देखील तपासण्याची खात्री करा.

घरबसल्या तुमचे पीएफ पासबुक कसे तपासावे

तुम्हाला तुमचे पीएफ पासबुक तपासायचे असल्यास, तुम्ही ते तीन सोप्या मार्गांनी करू शकता.
EPFO पोर्टल : EPFO च्या अधिकृत वेबसाइटला भेट द्या आणि तुमचा UAN व पासवर्ड वापरून लॉग इन करा. त्यानंतर, तुमचा member ID निवडा आणि तुमचे पासबुक पहा.
Passbook Lite : EPFOचे हे वैशिष्ट्य जमा रक्कम, काढलेली रक्कम आणि शिल्लक यांच्या नोंदी सविस्तर पाहता येतात.
UMANG App: तुम्ही तुमच्या फोनवर उमंग ॲप डाउनलोड करून तुमचे पासबुक आणि शिल्लक रक्कम पटकन तपासू शकता.
जर तुम्ही अनेक वेळा नोकरी बदलली असेल, तर एकाच UAN अंतर्गत तुमचे वेगवेगळे सदस्य आयडी असतील. ज्या कंपनीची माहिती तुम्हाला पाहायची आहे, त्या कंपनीचा आयडी निवडा.

PF जमा झाला नसेल तर काय करायचं?

जर तुमचा पीएफ जमा झाला नसेल, तर सर्वप्रथम तुमच्या सॅलरी स्लिप्स तपासा आणि प्रक्रियेसाठी काही दिवस थांबा. तरीही तुम्हाला नोंद दिसत नसेल, तर ताबडतोब तुमच्या कंपनीच्या एचआर विभागाशी संपर्क साधा आणि तक्रार करा.

Global Market Crash : नशीब… भारतातील शेअर बाजार आज बंद! शेजारील देशांच्या बाजारात हाहाःकार, काय नेमकी परिस्थिती?