Stock Market Today: भारतीय शेअर बाजारावर जागतिक तणावाचा प्रभाव, आज या शेअर्समध्ये दिसू शकते तेजी

Share Market Update: अमेरिका-ईराण तणावाचा परिणाम आता भारतीय शेअर बाजारावरही दिसू लागला आहे. गिफ्ट निफ्टीतील घसरणीमुळे आज बाजार नकारात्मक सुरुवात करू शकतो.

• गिफ्ट निफ्टी जवळपास 126 अंकांनी घसरून 22,930 वर व्यवहार करत असल्याने बाजारात दबावाचे संकेत आहेत.
• तज्ज्ञांनी ग्रॅन्युल्स इंडिया, डीएलएफ, एसबीआय, एचडीएफसी बँक, टायटन यांसारख्या शेअर्समध्ये संधी असल्याचे सांगितले आहे.
• नायका, आयआरएफसी, एनएमडीसी, पीसी ज्वेलर्स यांसारखे शेअर्स आजच्या व्यवहारात फोकसमध्ये राहू शकतात.

India Share Market Update:  अमेरिका – ईराण युद्धाचा भारतीय शेअर बाजारावर मोठ्या प्रमाणात परिणाम होत असल्याचे पाहायला मिळत आहे. आज ७ एप्रिल रोजी मंगळवारी भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, मंगळवारी घसरणीसह उघडण्याची शक्यता आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी नकारात्मक सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजिंगपेक्षा जवळपास १२६ अंकांच्या सवलतीवर, २२,९३० च्या पातळीवर व्यवहार करत होता.

Todays Gold-Silver Price: सोनं पुन्हा स्वस्त! 24 कॅरेट खरेदीसाठी मोजावे लागणार केवळ इतके रुपये

सोमवारी, भारतीय शेअर बाजार जोरदार तेजीसह बंद झाला, प्रमुख निर्देशांक प्रत्येकी १ टक्क्यांहून अधिक वाढले. सेन्सेक्स ७८७.३० अंकांनी, म्हणजेच १.०७ टक्क्यांनी वाढून ७४,१०६.८५ अंकांवर बंद झाला, तर निफ्टी ५० २५५.१५ अंकांनी, म्हणजेच १.१२ टक्क्यांनी वाढून २२,९६८.२५ अंकांवर स्थिरावला. सोमवारी बँक निफ्टी निर्देशांक १,०६०.३५ अंकांनी किंवा २.०६ टक्क्यांनी वाढून ५२,६०९.१० अंकांवर बंद झाला आणि दैनिक चार्टवर मॉर्निंग स्टार पॅटर्न तयार झाला.

आजच्या व्यवहारात गुंतवणूकदार कोणते शेअर्स खरेदी करू शकतात, कोणते शेअर्स गुंतवणूकदारांना नफा मिळवून देऊ शकतात, याबाबत तज्ज्ञांनी माहिती दिली आहे. चॉईस ब्रोकिंगचे सुमीत बागडिया, आनंद राठी येथील टेक्निकल रिसर्चचे वरिष्ठ व्यवस्थापक गणेश डोंगरे आणि प्रभुदास लिलाधर येथील टेक्निकल रिसर्चचे वरिष्ठ व्यवस्थापक शिजू कुथुपालक्कल यांनी आज इंट्राडे ट्रेडिंगवेळी खरेदी आणि विक्री करण्यासाठी आठ स्टॉक्सची शिफारस केली आहे. तज्ज्ञांनी शिफारस केलेल्या या शेअर्समध्ये ग्रॅन्युल्स इंडिया, सीसीएल प्रॉडक्ट्स, डीएलएफ, एल अँड टी फायनान्स, श्रीराम फायनान्स, फिनोलेक्स केबल्स, नेटवेब टेक्नॉलॉजीज आणि एसबीआय यांचा समवेश आहे.

निओट्रेडरचे सह-संस्थापक आणि स्टॉक रिसर्च प्लॅटफॉर्म मार्केटस्मिथ इंडियाचे राजा व्यंकटरमण यांनी आज भारतीय शेअर बाजारातील गुंतवणूकदारांना खरेदी करण्यासाठी पाच शेअर्सची शिफारस केली आहे. यामध्ये एचडीएफसी बँक लिमिटेड, आरबीएल बँक लिमिटेड , फेडरल बँक लिमिटेड , टायटन कंपनी लिमिटेड आणि श्नाइडर इलेक्ट्रिक इन्फ्रास्ट्रक्चर लिमिटेड या शेअर्सचा समावेश आहे. आजच्या व्यवहारात शेअर बाजारातील गुंतवणूकदार नायका, पीसी ज्वेलर्स, आयआरएफसी, एनएमडीसी, टिटागड रेल्वे, अंबुजा सिमेंट्स, एसीएमई सोलर होल्डिंग्स, फिनो पेमेंट्स बँक, गोदरेज कंझ्युमर, श्याम मेटॅलिक्स अँड एनर्जी या शे्अर्सवर त्यांचे लक्ष केंद्रीत करू शकतात.

पुन्हा खळबळ! Mark Zuckerberg चा मोठा निर्णय! Meta कंपनीतून आणखी 200 कर्मचाऱ्यांची हकालपट्टी

चॉईस ब्रोकिंगचे कार्यकारी संचालक सुमीत बागडिया यांनी दिलेल्या सल्ल्यानुसार आज भारतीय शेअर बाजारातील गुंतवणूकदार लॉयड्स मेटल्स अँड एनर्जी, एफएसएन ई-कॉमर्स व्हेंचर्स, आदित्य बिर्ला सन लाइफ एएमसी, स्टील अथॉरिटी ऑफ इंडिया आणि प्राज इंडस्ट्रीज स्टॉक्स खरेदी करण्याचा विचार करू शकतात.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)