3.3 कोटींची नोकरी सोडून घेतला मोठा निर्णय! (फोटो सौजन्य- सोशलमीडिया)
Kevin Naughton Jr’s Inspiring Career Journey: गुगलमध्ये काम करण्याची प्रत्येक व्यक्तींचे स्वप्न असते. कित्येक जण या कंपनीमध्ये काम करायला मिळावे म्हणून खूप प्रयत्न करतात. चांगली नोकरी, कामांच्या ठिकाणी मनमोकळे वातावरण अशातच कोणी नोकरी सोडण्याचा विचार करु शकेल, असा विचारही मनात येणार नाही. मात्र स्वप्न माणासांला असा विचार करण्यासाठी भाग पाडू शकतात याचे खरे उदाहरण आहेत, गुगलचे माजी सॉफ्टवेअर इंजिनिअर केविन नॉटन ज्युनिअर आहेत.
केविन हे गुगलमध्ये सॉफ्टवेअर इंजिनिअर म्हणून काम करत होते.त्यांना जवळपास 3.5 लाख डॉलर पगार होता, भारतीय रुपयांनुसार 3 कोटी 30 लाख रुपयांचे पॅकजे मिळत होते. एवढा चांगला पगार असताना त्यांनी नोकरी सोडली. कारण त्यांना स्वत:चा व्यवसाय करायचा होता. त्यामुळे त्यांनी नोकरीला रामराम केला. त्यांनी दिलेल्या मुलाखतीमध्ये आपल्या आयुष्यात येणाऱ्या प्रसंगाबद्दल त्यांनी सांगितले.
त्यावेळी ते म्हणाले की, गूगलमध्ये काम करण्याचा अनुभव चांगला होता. कंपनीचे वातावरण आणि काम दोन्ही त्यांना आवडत होते. तरीही त्यांच्या मनात स्वतः काहीतरी उभे करण्याची इच्छा कायम होती. दुसऱ्याने तयार केलेल्या प्रोजेक्टवर काम करण्यापेक्षा स्वतःची कल्पना प्रत्यक्षात आणावी, असे त्यांना वाटायचे. मात्र, चांगली नोकरी, मोठा पगार आणि सुरक्षित भविष्य यामुळे हा निर्णय पुढे ढकलला जात होता. 2022 हे वर्ष त्यांच्या आयुष्यात मोठा बदल घेऊन आले. त्यांच्या वडिलांचे निधन झाले. जवळच्या व्यक्तीला गमावल्यामुळे आयुष्य किती अनिश्चित आहे, याची त्यांना तीव्र जाणीव झाली. पुढे कधीतरी स्वतःचे काम सुरू करू, असा विचार करत राहण्यापेक्षा आजपासूनच प्रयत्न करायला हवा, असे त्यांना वाटू लागले. पैसा कमावण्याबरोबरच आपल्या कामातून समाधान मिळणेही महत्त्वाचे आहे, हे त्यांना जाणवले.
त्यावेळी केविन यांच्या मित्राने त्यांना एक प्रश्न विचारला. नोकरी सोडण्याचा निर्णय घेताना आर्थिक चिंता स्वाभाविक होती. केविन यांनी आधीच काही बचत करून ठेवली होती. त्याच काळात एका मित्राने त्यांना एक महत्त्वाचा प्रश्न विचारला. “तुझ्याकडे असलेली बचत जर काही वर्षे आरामात जगण्यासाठी पुरेशी असेल, तर मग स्वतःचे स्वप्न पूर्ण करण्याचा प्रयत्न का करू नये? या साध्या विचाराने केविन यांना मोठे धैर्य मिळाले. अखेर त्यांनी गूगलमधील नोकरी सोडण्याचा निर्णय घेतला. Google
Gold Silver Price Today: आज चमकलं सोनं-चांदी, 2% चांदीच्या दरात वाढ, एका रात्रीत कसे वाढले दर
गूगल सोडल्यानंतर केविन यांनी तंत्रज्ञान क्षेत्रातील आपला अनुभव वापरून The Daily Byte नावाचा शिक्षणविषयक प्लॅटफॉर्म तयार केला. कोडिंग आणि टेक कंपन्यांच्या मुलाखतींची तयारी करणाऱ्या तरुणांना यामधून मदत केली जाते. विशेषतः मोठ्या टेक कंपन्यांमध्ये नोकरी मिळवण्यासाठी आवश्यक असलेल्या प्रोग्रामिंग आणि कोडिंग कौशल्यांवर त्यांनी लक्ष केंद्रित केले. हळूहळू त्यांचे काम अधिक लोकांपर्यंत पोहोचले. फक्त एका वेबसाइटपुरते ते थांबले नाहीत. YouTube, न्यूजलेटर आणि सोशल मीडियाच्या माध्यमातून त्यांनी डेव्हलपर्सना मार्गदर्शन करण्यास सुरुवात केली. The Sweekly आणि Devlaunch यांसारखे उपक्रमही त्यांच्या प्रवासाचा भाग बनले.
स्वतःचा व्यवसाय सुरू करणे कागदावर जितके सोपे दिसते, तितके प्रत्यक्षात नसते. नोकरीमध्ये ठरलेला पगार असतो, तर व्यवसायात प्रत्येक दिवस नवा असतो. केविन यांनाही या काळात अनेक अडचणींचा सामना करावा लागला. मात्र, नोकरी सोडल्यानंतर एक वर्ष पूर्ण झाल्यावर त्यांनी या निर्णयाबद्दल कोणतीही खंत नसल्याचे स्पष्ट केले. प्रयत्न करून अपयश आले तरी ते स्वीकारता येते; पण प्रयत्नच केला नाही, तर नंतरची खंत अधिक मोठी असू शकते, हा त्यांचा विचार होता.
केविन नॉटन यांची गोष्ट म्हणजे प्रत्येकाने नोकरी सोडून व्यवसाय सुरू करावा, असा संदेश नाही. उलट, स्वप्न पाहण्यासोबत त्यासाठी तयारी करणे किती गरजेचे आहे हे यातून दिसते.मोठा पगार मिळत असला तरी मन दुसऱ्या दिशेने धावत असेल, तर त्या इच्छेकडे पूर्णपणे दुर्लक्ष करता येत नाही. मात्र, असा निर्णय घेण्यापूर्वी बचत, आर्थिक जबाबदाऱ्या आणि पुढचा मार्ग यांचा विचार करणेही तितकेच महत्त्वाचे आहे.
.png "Videos"){kind=small}
