दरमहा 7,500 गुंतवा आणि करोडपती होण्याच्या दिशेने वाटचाल करा; Step-Up SIPचं हे गणित समजून घ्या!

Step-Up SIP: प्रत्येक सामान्य मुलांचे स्वप्न असते की, आपल्या घरातील आई- वडीलांनी कोणतीही गोष्ट घेताना त्यांची किंमत न पाहता आपण त्यांना घेऊन द्यावी. त्यासाठी माणूस दिवसभर राबतो. मात्र ते स्वप्न पूर्ण होत नाही. पण एक छोटीशी गुंतवणूक तुमचे भविष्य चांगले करेल. कसं ते जाणून घ्या..

• 7,500 पासून SIPची सुरुवात करता येते.
• Step-Up SIPमध्ये दरवर्षी गुंतवणूक वाढवता येते.
• दीर्घकाळात चक्रवाढीमुळे संपत्ती वाढण्यास मदत होऊ शकते.

Business News: ७५०० रुपयांपासून १ कोटी कसे बनवायचे? प्रत्येकाला वाटते की आपण एक दिवस तरी करोडपती असावे. जर तुम्ही हुशारीने आणि शिस्तीने गुंतवणूक केली तर अगदी छोट्या SIP ने पण कोटी बनू शकता. यासाठी एक ट्रिक आहे, त्याचं नाव आहे स्टेप-अप SIP.

स्टेप-अप SIP म्हणजे काय?

आपण नेहमी जी SIP करतो त्यात काय होतं, दर महिन्याला एकच रक्कम SIP ची फिक्स करतो. समजा ७५०० ची SIP लावली तर २० वर्ष फक्त ७५०० भरत असतो.  पण स्टेप-अप SIP मध्ये तुम्ही दरवर्षी तुमची SIP वाढवू शकते. उदाहरणार्थ यावर्षी ७५००, पुढच्या वर्षी १०% वाढवून ८२५०, त्याच्या पुढच्या वर्षी ९०७५ अशी ठेवली तर, तुमचा जास्त पैसा मार्केटमध्ये जातो आणि त्यावर चक्रवाढ व्याज म्हणजे कंपाउंडिंगचा जास्त फायदा मिळतो.

कोट्यावर्धी लवकर कसे बनतील?

तुम्ही आजपासून दर महिन्याला ७५०० रुपयांची SIP सुरू केली. त्यावर दरवर्षी १०% ने ती वाढवत गेलात. म्हणजेच तुम्हाला वर्षाला १२% परतावा मिळू शकतो. तर तुम्ही फक्त १८ वर्षात १ कोटीचे मालक व्हाल. तुमच्या जवळ १ कोटी १ लाख होईल. या १८ वर्षात तुम्ही स्वतःच्या खिशातून फक्त ४१ लाख रुपये गुंतवले असतील. त्यावर तुम्हाला जवळपास ६० लाखांचा नफा मिळेल.

Share Market Today: घसरणीला लागला ब्रेक, शेअर बाजारात तेजी; ४०० अंकांनी बँक निफ्टी उसळले

कसं ते जाणून घेऊया..

• महिन्याची SIP – ७५००
• वेळ लागेल – २२ वर्ष ४ महिने
• तुम्ही गुंतवलेले पैसे – २० लाख १० हजार
• त्यावर नफा – ८० लाख ३४ हजार
• एकूण फंड – १ कोटी पर्याय २ – १०%

स्टेप-अप SIP सुरु केली तर काय होईल?

• सुरुवात – ७५०० पासून
• दरवर्षी वाढ – १०%
• वेळ लागेल – फक्त १८ वर्ष
• तुम्ही गुंतवलेले पैसे – ४१ लाख
• त्यावर नफा – ६० लाख ९३ हजार
• एकूण फंड – १ कोटी १ लाख

फक्त दरवर्षी थोडी वाढ केल्याने तुम्ही ४ वर्षांपेक्षा जास्त आधी कोट्यधीश झाला. २२ वर्षांऐवजी १८ वर्षातच तुमचं ध्येय पूर्ण झालं. लक्षात ठेवण्यासारख्या गोष्टीस्टेप-अप करताना एक गोष्ट लक्षात ठेवा, तुमच्या घरचा खर्च पण वाढत असतो. त्यामुळे एवढीच वाढ ठेवा जी तुम्हाला परवडेल. उगाच जास्त वाढवून मग SIP बंद करायची वेळ येऊ नये.

लोकांना श्रीमंत होण्याचा सल्ला देणारे स्वतःच कर्जात… Rich Dad Poor Dad चे लेखक Robert Kiyosaki वर तब्बल 10000 कोटींचे कर्ज

टीप – हे सगळं गणित १२% परताव्याच्या अंदाजावर आहे. मार्केट वर-खाली होतं त्यामुळे परतावा कमी जास्त होऊ शकतो. हा गुंतवणुकीचा सल्ला नाहीये, फक्त माहितीसाठी आहे. पैसे गुंतवण्याआधी एकदा चांगल्या आर्थिक सल्लागाराला नक्की विचारा.