घडला इतिहास…जपानला मागे टाकत भारताने मिळवलीये अर्थव्यवस्थेत खास जागा! अमेरिका, चीन आणि जर्मनीदेखील पुढे

नीती आयोगाचे सीईओ यांनी सांगितले की भारत आता जगातील चौथी सर्वात मोठी अर्थव्यवस्था बनला आहे. भारताने जपानला मागे टाकले आहे. नक्की हे कसे घडले याबाबत अधिक माहिती जाणून घ्या

भारताने इतिहास रचला आहे. नीती आयोगाचे सीईओ बीव्हीआर सुब्रमण्यम यांनी अर्थव्यवस्थेबाबत एक मोठी बातमी दिली आहे. त्यांच्या म्हणण्यानुसार, भारत आता जगातील चौथी सर्वात मोठी अर्थव्यवस्था बनला आहे आणि या बातमीसह भारताने जपानला मागे टाकले आहे असेही त्यांनी सांगितले आहे.

नीती आयोगाच्या १० व्या गव्हर्निंग कौन्सिल बैठकीनंतर सुब्रमण्यम यांनी हे सांगितले. ते म्हणाले की सध्याचे वातावरण भारतासाठी चांगले आहे. देशाची आर्थिक स्थिती मजबूत आहे. “सध्या आपण जगातील चौथी सर्वात मोठी अर्थव्यवस्था आहोत,” असे सुब्रमण्यम यांनी पीटीआयला सांगितले. आपली अर्थव्यवस्था ४ ट्रिलियन डॉलर्सची आहे.

केवळ 3 देश पुढे 

सुब्रमण्यम यांनी आंतरराष्ट्रीय नाणेनिधी (IMF) मधील डेटाचा हवाला दिला. आयएमएफच्या मते, भारताची अर्थव्यवस्था जपानपेक्षा मोठी झाली आहे. ते पुढे म्हणाले, ‘फक्त अमेरिका, चीन आणि जर्मनी हे देश भारताच्या पुढे आहेत. जर आपण योजनेनुसार काम करत राहिलो तर पुढील अडीच ते तीन वर्षांत आपण तिसरी सर्वात मोठी अर्थव्यवस्था बनू असे मत त्यांनी यावेळी मांडले आहे. 

गिनीज वर्ल्ड रेकॉर्डमध्ये LIC चा डंका ! फक्त 24 तासात केली ‘ही’ मोठी कामगिरी

भारतात वस्तू बनवणे स्वस्त

अमेरिकेचे राष्ट्राध्यक्ष डोनाल्ड ट्रम्प यांनी अलिकडेच म्हटले होते की, अ‍ॅपलने भारतात नव्हे तर अमेरिकेत आयफोन बनवावेत अशी त्यांची इच्छा आहे. यावर सुब्रमण्यम म्हणाले की, दर किती असेल हे सांगणे कठीण आहे. पण आता भारतात वस्तू बनवणे स्वस्त झाले आहे.

सुब्रमण्यम म्हणाले की, सरकार पुन्हा एकदा त्यांच्या मालमत्ता भाड्याने देईल किंवा विकेल. याला मालमत्ता मुद्रीकरण म्हणतात. त्याची दुसरी फेरी ऑगस्टमध्ये सुरू होईल. यामुळे सरकारला अधिक पैसा मिळेल, ज्यामुळे देशाचा विकास होईल.

भारतासाठी गुड न्यूज

फिच रेटिंग्जने २०२८ पर्यंत भारताच्या सरासरी वार्षिक वाढीच्या क्षमतेचा अंदाज ६.४ टक्के केला आहे. नोव्हेंबर २०२३ मध्ये रेटिंग एजन्सीने तो ६.२ टक्के असण्याचा अंदाज वर्तवला होता. फिचने त्यांचे पाच वर्षांचे संभाव्य सकल देशांतर्गत उत्पादन (जीडीपी) अंदाज अद्ययावत केले आहेत, असे म्हटले आहे की २०२३ च्या अहवालाच्या वेळी भारतीय अर्थव्यवस्था आमच्या अपेक्षेपेक्षा जास्त मजबूत झाली आहे. हे जागतिक महामारीच्या धक्क्याचा कमी प्रतिकूल परिणाम दर्शवते.

फोर्ब्सच्या ‘30 Under 30 Asia’ यादीत रायगडच्या शिखर अग्रवाल यांचा समावेश; 100 कोटींचा फार्मा स्टार्टअप उभारणारा तरुण

UN चे चांगले संकेत

सध्या भारताची अर्थव्यवस्था वेगाने वाढत आहे. संयुक्त राष्ट्रांच्या (UN) एका अहवालानुसार, या वर्षी भारतीय अर्थव्यवस्था केवळ चीनलाच नव्हे तर अमेरिका आणि युरोपलाही मागे टाकेल. यामुळे अर्थव्यवस्थेच्या बाबतीत भारत पहिल्या स्थानावर असेल.

अहवालानुसार, भारताची अर्थव्यवस्था या वर्षी ६.३% दराने वाढेल. जगातील प्रमुख अर्थव्यवस्थांमध्ये हे सर्वाधिक आहे. चीनची अर्थव्यवस्था ४.६%, अमेरिकेची १.६%, जपानची ०.७% आणि युरोपची १% दराने वाढण्याचा अंदाज आहे. जर्मनीची अर्थव्यवस्था ०.१% ने घसरू शकते.