Stock Market Today: भारती एअरटेल आणि इटरनलसह ‘या’ शेअर्सवर ठेवा आज तुमचे लक्ष! गुंतवणूक करण्यापूर्वी वाचा तज्ज्ञांचा सल्ला

Share Market Update: मंगळवारी शेअर बाजारात तेजी पाहायला मिळाली. आज शेअर बाजाराची सुरुवात सपाट पातळीवर होऊ शकते, असा अंदाज तज्ज्ञांनी वर्तवला आहे. गुंतवणूकदारांना खरेदी करण्यासाठी काही शेअर्सची शिफारस देखील केली आहे.

• जागतिक बाजारात तेजीचे वातावरण
• सपाट पातळीवर होणार भारतीय शेअर बाजाराची सुरुवात
• गुंतवणूकदारांना खरेदी करण्यासाठी तज्ज्ञांनी केली आठ इंट्राडे स्टॉक्सची शिफारस

India Share Market Update: बुधवारी, १८ फेब्रुवारी रोजी जागतिक बाजारात तेजीचे वातावरण होते. मात्र असे असले तरी देखील आज भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, सपाट पातळीवर उघडू शकतात, अशी शक्यता वर्तवण्यात आली आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकाची सुरुवात मंदावल्याचे दर्शवितात. गिफ्ट निफ्टी २५,७६२ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ २३ अंकांनी जास्त होता.

Todays Gold-Silver Price: सोन्या – चांदीच्या दरात घसरण सुरुच! आजचे दर पाहून ग्राहक झाले आनंदी, वाचा सविस्तर

मंगळवारी, भारतीय शेअर बाजारात सलग दुसऱ्या सत्रात तेजी पाहायला मिळाली, बेंचमार्क निफ्टी ५० २५,७०० च्या वर बंद झाला. सेन्सेक्स १७३.८१ अंकांनी म्हणजेच ०.२१% ने वाढून ८३,४५०.९६ वर बंद झाला, तर निफ्टी ५० ४२.६५ अंकांनी म्हणजेच ०.१७% ने वाढून २५,७२५.४० वर बंद झाला. मंगळवारी बँक निफ्टी निर्देशांक २२४.९० अंकांनी किंवा ०.३७% ने वाढून ६१,१७४.०० वर बंद झाला. (फोटो सौजन्य – Pinterest) 

आजच्या गुंतवणूकदारांनी जर भारती एअरटेल, इटरनल, इन्फोसिस, भेल, अदानी एंटरप्रायझेस, दिलीप बिल्डकॉन, हेक्सावेअर टेक्नॉलॉजीज, इंजिनियर्स इंडिया, एनडीएल व्हेंचर्स, हेल्थकेअर ग्लोबल एंटरप्रायझेस या शेअर्सवर त्यांचे लक्ष केंद्रीत केले, तर त्यांना मोठ्या प्रमाणात नफा मिळण्याची शक्यता आहे.

रेल्वे प्रवाशांसाठी खुशखबर! आता झोपेत स्टेशन सुटण्याची भीती संपली; रेल्वेने सुरू केली ‘डेस्टिनेशन अलर्ट’ सेवा

आज बुधवारी भारतीय शेअर बाजारातील गुंतवणूकदारांना खरेदी करण्यासाठी चॉइस ब्रोकिंगचे कार्यकारी संचालक सुमित बगडिया, आनंद राठी येथील तांत्रिक संशोधनाचे वरिष्ठ व्यवस्थापक गणेश डोंगरे आणि प्रभुदास लिलाधर येथील तांत्रिक संशोधनाचे वरिष्ठ व्यवस्थापक शिजू कुथुपलक्कल यांनी आठ इंट्राडे स्टॉक्सची शिफारस केली आहे. शेअर बाजारातील तज्ज्ञांनी शिफासर केलेल्या या इंट्राडे स्टॉक्समध्ये सन टीव्ही, सफायर फूड्स इंडिया, बीपीसीएल, फोर्टिस हेल्थकेअर, प्रेस्टिज इस्टेट्स, टाटा मोटर्स पीव्ही, पेटीएम आणि डीसीएक्स सिस्टम्स यांचा समावेश आहे.

आयसीआयसीआय सिक्युरिटीजचे उपाध्यक्ष आणि डेरिव्हेटिव्ह्ज आणि क्वांट रिसर्च प्रमुख जय ठक्कर यांनी गुंतवणूकदारांना खरेदी करण्यासाठी युनियन बँक फ्युचर्स, मॅक्स फायनान्शियल सर्व्हिसेस फ्युचर्स (एमएफएसएल) आणि कोलगेट पामोलिव्ह (इंडिया) फ्युचर्स या स्टॉक्सची शिफारस केली आहे. नुवामा प्रोफेशनल क्लायंट्स ग्रुपचे वरिष्ठ उपाध्यक्ष-संशोधन सागर दोशी यांनी गुंतवणूकदारांना खरेदी करण्यासाठी बीएलडब्ल्यू प्रेसिजन फोर्जिंग्ज लिमिटेड, पॉवर फायनान्स कॉर्पोरेशन लिमिटेड (पीएफसी) आणि एनएलसी इंडिया लिमिटेड या तीन स्टॉकची शिफारस केली आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)