Kolhapur News : कडाक्याच्या उन्हाळ्य़ात दरवाढीचा चटका ; आवक घटल्याने लिंबू महागला

ईश्वरपूर तालुक्यात उन्हाचा पारा दिवसेंदिवस चढत असल्याने नागरिक उकाड्याने त्रस्त झाले आहेत. उष्णतेपासून दिलासा मिळवण्यासाठी लिंबूपाणी आणि सरबताचा आधार घेतला जात असला आहे.

• कडाक्याच्या उन्हाळ्य़ात दरवाढीचा चटका
• आवक घटल्याने लिंबू महागला

कोल्हापूर : ईश्वरपूर तालुक्यात उन्हाचा पारा दिवसेंदिवस चढत असल्याने नागरिक उकाड्याने त्रस्त झाले आहेत. उष्णतेपासून दिलासा मिळवण्यासाठी लिंबूपाणी आणि सरबताचा आधार घेतला जात असला आहे. बाजारात लिंबाच्या दराने विक्रमी उसळी घेतल्याने सर्वसामान्यांच्या खिशाला झळ बसत आहे. गेल्या काही दिवसांपासून ईश्वरपूर परिसरात तापमानात सातत्याने वाढ होत आहे. दुपारच्या सुमारास रस्त्यांवरची वर्दळ कमी होत आहे. त्याचबरोबर  दुपारी नागरिक थंड पेयांकडे वळताना दिसत आहेत.

उन्हाळ्यात लिंबूपाणी आरोग्यास आवश्यक
उन्हाळ्यात शरीरातील पाण्याची पातळी टिकवण्यासाठी लिंबूपाणी पिण्याचा सल्ला देखील डॉक्टरांकडून दिला जात आहे. त्यामुळे आरोग्याच्या दृष्टीनेही नागरिक लिंबाचा वापर टाळू शकत नाहीत. परिणामी वाढत्या दरातही लिंबाची खरेदी सुरूच आहे. त्यात भरीला भर म्हणजे  येत्या काही दिवसांत तापमान आणखी वाढण्याची शक्यता वर्तवली जात असल्याने लिंबाचे दर अजून वाढण्याची भीती व्यक्त केली जात आहे.

Kolhapur News : पाणी संकट धरणसाठा 51 टक्क्यांवर; गेल्या वर्षाच्या तुलनेत पाणीपातळीत घट कोल्हापूर जिल्ह्यावर पाणीटंचाईचे सावट ?

बाजारात पुरवठा कमी असल्याने दरात विक्रमी वाढ
लिंबूपाणी हा स्वस्त, सहज आणि आरोग्यदायी पर्याय असल्याने त्याची मागणी सर्वाधिक आहे.  मात्र ऐन उन्हाळ्याच्या दिवसात या वाढत्या मागणीला पुरवठा अपुरा पडत असल्याने लिंबाचे दर गगनाला भिडले आहेत. स्थानिक बाजारपेठेत सध्या लिंबू 10 रुपयांना एक तर 20 रुपयांना तीन अशा दराने विकले जात आहेत, काही दिवसांपूर्वी 5 ते 6 रुपयांना मिळणारे लिंबू आता दुप्पट दराने मिळत असल्याने नागरिक नाराजी व्यक्त करत आहेत. विशेषतः मध्यमवर्गीय व हातावर पोट असलेल्या कुटुंबांवर याचा अधिक परिणाम होत आहे.

लिंबाचे सध्याचे दर
लिंबू : 10 रुपये एक
लिंबू : 20 रुपयांना 3
लिंबूसरबत 10 ते 20 रुपये प्रति ग्लास
66 बाजारात लिंबाची आवक मोठ्या प्रमाणात घटली आहे. उत्पादन कमी होणे, वाहतूक खर्च वाढणे आणि अचानक वाढलेली मागणी यामुळे दरात झपाट्याने वाढ झाली आहे. तसेच हॉटेल, ज्यूस सेंटर, फेरीवाले यांच्याकडूनही मोठ्या प्रमाणावर लिंबाची खरेदी होत असल्याने किरकोळ बाजारात टंचाई जाणवत आहे, असं स्थानिक विक्रेत्यांनी सांगितलं आहे.

Kolhapur News : इंधनखर्चात लाखोंची बचत ; इचलकरंजी पालिकेच्या ताफ्यात ‘ईव्ही’ येणार ?