Liquor Purchase New Rules : दारू विक्रीबाबत कडक नियम? 1000 रुपयांवरील खरेदीसाठी कॅश चालणार नाही; UPI किंवा Card Payment सक्तीचं

Liquor Purchase New Rules : मद्यप्रेमींसाठी एक महत्त्वाची बातमी समोर आली असून, आता १,००० रुपयांपेक्षा जास्त किमतीची दारू खरेदी करण्यासाठी रोख रक्कम चालणार नाही. वाइन शॉप्सवर केवळ UPI आणि कार्ड पेमेंटद्वारेच १,००० रुपयांवरील मद्याची विक्री करण्याचा नवा नियम लागू करण्यात आला आहे.

• दारू विक्रीबाबत कडक नियम लागू?
• 1000 रुपयांवरील खरेदीसाठी कॅश चालणार नाही
• UPI किंवा Card Payment सक्तीचे

Liquor Purchase New Rules : तुम्हीही दारुचे शौकिन असाल तर ही बातमी तुमच्यासाठी महत्त्वाची आहे. तुम्ही दुकानात जाताना जर कॅश घेऊन गेला तर तुम्हाला दारु खरेदी करता येणार नाही. त्याासाठी तुम्हाला UPI किंवा Card Payment चा वापर करावा लागेल. प्रत्येक महिन्याच्या पहिल्या तारखेपासून अनेक नियम बदलतात, ज्याचा थेट परिणाम सर्वसामान्य लोकांच्या खिशावर आणि त्यांच्या दैनंदिन व्यवहारांवर होतो. त्यात आता दारुबाबत नियम आल्यामुळे त्याचा परिणाम होणार एवढं नक्की. दारू खरेदी करणाऱ्यांसाठी हा नियम लागू होणार आहे. हा नवीन नियम नेमका काय आहे? काय अटी आहेत सगळं सविस्तर जाणून घेऊयात. ( Liquor Purchase New Rules ) 

NHAI New Toll Rules : 1 नोव्हेंबरपासून बदलणार Highway Toll चे नियम! फक्त ‘इतक्या’ रुपयांत मिळणार संपूर्ण वर्षाचा टोल पास

तामिळनाडूमध्ये, १ नोव्हेंबर २०२६ पासून, ग्राहकांना १,००० रुपयांपेक्षा जास्त किमतीच्या दारूच्या खरेदीसाठी डिजिटल पेमेंट करावे लागेल. यासाठी यूपीआय, डेबिट कार्ड आणि क्रेडिट कार्ड यांसारख्या पर्यायांचा वापर केला जाईल.
हा निर्णय तामिळनाडू राज्य विपणन महामंडळाने घेतला आहे. या बदलाचा मुख्य उद्देश दारूच्या दुकानांमध्ये रोख रकमेचा वापर कमी करणे, व्यवहारांमध्ये पारदर्शकता वाढवणे आणि ग्राहकांकडून जास्त पैसे आकारण्यासारख्या तक्रारी थांबवणे हा आहे.

दारू खरेदीसाठी डिजिटल पेमेंट कधीपासून अनिवार्य ?

१ नोव्हेंबरपासून, ₹१,००० पेक्षा जास्त किमतीच्या दारू खरेदीसाठी डिजिटल पेमेंट अनिवार्य असेल. ग्राहक UPI, डेबिट कार्ड किंवा क्रेडिट कार्ड वापरून पेमेंट करू शकतात. पण, ₹१,००० पर्यंतच्या खरेदीसाठी, ग्राहक रोख आणि डिजिटल पेमेंट यापैकी एक निवडू शकतात. हा नियम विशेषतः तामिळनाडूमध्ये TASMAC द्वारे चालवल्या जाणाऱ्या दारूच्या दुकानांमध्ये लागू केला जाणार आहे. म्हणजे तुम्ही तामिळनाडूमध्ये गेला आणि तुम्हालाही दारु खरेदी करायची असेल तर तुम्हालाही हा नियम लागू होणार आहे.

पेमेंटबाबत नियमांत बदल का?

TASMAC च्या मते, राज्यात सध्या ४,०४८ किरकोळ दारूची दुकाने आहेत. डिजिटल पेमेंटचे पर्याय उपलब्ध असूनही, बहुतेक व्यवहार रोखीतच केले जातात. कंपनीचे म्हणणे आहे की, मोठ्या प्रमाणात रोख रक्कम हाताळल्याने कर्मचाऱ्यांना सुरक्षेचा धोका, हिशोबातील चुका आणि बनावट चलनाचा धोका निर्माण होऊ शकतो. डिजिटल पेमेंटमुळे प्रत्येक व्यवहाराची वेळ आणि रक्कम नोंदवली जाईल, ज्यामुळे नोंदी ठेवणे सोपे होईल. यामुळे कमाल किरकोळ किमतीपेक्षा जास्त दर आकारल्याबद्दल ग्राहकांच्या तक्रारींवर लक्ष ठेवणे देखील सोपे होईल.

नियमांचे उल्लंघन करणाऱ्यांवर कारवाई

TASMAC अधिकाऱ्यांच्या म्हणण्यानुसार, नवीन नियमांचे उल्लंघन करणाऱ्या कर्मचाऱ्यांवर कठोर कारवाई केली जाईल. स्टोअर सुपरवायझर्सना प्रत्येक खरेदीसाठी बिल देण्याचे आणि अधिकृत POS मशीनवर पेमेंटची पुष्टी करण्याचे निर्देश देण्यात आले आहेत.

Todays Gold-Silver Price: सोनं पुन्हा महागलं, चांदीचे दर स्थिर; नाशिक, चेन्नई आणि सुरतमधील भाव किती?