LPG Cylinder Price Hike: सणासुदीच्या तोंडावर गॅस सिलिंडर महागला! ‘या’ शहरात सर्वाधिक दरवाढ

LPG Cylinder Price Hike: सणासुदीच्या काळात १ ऑक्टोबरपासून १९ किलोच्या कमर्शियल LPG सिलिंडरच्या दरात वाढ करण्यात आली आहे. कोलकात्यात सर्वाधिक ७० रुपयांची वाढ झाली असून दिल्लीमध्ये ६२ रुपये, मुंबईत ६३ रुपये आणि चेन्नईत ६६ रुपयांची वाढ झाली आहे.

Commercial LPG Cylinder: सणासुदीच्या दिवसांता घरात गोडाधोडाचे खाद्यपदार्थ बनवले जातात. पण आता याच सणासुदीच्या काळात गॅस सिलेंडरच्या दरात वाढ होत आहे. 1 ऑक्टोबरपासून सरकारी तेल कंपन्यानी मोठा झटका दिला. १९ किलोच्या कमर्शियल गॅस सिलिंडरच्या दरात तब्बल 70 रुपयांनी वाढ झाली. त्यामुळे दिल्लीमध्ये हाच सिलेंडर २८१० रुपयांना मिळणार आहे.

नवरात्री, दिवाळीच्या तोंडावर ही दरवाढ झाल्याने हॉटेल, रेस्टॉरंट, मिठाईवाल्यांचं बजेट बिघडणार. दरम्यान बाहेरचं खाणं महागणार आहे. नवरात्रीच्या काळात अनेक ठिकाणी रात्रभर गरब्याचे आयोजन केले जाते. अशावेळी अनेकदा बाहेरचे खाणे होते. या वाढत्या दरवाढीचा सामान्याच्या खिशावर परिणाम होईल हे नक्कीच. हे सर्व असताना एक आनंदाची बातमी समोर येत आहे की, घरगुती १४.२ किलोचा सिलिंडरवर कोणतीही दरवाढ केली गेली नाही. LPG Cylinder Price Hike:

चार मोठ्या शहरात किती वाढ झाली?

१ ऑक्टोबरपासून नवीन दर लागू झाली. सगळीकडेच दर वाढले आहेत.

• कोलकात्यामध्ये सगळ्यात जास्त ७० रुपयांची वाढ
• दिल्लीत आधी २७४७ रुपये होता, आता २८१० रुपये झाला आहे म्हणजेच तब्बल ६२ रुपयांची वाढ.
• कोलकात्यात आधी २८८४ होता, आता २९५४ झाला आहे. ७० रुपयांची वाढ.
• मुंबईत आधी २७०१ होता, आता २७६४ रुपये झाला आहे. जवळपास ६३ रुपयांची वाढ.
• चेन्नईत आधी २९१६ होता, आता २९८३ झाला आहे. ६६ रुपयांची वाढ.

हा दुसरा महिना आहे दर वाढीचा

सलग दुसऱ्या महिन्यात कमर्शियल सिलिंडरचे दरवाढवले आहेत. सप्टेंबर महिन्यामध्ये १० रुपये वाढ झाली होती. त्याआधी जुलै आणि ऑगस्टमध्ये दिलासा मिळाला होता. जुलैमध्ये १८३ रुपये आणि ऑगस्टमध्ये २०९ रुपये दर कमी झाला होता. पण वर्षाच्या सुरुवातीला जानेवारी ते जून या सहा महिन्यात तर सातवेळा दर वाढले होते.

October 1 Rule Changes 2026: सर्वसामान्यांच्या खिशाला पुन्हा कात्री लागणार: LPG पासून UPI पेमेंटच्या नियमांत मोठे बदल

दर का वाढले?

यामागचं कारण म्हणजे बाहेरच्या देशात चालू असलेला तणाव. अमेरिका आणि इराणमध्ये वाद वाढला आहे. पश्चिम आशियात परिस्थिती ठीक नाही. त्यामुळे बाहेरच्या बाजारात गॅसचे भाव वाढले आहेत आणि त्याचा परिणाम आपल्या इथे पण झाला आहे.

घरगुती सिलिंडरला दिलासा

कमर्शियल सिलिंडर महागला असला तरी घरातला सिलिंडर महाग झालेला नाही. १४.२ किलोच्या घरगुती सिलिंडरचे दर आहे तसेच ठेवले आहेत. शेवटची वाढ ७ जून २०२६ ला झाली होती तेव्हा २९ रुपये वाढले होते. त्यानंतर दर वाढले नाहीत.

नागरिकांनो लक्ष द्या ! देशात आजपासून बदलणार ‘हे’ नियम; LPG सिलिंडर …

सध्या घरगुती सिलिंडरचे दर असे आहेत –

• दिल्ली – ९४२ रुपये
• मुंबई – ९४१ रुपये
• कोलकाता – ९६८ रुपये
• चेन्नई – ९५७ रुपये

सणात खाणं महाग होणार

ऑक्टोबरमध्ये नवरात्र, दसरा, दिवाळी आहे. या काळात लोक बाहेर जास्त खातात. हॉटेलमध्ये गर्दी असते, मिठाई, फराळ खूप विकला जातो. पण आता गॅसच महाग झाला आहे त्यामुळे हॉटेलवाल्यांचा खर्च वाढणार आहे. ते खर्च वाढवून ग्राहकांकडूनच घेणार दरम्यान सामान्यांच्या खिशावर ताण पडणार आहे. त्यामुळे हॉटेलचं जेवण, मिठाई, समोसा, कचोरी सगळंच महाग होण्याची शक्यता आहे.