रविवार, 20 सप्टेंबर 2026
LPG Subsidy हवी असेल तर (फोटो सौजन्य- सोशलमीडिया)
घरात गॅस सिलिंडर वापरत असाल तर ही बातमी तुमच्यासाठी खूप महत्वाची आहे. सरकारने घरगुती गॅस सिलिंडरसाठी एक नवीन नियम काढला आहे. 1 ऑक्टोबर 2026 पासून तुम्हाला जर सबसिडी वाला सिलिंडर हवा असेल तर बायोमेट्रिक आधार व्हेरिफिकेशन करावंच लागेल. अंगठा लावल्याशिवाय स्वस्तात गॅस मिळणार नाही. सरकारने शनिवारीच याबद्दल माहिती दिली आहे. त्यांनी सांगितलं आहे की सगळ्या ग्राहकांनी वेळेत आपलं व्हेरिफिकेशन करून घ्यावं. नाहीतर नंतर त्रास होईल. LPG Subsidy
सरकारचं म्हणणं आहे की हा नियम कोणाला त्रास देण्यासाठी नाहीये. तर सबसिडीचा पैसा खऱ्या गरजू लोकांपर्यंत पोहोचावा यासाठी हा नियम आहे. अनेक ठिकाणी असं होतं की एकाच नावावर दोन दोन कनेक्शन असतात, किंवा जे लोक पात्र नाहीत ते पण सबसिडी घेतात. काही लोक घरगुती सिलिंडर घेऊन बाहेर हॉटेलमध्ये जास्त पैशात विकतात. हा सगळा गैरवापर थांबवण्यासाठी सरकारने आता प्रत्येक कनेक्शन आधारला आणि अंगठ्याला जोडायचं ठरवलं आहे. एकदा अंगठा लावला की डुप्लिकेट कनेक्शन आपोआप बंद होतील आणि सिस्टीम एकदम पारदर्शक होईल.
ज्यांनी आधीच आपलं बायोमेट्रिक करून घेतलं आहे त्यांना काहीच करायची गरज नाही. त्यांचा गॅस पूर्वीसारखाच येत राहील. सरकारने सांगितलं की 19 सप्टेंबर 2026 पर्यंत देशात 27.43 कोटी लोकांनी म्हणजे 89.8% लोकांनी आपलं बायोमेट्रिक पूर्ण केलं आहे. म्हणजे अजून पण 10% लोक बाकी आहेत. त्यांनी लवकरात लवकर हे काम करून घ्यावं.
ज्यांचं अजून बाकी आहे त्यांच्यासाठी सरकारने खूप सोपे पर्याय दिले आहेत.जेव्हा तुमचा गॅस वाला घरी सिलिंडर द्यायला येईल, तेव्हाच तो त्याच्या मोबाईल मधल्या OMC App वर तुमचा अंगठा घेऊन व्हेरिफिकेशन करू शकतो. तुम्हाला कुठे जायची गरज नाही.
Petrol Pump UPI MDR Charges: चालकांचा मोठा इशारा! पेट्रोल भरायला निघताय? UPIवर अवलंबून राहू नका…
घरी बसून पण e-KYC करता येते. जर तुमचा इंडेन गॅस असेल तर Indian Oil One App वापरा. भारत गॅस असेल तर Hello BPCL App आणि HP गॅस असेल तर HP Pay App वरून तुम्ही घरबसल्या KYC करू शकता. PMUY पोर्टलवर याचे व्हिडिओ पण आहेत, ते पाहून तुम्ही करू शकता. आधी याची शेवटची तारीख 30 जून 2026 होती, पण लोकांची सोय व्हावी म्हणून सरकारने ती अनेक वेळा वाढवली. 31 जुलै, 7 ऑगस्ट, 15 ऑगस्ट, 31 ऑगस्ट आणि शेवटी 14 सप्टेंबर अशी तारीख वाढवत नेली. पण आता 1 ऑक्टोबरपासून हा नियम सक्तीचा होणार आहे.
जर तुम्हाला बायोमेट्रिक करायचं नसेल किंवा तुम्ही करू शकत नसाल, तर तुम्हाला गॅस मिळणार नाही असं नाही. गॅस मिळेल पण तुम्हाला सबसिडी मिळणार नाही. तुम्हाला बाजार भावाने पूर्ण पैसे द्यावे लागतील.
अशा लोकांना फक्त 5 किलो किंवा 10 किलोचाच सिलिंडर मिळेल, 14.2 किलोचा मोठा सिलिंडर मिळणार नाही. त्यासाठी तुम्हाला OMC च्या वेबसाईटवर किंवा WhatsApp, Chatbot वर जाऊन तुमची इच्छा सांगावी लागेल.
सध्या सरकार घरगुती सिलिंडरवर सबसिडी देतच आहे. सप्टेंबर 2026 मध्ये 14.2 किलोच्या सिलिंडरवर 210 रुपयांची सबसिडी मिळत आहे. सरकार म्हणतंय की पुढच्या वर्षी जून पर्यंत ही सबसिडी 721 रुपयांपर्यंत जाईल. त्यामुळे जर तुम्हाला स्वस्तात गॅस हवा असेल तर लवकरात लवकर आपला अंगठा लावून व्हेरिफिकेशन पूर्ण करून घ्या.
