McDonald’s चा मेन्यू बदलणार! बर्गर बाऊलपासून Egg Bites पर्यंत हाय-प्रोटीन पर्यायांची टेस्टिंग

McDonald's: फास्ट फूडची आवड असतानाच प्रोटीनयुक्त आणि तुलनेने छोट्या पोर्शनचे पर्याय शोधणाऱ्या ग्राहकांसाठी McDonald's नव्या पदार्थांची चाचणी करत आहे. कंपनीकडून क्रिस्पी चिकन बाऊल, ग्रिल्ड चिकन स्नॅक रॅप, बर्गर बाऊल आणि एग बाइट्ससारख्या पर्यायांचा विचार सुरू आहे.

• फास्ट फूडमध्येही मिळणार ‘हाय प्रोटीन’चा पर्याय
• McDonald’s ची हेल्थ-कॉन्शियस ग्राहकांसाठी नवी तयारी
• ब्रेडशिवाय Burger Bowl अन् Grilled Chicken Wrap!

McDonald’s: McDonald’s प्रेमींसाठी अतिशय महत्त्वाची बातमी समोर येत आहे. फास्ट फूड म्हटले की बर्गर, फ्राइज आणि थंड पेयांची आठवण होते. मात्र, ग्राहकांच्या खाण्याच्या सवयी बदलत असल्याने आता McDonald’s आपल्या मेन्यूमध्ये प्रोटीनवर भर देणारे नवे पर्याय आणण्याचा विचार करत आहे. विशेषतः जास्त प्रोटीन, छोट्या पोर्शनचे जेवण आणि कमी साखर असलेले पर्याय शोधणाऱ्या ग्राहकांना आकर्षित करण्यासाठी कंपनी विविध पदार्थांची चाचणी करत आहे.

काय असू शकतं नव्या मेन्यूमध्ये?

कंपनी दिलेल्या माहितीनुसार, चाचणी सुरू असलेल्या पदार्थांमध्ये लेट्यूस, चीज, टोमॅटो आणि रँचसोबत दिला जाणारा Crispy Chicken Bowl, Grilled Chicken Snack Wrap, Burger Bowl आणि नाश्त्यासाठी Egg Bites यांचा समावेश आहे. विशेष म्हणजे Burger Bowl हा पारंपरिक बन किंवा ब्रेडऐवजी बाऊलच्या स्वरूपात देण्याचा पर्याय आहे.

Instamart : डिलिव्हरी पार्टनर्ससाठी मोठी सुविधा! Yulu-Yuma Energy सोबत बॅटरी स्वॅपिंगचा करार

या बदलामागे GLP-1 औषधांचा वाढता वापरही एक घटक आहे. कंपनीच्या म्हणण्यानुसार, अशा ग्राहकांपैकी काहीजण मोठ्या कॉम्बो मील्स किंवा साखरयुक्त पेयांऐवजी कमी प्रमाणात पण प्रोटीन असलेले पदार्थ पसंत करत आहेत. McDonald’s ने सांगितले की अमेरिकेतील GLP-1 वापरकर्ते असलेल्या सुमारे 84 टक्के कुटुंबांकडून McDonald’s ला भेट दिली जाते. यापैकी अनेक ग्राहक Happy Meal, Filet-O-Fish आणि McNuggetsसारखे सध्याचे पर्याय निवडत आहेत.

McDonald’s ने याआधीच अमेरिकेत आपल्या काही पदार्थांसाठी प्रोटीनचे प्रमाण अधिक स्पष्टपणे दाखवण्यास सुरुवात केली आहे. एप्रिल 2026 मध्ये कंपनीने 17 मेन्यू आयटमसाठी प्रोटीन कॉलआउट्स सुरू केले. उदाहरणार्थ Egg McMuffin मध्ये 17 ग्रॅम आणि 10-piece Chicken McNuggets मध्ये 23 ग्रॅम प्रोटीन असल्याचे कंपनीने नमूद केले आहे.

नवा मेन्यू कधी येणार?

सध्या हे पदार्थ चाचणी आणि विकासाच्या टप्प्यात आहेत. कोणते पदार्थ अंतिम मेन्यूमध्ये येतील आणि त्यांचे लॉन्चिंग कधी होईल, याबाबत McDonald’s ने निश्चित तारीख जाहीर केलेली नाही. तसेच ही चाचणी मुख्यतः अमेरिकन बाजाराशी संबंधित असल्याने हेच पदार्थ भारतात उपलब्ध होतील, असे सध्या म्हणता येणार नाही.

भारतात McDonald’s कडे आधीपासून काही प्रोटीन-केंद्रित पर्यायही उपलब्ध आहेत. त्यामुळे जागतिक पातळीवरील नव्या प्रयोगांचा भारतीय मेन्यूवर पुढे काय परिणाम होतो, याकडे ग्राहकांचे लक्ष असेल.

Sunday Bank Open: बँक ग्राहकांसाठी महत्त्वाची बातमी; 27 सप्टेंबरला रविवार असूनही सरकारी बँकांचे कामकाज राहणार सुरू