Mirae Asset चे दोन नवीन ETF बाजारात, एनर्जी आणि स्मॉलकॅपमध्ये गुंतवणुकीची संधी!

मिरे अॅसेट निफ्टी एनर्जी ईटीएफ आणि मिरे अॅसेट निफ्टी स्‍मॉलकॅप २५० ईटीएफचा गुंतवणूकदारांना भारतातील सर्वसमावेशक ऊर्जा परिसंस्‍थेचा, तसेच वैविध्‍यपूर्ण स्‍मॉल-कॅप वाढीचा अनुभव देण्‍याचा मनसुबा आहे.

• Mirae Asset चे दोन नवीन ETF बाजारात
• एनर्जी आणि स्मॉलकॅपमध्ये गुंतवणुकीची संधी!
• जाणून घ्या सगळ काही…

मुंबई, ऑक्‍टोबर ३१, २०२५: मिरे अॅसेट इन्‍वेस्‍टमेंट मॅनेजर्स (इंडिया) प्रा. लि.ने (Mirae Asset) आज दोन नवीन फंड ऑफर्स (NFOs) लाँच करण्याची घोषणा केली आहे. मिरे अॅसेट निफ्टी एनर्जी ईटीएफ (निफ्टी एनर्जी टोटल रिटर्न इंडेक्सचा मागोवा घेणारी) २. मिरे अॅसेट निफ्टी स्मॉलकॅप २५० ईटीएफ (निफ्टी स्मॉलकॅप २५० टोटल रिटर्न इंडेक्सचा मागोवा घेणारी) ही दोन्ही उत्पादने गुंतवणूकदारांना पारदर्शक, नियम-आधारित आणि तुलनेने कमी खर्चात (Low Cost) वैविध्यपूर्ण गुंतवणुकीचा अनुभव देण्यासाठी डिझाइन करण्यात आली आहेत.

१. मिरे अॅसेट निफ्टी एनर्जी ईटीएफ: भारताच्या ऊर्जा परिवर्तनात संधी

हा ईटीएफ गुंतवणूकदारांना भारतातील संपूर्ण ऊर्जा परिसंस्‍था उपलब्ध करून देण्याचा उद्देश ठेवतो. यात पारंपारिक हायड्रोकार्बन्स, वीज सुविधा आणि आधुनिक अक्षय ऊर्जा यांचा समावेश आहे.

• संरचना: निफ्टी एनर्जी इंडेक्‍समध्ये तेल व वायू (५०%), वीज (२५%) आणि भांडवली वस्तू (२५%) क्षेत्रांचा समावेश आहे.
• उद्देश: या ईटीएफचा उद्देश स्थिरता (युटिलिटीजमधून) आणि चक्रीयता (तेल, वायू व वस्तूशी संबंधित कंपन्यांकडून) यांचे धोरणात्मक संयोजन देण्याचा आहे.
• फायदा: रणनीतिक गुंतवणूकदार जागतिक कमोडिटी सायकलवर मत देण्यासाठी, तर दीर्घकालीन गुंतवणूकदार भारतातील वीज व ऊर्जा पायाभूत सुविधेच्या निर्मितीसाठी याचा वापर करू शकतात. मिरे अॅसेट निफ्टी मेटल ईटीएफसोबत मिळून हा ईटीएफ औद्योगिक आणि कमोडिटी अपसायकलमध्ये गुंतवणूक करण्याची संधी देतो.

1 नोव्हेंबरपासून SBI Card धारकांसाठी बदलणार नियम! Wallet Recharge केल्यास भरावे लागेल ‘इतके’ शुल्क

२. मिरे अॅसेट निफ्टी स्मॉलकॅप २५० ईटीएफ: लघु-भांडवलीकरण कंपन्यांमध्ये प्रवेश

या ईटीएफचा उद्देश गुंतवणूकदारांना एकाच, वैविध्यपूर्ण वेईकलच्या माध्यमातून भारतातील गतीशील स्मॉल-कॅप श्रेणीचा किफायतशीर अनुभव देण्याचा आहे.

• प्रतिनिधित्व: निफ्टी स्मॉलकॅप २५० इंडेक्‍स निफ्टी ५०० विश्‍वातील पूर्ण बाजार भांडवलानुसार २५१ ते ५०० क्रमांकावर असलेल्या २५० कंपन्यांचे प्रतिनिधित्व करतो.
• एएमसीचे नेतृत्व: या लाँचमुळे, मिरे अॅसेट भारतातील अशा काही अॅसेट मॅनेजमेंट कंपन्यांपैकी एक बनली आहे जी निफ्टी ५०, निफ्टी नेक्स्ट ५०, निफ्टी मिडकॅप १५० आणि निफ्टी स्मॉलकॅप २५० या चारही मूलभूत मार्केट-कॅप श्रेणींमध्ये ईटीएफ ऑफर करते. स्मॉल-कॅप श्रेणीमध्ये मार्केट-कॅप आणि स्मार्ट-बीटा एक्सपोजर असलेले ईटीएफ ऑफर करणारी मिरे अॅसेट ही पहिली एएमसी ठरली आहे.

एनएफओ तपशील आणि फंड व्यवस्थापन

सिद्धार्थ श्रीवास्तव (मिरे अॅसेट इन्‍वेस्‍टमेंट मॅनेजर्स (इंडिया)चे ईटीएफ प्रॉडक्‍ट्सचे प्रमुख): “हे ईटीएफ भारतीय इक्विटी बाजारपेठेच्या दोन प्रमुख विभागांमध्ये आमची उत्पादने अधिक मजबूत करतात. दोन्ही ईटीएफ गुंतवणूकदारांना संबंधित विभागांमध्ये कार्यक्षमतेने धोरणात्मक भूमिका घेण्यास किंवा दीर्घकालीन, कमी किमतीचे आणि वैविध्यपूर्ण निष्क्रिय एक्सपोजर तयार करण्यास सक्षम करतात.”

Public Provident Fund: विवाहित जोडप्यांसाठी विशेष प्लॅन, पती-पत्नी एकत्रितपणे करू शकतात १.३३ कोटींचा करमुक्त निधी