आता पेमेंट फेल नाही होणार… NPCI ने लाँच केला eNACHLite; जाणून घ्या कसं काम करते?

NPCI eNACHLite Launch : NPCI ने ऑटो-डेबिट आणि E-Mandate प्रक्रिया सुलभ व जलद करण्यासाठी 'eNACHLite' ही नवीन प्रणाली लाँच केली आहे. या तंत्रज्ञानामुळे बँक खात्यातून थेट कट होणारे EMI, SIP आणि युटिलिटी बिलांचे पेमेंट फेल होण्याचा त्रास कायमचा दूर होणार आहे.

• आता पेमेंट फेल नाही होणार…
• NPCI ने लाँच केला eNACHLite
• जाणून घ्या कसं काम करतं?

NPCI eNACHLite Launch : आपले EMI, , म्युच्युअल फंड SIP, युटिलिटी बिलांचे पेमेंट बऱ्याच वेळेला फेल होण्याचा त्रास असतो. पण हा त्रास आता पूर्णपणे बंद होणार आहे. नॅशनल पेमेंट्स कॉर्पोरेशन ऑफ इंडियाने NPCI मुंबईतील ग्लोबल फिनटेक फेस्ट २०२६ मध्ये ‘eNACHLite’ लाँच केला आहे. ज्यामुळे पेमेंट अयशस्वी होण्याचा त्रास दूर होणार आहे. यामुळे कर्जाचे ईएमआय, विमा हप्ते आणि एसआयपी यांसारखे ऑटो-डेबिटच्या कमांड सेट करणे देखील खूप सोपे होणार आहे. नेमकी काय आहे प्रणाली? कशा पद्धतीने चालते? ( NPCI eNACHLite Launch )

Aadhaar Card धारकांनो इथे लक्ष द्या! UIDAI चा मोठा निर्णय, लाँच केला ‘Face Authentication Tool’, त्यामुळे आता…

पूर्वी पेमेंट करताना युजर्सना ब्राउझरवर रिडायरेक्ट केले जात होतं. जिथे पेमेंट बऱ्याचवेळा फेल होत असायचं. आता, ही प्रक्रिया थेट ॲपमधूनच काही सेकंदात पूर्ण करता येणार आहे. हैदराबादमधील NPCI-सर्टिफाइड टेक्नोलॉजी सर्विस प्रोवाइडर असलेल्या व्हिओना फिनटेकने पूर्णपणे तयार केलं आहे आणि याला टेस्ट केलं आहे. हा बँका आणि कर्जदात्यांना या नवीन वैशिष्ट्यासह त्वरित जोडण्यासाठी तयार करणअयात आला आहे.

पूर्वी काय अडचण होती?

जेव्हा एखादा ग्राहक EMI, विमा हप्ता किंवा म्युच्युअल फंडासाठी ऑटो-डेबिट सेट करायचा, तेव्हा ॲप त्यांना बऱ्याचदा बाहेरच्या वेब ब्राउझर पेजवर redirect केलं जायचं. त्यानंतर, पेज हळू चालणे, ॲप क्रॅश होणे किंवा तांत्रिक बिघाड होणं यांसारख्या कारणांमुळे ही प्रक्रिया अपूर्ण राहायची. यामुळे ग्राहकांमध्ये बराच असंतोष निर्माण झाला होता. त्यामुळे बँकेच्या कॉल सेंटर्समध्ये तक्रारींचा भडीमार झाला होता.

eNACHLite मुळे काय बदलणार?

NPCI ने आता बाह्य वेब पेजेसवर जाण्याची गरज भासणार नाही. तर त्याऐवजी आता, सर्व व्यवहार एकाच ॲपमध्ये पूर्ण करता येतील. वापरकर्त्यांना यापुढे ॲपमधून बाहेर पडण्याची गरज भासणार नाही. मँडेट्स सेट करणे, त्यात बदल करणे, ते थांबवणे किंवा रद्द करणे, हे सर्व ॲपमधूनच सहजपणे करता येईल. ॲपमध्ये, ग्राहकाला स्क्रीनवर तपशील दिसेल. त्यानंतर ते त्यांच्या कार्ड किंवा आधारचा वापर करून आपली ओळख पडताळणी करु घेईल. त्यांच्या मोबाईलवर मिळालेला OTP टाकतील आणि ही प्रक्रिया काही सेकंदात पूर्ण होईल. महत्त्वाचे म्हणजे, जर कोणताही व्यवहार कोणत्याही कारणास्तव अयशस्वी झाला, तर सिस्टम समस्येचे कारण स्पष्टपणे समजावून सांगेल.

बँकांना कसा मिळणार फायदा?

टेक्निकल अडचणी दूर झाल्यानंतर अधिक ग्राहकांना त्यांची पेमेंट प्रक्रिया पूर्ण करता येईल. यामुळे कॉल सेंटरमध्ये येणाऱ्या तक्रारींची संख्या लक्षणीयरीत्या कमी होईल आणि पेमेंट अयशस्वी होण्याचे नेमके कारण ओळखून कस्टमर केअरवाले तात्काळ मदत करू शकतील. शिवाय, बँकांना यासाठी नवीन ॲप विकसित करण्याची गरज लागणार नाही. व्हिओना फिनटेकसारख्या NPCI-प्रमाणित कंपन्या तांत्रिक पायाभूत सुविधा आणि सुरक्षा व्यवस्थापन हाताळतील. विशेष म्हणजे, ग्राहकांचे संवेदनशील कार्ड आणि ओळख तपशील थेट NPCI च्या सुरक्षित प्रणालीमध्ये संग्रहित केले जातील, ज्यामुळे डेटा गळतीचा धोका नाहीसा होईल.

Refined Sugar असते तरी काय? बाजारातील भाव कमी करण्यासाठी कंपन्या वाढवणार पुरवठा, नेमका प्लॅन काय?