पाकिस्तानला पुन्हा मिळणार ७०० दशलक्ष डॉलर्सचे कर्ज! आयएफसी आणि जागतिक बँकेने दिली मंजुरी

७०० दशलक्ष डॉलर्सच्या कर्जासाठी मंजुरी मिळाल्यानंतर पाकिस्तानला खाजगी क्षेत्राकडून मोठी गुंतवणूक मिळण्याची अपेक्षा आहे. दहशतवाद्यांना प्रोत्साहन देणाऱ्या या देशाला त्यांच्या सर्वात महत्त्वाच्या उपक्रमांपैकी एक असलेल्या '

पाकिस्तानला आणखी एका कर्जासाठी मंजुरी मिळाली आहे. आंतरराष्ट्रीय वित्त महामंडळ (IFC) आणि जागतिक बँकेने पाकिस्तानच्या प्रमुख खाणकाम आणि संसाधन विकास प्रकल्पासाठी ७०० दशलक्ष अमेरिकन डॉलर्सच्या सवलतीच्या कर्जाला मंजुरी दिली आहे. ‘रेको डिक’ प्रकल्प पाकिस्तानच्या खनिज समृद्ध प्रदेश म्हणून ओळखल्या जाणाऱ्या बलुचिस्तान प्रांतात राबविला जाईल. मिळालेल्या माहितीनुसार, आंतरराष्ट्रीय वित्त महामंडळ आणि जागतिक बँकेकडून ७०० दशलक्ष डॉलर्सच्या कर्जाची ही मंजुरी पाकिस्तानसाठी एक महत्त्वाचा विजय मानली जात आहे.

प्रकल्पात पाकिस्तानला २.५ अब्ज डॉलर्सची गुंतवणूक मिळण्याची अपेक्षा

७०० दशलक्ष डॉलर्सच्या कर्जासाठी मंजुरी मिळाल्यानंतर पाकिस्तानला खाजगी क्षेत्राकडून मोठी गुंतवणूक मिळण्याची अपेक्षा आहे. दहशतवाद्यांना प्रोत्साहन देणाऱ्या या देशाला त्यांच्या सर्वात महत्त्वाच्या उपक्रमांपैकी एक असलेल्या ‘रेको डिक’ प्रकल्पात २.५ अब्ज अमेरिकन डॉलर्सची गुंतवणूक मिळण्याची अपेक्षा आहे. हा प्रकल्प देशाच्या संसाधन विकास क्षेत्रात महत्त्वाची भूमिका बजावेल अशी अपेक्षा आहे. ‘बॅरिक गोल्ड’, पाकिस्तान आणि बलुचिस्तान सरकार संयुक्तपणे या प्रकल्पाचे मालक आहेत. २०२८ मध्ये या खाणीचे उत्पादन सुरू होण्याची अपेक्षा आहे.

विमान वाहतूक क्षेत्रातील शेअर्समध्ये मोठी घसरण, गुंतवणूकदरांचे कोट्यवधींचे नुकसान

काय आहे रेको डिक प्रकल्प?

रेको डिक प्रकल्प हा पाकिस्तानच्या चगाई जिल्ह्यात स्थित जगातील सर्वात मोठ्या अविकसित तांबे आणि सोन्याच्या साठ्यांपैकी एक आहे. हा प्रकल्प कॅनेडियन कंपनी बॅरिक गोल्ड, पाकिस्तानचे संघराज्य सरकार आणि बलुचिस्तानचे प्रांतीय सरकार यांच्या भागीदारीत आहे. प्रकल्पाचा पहिला टप्पा २०२८ मध्ये उत्पादन सुरू होण्याची अपेक्षा आहे, ज्यामध्ये प्रतिवर्षी २४०,००० टन तांबे आणि ३००,००० औंस सोने उत्पादन करण्याचे लक्ष्य आहे. दुसऱ्या टप्प्यात उत्पादन प्रतिवर्षी ४००,००० टन तांबे आणि ५००,००० औंस सोने वाढवण्याची योजना आहे.

एका अभ्यासानुसार, रेको डिक खाणीत १५ दशलक्ष टन तांबे आणि २६ दशलक्ष औंस सोन्याचा साठा आहे. या खाणीत जगातील सर्वात कमी किमतीच्या तांबे उत्पादन करणाऱ्या खाणींपैकी एक बनण्याची क्षमता आहे. या प्रकल्पाचा एकूण खर्च $६.६ अब्ज इतका आहे, ज्यापैकी $५.६ अब्ज पहिल्या टप्प्यासाठी आणि उर्वरित रक्कम पुढील टप्प्यांसाठी असेल.

पाकिस्तान जगत आहे कर्जाच्या पैशावर

भारताचा शेजारी देश पाकिस्तान आपल्या बहुतेक गरजा कर्जाच्या पैशातून पूर्ण करत आहे. पाकिस्तानला सर्वाधिक कर्ज चीनकडून मिळते. चीन व्यतिरिक्त जागतिक बँक, आयएमएफ, आशियाई विकास बँक आणि आयएफसी देखील पाकिस्तानला कर्ज देत आहेत.

आयएमएफने अलीकडेच पाकिस्तानला १.०२ अब्ज डॉलर्सचे कर्ज दिले आहे. आयएमएफने पाकिस्तानला दिलेल्या कर्जाला भारताने विरोध केला होता. भारताने म्हटले आहे की पाकिस्तान या पैशाचा वापर दहशतवादाला प्रोत्साहन देण्यासाठी आणि शस्त्रे खरेदी करण्यासाठी करू शकतो.

Sensex-Nifty Big Fall: 10 सेकंदात 700000 कोटी रुपयांचे नुकसान, सेन्सेक्सचे सर्व शेअर्स लाल रंगात