…’या’ 76 रुपयांच्या आयपीओवर तुटून पडले गुंतवणूकदार; अजूनही आहे खरेदीची संधी!

देशातील आघाडीची इलेक्ट्रिक स्कूटर कंपनी ओला इलेक्ट्रिक कंपनीच्या 6,145.56 कोटींच्या तगड्या आयपीओला गुंतवणूकदारांनी मोठा प्रतिसाद दिला आहे. या आयपीओला आतापर्यंत 38 टक्के सबस्क्रिप्शन मिळाले आहे. बहुतांश किरकोळ गुंतवणूकदारांनी 1.70 पट सबस्क्रिप्शन घेतले आहे. तर, गैर-संस्थांनी 0.22 टक्के सबस्क्रिप्शन घेतले आहे.

देशातील आघाडीची इलेक्ट्रिक स्कूटर कंपनी ओला इलेक्ट्रिक कंपनीचा आयपीओ उघडला आहे. हा आयपीओ 2 ऑगस्ट रोजीच गुंतवणुकीसाठी उघडण्यात आला होता. अवघ्या 76 च्या या आयपीओवर गुंतवणूकदार अक्षरशः तुटून पडले आहेत. मात्र, यात गुंतवणूक करण्याची वेळ अजून संपलेली नाही. तुम्हाला या आयपीओमध्ये गुंतवणूक करायची असेल तर तुम्ही 6 ऑगस्ट 2024 पर्यंत यात गुंतवणूक करू शकतात. या आयपीओची किंमत 72 ते 76 रुपये आहे.

तुटून पडले गुंतवणूकदार

गुंतवणूकदार ओला इलेक्ट्रिकच्या 6,145.56 कोटींच्या या तगड्या आयपीओची बऱ्याच काळापासून प्रतीक्षा करत होते. कंपनीने 195 शेअर्सचा लॉट निश्चित केला आहे. म्हणजेच, तुम्हाला कमीत कमी 14,820 रुपयांचे 195 शेअर्स घ्यावे लागणार आहेत. सध्याच्या घडीला ओला इलेक्ट्रिकच्या आयपीओला गुंतवणूकदारांचा चांगला प्रतिसाद मिळत आहे. आतापर्यंत 38 टक्के सबस्क्रिप्शन मिळाले आहे. बहुतांश किरकोळ गुंतवणूकदारांनी 1.70 पट सबस्क्रिप्शन घेतले आहे. तर, गैर-संस्थांनी 0.22 टक्के सबस्क्रिप्शन घेतले आहे. याशिवाय, ओला कर्मचाऱ्यांच्या श्रेणीमध्ये हा आयपीओ 5.42 पट सबस्क्राईब झाला आहे.

हेही वाचा : …याला म्हणतात बिझनेस! काहीही न देता… झोमॅटोने उकळले तुमच्याकडून 83 कोटी रुपये! वाचा… कसे ते?

उभारणार 6,145.56 कोटी रुपये

ओला इलेक्ट्रिक कंपनी आपल्या या आयपीओद्वारे बाजारातून 6,145.56 कोटी रुपये उभारणार आहे. या अंतर्गत एकूण 808,626,207 शेअर्स विक्री केले जातील. आपण ताज्या इश्यूबद्दल बोलायचे झाले तर, 10 चे दर्शनी मूल्य असलेले 723,684,210 नवीन शेअर्स जारी केले जाणार आहेत. या शेअर्सची एकूण किंमत 5,500 कोटी रुपये असणार आहे. दुसरीकडे, ऑफर फॉर सेल (OFS) द्वारे 645.56 कोटी रुपयांच्या 84,941,997 शेअर्ससाठी बोली मागवण्यात येणार आहे.

हेही वाचा : लंडनमध्ये ‘या’ भारतीयाने खरेदी केले 1,446 कोटींचे घर; मुकेश अंबानींनाही सोडले मागे!

‘ही’ असेल लिस्टिंगची तारीख

दरम्यान, 2 ते 6 ऑगस्ट दरम्यान बोली प्राप्त झाल्यानंतर कंपनीच्या शेअर्सचे वाटप 7 ऑगस्ट रोजी होऊ शकते. बोली लावणाऱ्या गुंतवणूकदारांच्या डिमॅट खात्यांमध्ये शेअर क्रेडिट 8 ऑगस्ट रोजी होणार आहेत. ओला इलेक्ट्रिक कंपनीने बीएसई आणि एनएसई या दोन्ही स्टॉक एक्स्चेंजवर लिस्ट करण्यासाठी 9 ऑगस्ट ही संभाव्य तारीख निश्चित केली आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)