Share Market Today: आठवड्याच्या सुरुवातीलाच शेअर बाजाराला धक्का? सेन्सेक्स-निफ्टीची घसरणीने सुरुवात होण्याची शक्यता

Share Market Update: भारतीय शेअर बाजारात आज व्यवहार करणाऱ्या गुंतवणूकदारांसाठी महत्त्वाची अपडेट आहे. आज शेअर बाजाराची सुरुवात नकारात्मक पातळीवर किंवा लाल रंगात होण्याची शक्यता वर्तवण्यात आली आहे.

• गिफ्ट निफ्टी सुमारे ११० अंकांनी घसरल्याने सेन्सेक्स-निफ्टीची सुरुवात कमजोर होण्याची शक्यता आहे.
• मागील सत्रात सेन्सेक्स ३३०.९२ अंकांनी, तर निफ्टी ५० तब्बल ८४.८० अंकांनी वधारून बंद झाला होता.
• तज्ज्ञांनी आजच्या व्यवहारासाठी एचएफसीएल, जीएसके फार्मा, एसबीआय, इटरनल, सन फार्मा यांसह 8 शेअर्सवर लक्ष ठेवण्याचा सल्ला दिला आहे.

India Share Market Update: जागतिक बाजारातील कमकुवत संकेतांचा विचार करता, आज ३१ ऑगस्ट रोजी आठवड्याच्या सुरुवातीलाच भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, यांची सुरुवात गॅप-डाऊनने होण्याची शक्यता तज्ज्ञांनी वर्तवली आहे. गिफ्ट निफ्टीच्या ट्रेंडनेही भारतीय बेंचमार्क निर्देशांकाची सुरुवात कमजोर असल्याचे संकेत दिले. गिफ्ट निफ्टी, निफ्टी फ्युचर्सच्या मागील बंद भावापेक्षा ११० अंकांनी घसरून सुमारे २४,२३२ वर व्यवहार करत होता.

Todays Gold-Silver Price: सोन्या-चांदीच्या दरातील चढ-उतार सुरूच; ग्राहक झाले हैराण! आजचा भाव किती?

मागील सत्रात देशांतर्गत शेअर निर्देशांक सकारात्मक राहिले, बेंचमार्क निफ्टी ५० २४,१०० च्या पातळीच्या वर बंद झाला. सेन्सेक्स ३३०.९२ अंकांनी, म्हणजेच ०.४३ टक्क्यांनी वाढून ७७,२६४.५१ अंकांवर बंद झाला, तर निफ्टी ५० ८४.८० अंकांनी, म्हणजेच ०.३५ टक्क्यांनी वाढून २४,१७५.६५ अंकांवर स्थिरावला.  (फोटो सौजन्य: Pinterest) 

चॉईस ब्रोकिंगचे सुमीत बागडिया, आनंद राठी येथील तांत्रिक संशोधन विभागाचे वरिष्ठ व्यवस्थापक गणेश डोंगरे, आणि प्रभुदास लिलाधर येथील तांत्रिक संशोधन विभागाचे वरिष्ठ व्यवस्थापक शिजू कुथुपालक्कल यांनी आज भारतीय शेअर बाजारात व्यवहार करणाऱ्या गुंतवणूकदारांना खरेदी आणि विक्री करण्यासाठी आठ स्टॉक्सची शिफारस केली आहे. तज्ज्ञांनी शिफारस केलेल्या या शेअर्समध्ये एचएफसीएल लिमिटेड, ग्लॅक्सोस्मिथक्लाइन फार्मास्युटिकल्स लिमिटेड, सन फार्मास्युटिकल इंडस्ट्रीज लिमिटेड, स्टेट बँक ऑफ इंडिया, इटरनल लिमिटेड, डायमंड पॉवर इन्फ्रास्ट्रक्चर लिमिटेड, रामकृष्णा फोर्जिंग्स लिमिटेड, आणि महाराष्ट्र सीमलेस लिमिटेड यांचा समावेश आहे.

Nepal Power Crisis : महापुरानंतर नेपाळमध्ये भीषण वीज संकट! भारताकडे मागितली मदत; पुरवठ्याबाबत केंद्र सरकारची भूमिका काय?

चॉईस ब्रोकिंगचे कार्यकारी संचालक सुमीत बागडिया यांनी आज गुंतवणूकदारांना खरेदी करण्यासाठी टाटा टेक्नॉलॉजीज, आस्क ऑटोमोटिव्ह, सॅजिलिटी, रामकृष्ण फोर्जिंग्ज आणि टीटीके हेल्थकेअर या पाच ब्रेकआउट शेअर्सची शिफारस केली आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)