Donald Trump यांची Iran ला धमकी, Share Market मध्ये कन्फ्यूजन, सध्या परिस्थिती काय ?

डोनाल्ड ट्रम्प यांनी इराणला दिलेल्या नव्या धमकीनंतर सेन्सेक्स आणि निफ्टी हे दोन्ही निर्देशांक गोंधळात सापडलेले दिसले. सुरुवातीच्या व्यवहारात चढ-उतारांसह हिरव्या आणि लाल झोनमध्ये मोठी घसरण पाहायला मिळाली.

• ट्रम्प यांनी इराण धमकीनंतर सेन्सेक्स आणि निफ्टी गोंधळात
• बॉम्बे स्टॉक एक्सचेंजचा सेन्सेक्स ५०० हून अधिक अंकांनी घसरला
• आदल्या दिवसाच्या तुलनेत १५० हून अधिक अंकांनी घसरला

Stock Market Confuse : जागतिक स्तरावर सुरु असलेल्या हालचालींचा परिणाम शेअर मार्केटवर दिसत आहे. सोमवारी शेअर बाजाराची हालचाल बदलताना दिसत होती. डोनाल्ड ट्रम्प यांनी इराणला दिलेल्या नव्या धमकीनंतर सेन्सेक्स आणि निफ्टी हे दोन्ही निर्देशांक गोंधळात सापडलेले दिसले. सुरुवातीच्या व्यवहारात चढ-उतारांसह हिरव्या आणि लाल झोनमध्ये व्यवहार करणारे हे निर्देशांकांमध्ये अवघ्या अर्ध्या तासातच मोठी घसरण पाहायला मिळाली. बॉम्बे स्टॉक एक्सचेंजचा 30 शेअर सेन्सेक्स ५०० हून अधिक अंकांनी घसरला. त्याच वेळी, नॅशनल स्टॉक एक्सचेंजचा निफ्टी निर्देशांकही आदल्या दिवसाच्या बंद भावाच्या तुलनेत १५० हून अधिक अंकांनी घसरला. नेमकी काय राहिली परिस्थिती ?

New Labour Code: मज्जाच मज्जा…! आता उरलेल्या सुट्ट्यांचेही कंपनी देणार पैसे, काय आहे नवीन नियम?

इराणला पुन्हा एकदा धमकी

अमेरिकेचे अध्यक्ष डोनाल्ड ट्रम्प यांनी रविवारी इराणला पुन्हा एकदा धमकी दिल्यानंतर शेअर बाजारात ही घसरण झाली आहे. ट्रम्प यांनी इराणला होर्मुझची सामुद्रधुनी उघडण्याविरोधात पुन्हा एकदा इशारा दिला आहे. वीज प्रकल्प आणि पुलांना लक्ष्य केले जाईल आणि हा हल्ला मंगळवारी होईल, अशी थेट धमकी त्यांनी दिली.

 SENSEX आणि Nifty कधी सावरतील ?

मध्य-पूर्वेतील युद्धामुळे वाढलेल्या जागतिक तणावाच्या पार्श्वभूमीवर, एक-दोन दिवस वगळता शेअर बाजारात सतत घसरण होताना दिसत आहे. रविवारी, ट्रम्प यांनी इराणला दिलेल्या धमकीने बाजार पुन्हा एकदा बिथरला आणि तो पुन्हा क्षणार्धात कोसळला. बीएसई सेन्सेक्स ७३,३१९.५५ च्या मागील बंद भावापेक्षा किंचित वाढीसह ७३,४७७.५३ वर उघडला, पण अल्पावधीतच पुन्हा घसरू लागला. व्यवहाराच्या अवघ्या अर्ध्या तासातच, ३० शेअर निर्देशांक ५२९ अंकांनी घसरून ७२,७९० वर खाली आला. मात्र, काही मिनिटांतच तो सावरला. त्यामुळे यात बॅलन्स पाहायला मिळाला आहे.
NSE Nifty सेन्सेक्सचे अनुसरण केले. ५०-शेअर निर्देशांक आदल्या गुरुवारच्या २२,७१३ च्या बंद भावाच्या तुलनेत किंचित वाढीसह २२,७८९ वर उघडला, पण नंतर १५२ अंकांनी घसरून २२,५६१.९० वर बंद झाला.

या १० शेअर्समध्ये मोठी घसरण

Reliance च्या Share मध्ये सर्वात मोठी घसरण झाली आणि तो ४ टक्क्यांहून अधिक घसरुन १२९६ रुपयांवर आला. याशिवाय, लार्ज कॅप श्रेणीतील इतर शेअर्समध्ये कोटक बँक शेअर (२%), अदानी पोर्ट्स शेअर (१.९०%), सन फार्मा शेअर (१.७०%) घसरणीसह व्यवहार करत होते.
मिडकॅप श्रेणीमध्ये, बीएचईएल शेअर (3.50%), पेटीएम शेअर (2.50%), हिंदुस्तान पेट्रोलियम शेअर (2.20%) यांचे शेअर्स घसरले होते, तर स्मॉलकॅप श्रेणीमध्ये सूचीबद्ध असलेले कोहान्स शेअर (4.10%), पीजीईएल शेअर (3.70%) आणि टाटा केमिकल शेअर (3.65%) यांचे शेअर्स घसरले होते.
(टीप- शेअर बाजारात कोणत्याही प्रकारची गुंतवणूक करण्यापूर्वी, तुमच्या बाजार तज्ञांचा सल्ला अवश्य घ्या.)

LPG संकटावर सरकारचा ‘मास्टरस्ट्रोक’! आता काही मिनिटांत मिळवा गॅस सिलेंडर, जाणून घ्या सविस्तर