ज्या कंपनीसाठी रतन टाटा यांनी सोडली नोकरी, तेच शेअर बनणार रॉकेट! मजबूत कमाईसाठी करा खरेदी
टाटा ग्रुपची कंपनी टाटा स्टील जी रतन टाटा यांनी त्यांच्या कारकिर्दीच्या सुरुवातीला निवडली होती. ती कंपनी आता एका नवीन टप्प्यात प्रवेश करत आहे. जेपी मॉर्गनने कंपनीच्या शेअर्सवर ओव्हरवेट रेटिंग कायम ठेवले आहे आणि त्यांची लक्ष्य किंमत १५५ रुपयांवरून १८० रुपयांपर्यंत वाढवली आहे. तज्ज्ञांच्या मते युरोपमधील स्टीलच्या किमतीत सुधारणा झाल्यामुळे टाटा स्टीलच्या नफ्यात वाढ होऊ शकते.
१९६१ मध्ये जेव्हा रतन टाटा यांनी आयबीएम सारख्या महाकाय टेक कंपनीकडून मिळालेली आकर्षक ऑफर नाकारली आणि टाटा स्टीलचा एक भाग झाले. तेव्हा क्वचितच कोणी कल्पना केली असेल की हा निर्णय भारतीय उद्योगात एक नवीन क्रांती आणेल. ११७ वर्षे जुनी टाटा स्टील ही केवळ टाटा समूहातील सर्वात महत्त्वाच्या कंपन्यांपैकी एक नाही तर भारतीय स्टील उद्योगाचा कणा देखील आहे. यावर जेपी मॉर्गनच्या मते, युरोपमध्ये स्टील स्प्रेडमध्ये तिमाही आधारावर १८% आणि स्पॉट आधारावर ६०% वाढ झाली आहे. याचा परिणाम टाटा स्टीलच्या उत्पन्नावर होईल. कंपनीचे युरोपियन व्यवसाय युनिट आर्थिक वर्ष २६ च्या पहिल्या तिमाहीत EBITDA ब्रेकइव्हनपर्यंत पोहोचू शकते. हे दर्शवते की स्टॉक सध्या कमी मूल्यांकित आहे आणि आणखी वाढ होण्याची शक्यता आहे.
टाटा स्टीलने ऑक्टोबर-डिसेंबर २०२४ या तिमाहीचे निकाल जाहीर केले, ज्यामध्ये कंपनीचा निव्वळ नफा ४३% ने घसरून २९५.४९ कोटी रुपये झाला. जो गेल्या वर्षी याच कालावधीत ५२२.१४ कोटी रुपये होता. कंपनीचे एकूण उत्पन्न ५३,२३१ कोटी रुपये होते, जे गेल्या वर्षी याच कालावधीत ५४,७२७.३० कोटी रुपये होते.
डीजीटीआरच्या शिफारशीनंतर अनेक ब्रोकरेज फर्म्सनी स्टील कंपन्यांच्या शेअर्समध्ये वाढ होण्याची शक्यता वर्तवली आहे. नुवामा म्हणाले की, फ्लॅट उत्पादनांच्या किमतींमध्ये प्रति टन १,००० रुपयांची वाढ झाल्यास सेल आणि जेएसडब्ल्यू स्टीलचा ईबीआयटीडीए ७ ते ८ टक्के, टाटा स्टीलचा ईबीआयटीडीए ५ टक्के आणि जिंदाल स्टील अँड पॉवरचा ईबीआयटीडीए ४ टक्क्यांनी वाढू शकतो.
मॉर्गन स्टॅनलीने अलीकडेच म्हटले आहे की जर १०-१५% सेफगार्ड ड्युटी लागू केली तर सेलच्या EBITDA वर २० ते ४० टक्के, JSW स्टील वर १५ ते २८ टक्के, टाटा स्टील वर १२ ते २२ टक्के आणि जिंदाल स्टील अँड पॉवर वर ६ ते १५ टक्के परिणाम होऊ शकतो.
.png "Videos"){kind=small}
