Share Market : शेवटच्या तासात बाजी पलटली… टॉप-10 शेअर्सचा दिसला जलवा, सेन्सेक्सने घेतली तब्बल 900 अंकांची उसळी

आठवड्याच्या पहिल्याच दिवशी शेअर बाजाराने गुंतवणूकदारांना चांगलेच चकित केले. सकाळच्या सत्रात बाजार कधी लाल तर कधी हिरव्या रंगात हिंदोळे खात होता, पण दुपारी दोन वाजेच्या सुमारास अचानक बाजी पलटली.

• पहिल्याच दिवशी शेअर बाजाराने गुंतवणूकदारांना केलं चकित
• सकाळची सुस्ती आणि दुपारची तेजी
• निफ्टीची काय परिस्थिती?

Share Market :आठवड्याच्या पहिल्याच दिवशी शेअर बाजाराने गुंतवणूकदारांना चांगलेच चकित केले. सकाळच्या सत्रात बाजार कधी लाल तर कधी हिरव्या रंगात हिंदोळे खात होता, पण दुपारी दोन वाजेच्या सुमारास अचानक बाजी पलटली. सेन्सेक्स आणि निफ्टीने ‘रॉकेट’चा वेग घेतला आणि गुंतवणूकदारांचे चेहरे आनंदाने खुलले. नेमकं काय घडलं आजच्या दिवसात?

LPG Shortage Impact : अरे देवा, आता हेच बाकी होतं! फक्त 10 दिवसांचा साठा शिल्लक, LPG कमतरेमुळे दुधाचं गणित बिघडलं

सकाळची सुस्ती आणि दुपारची तेजी

सोमवारी सकाळी मुंबई शेअर बाजाराचा (BSE) सेन्सेक्स ७४,५६३ अंकांच्या तुलनेत खाली घसरून ७४,४१५ वर उघडला होता. सुरुवातीच्या व्यवहारात तो ७३,९४९ पर्यंत खाली गेला होता. मात्र, दुपारी २:२० च्या सुमारास बाजारात अचानक खरेदीचा जोर वाढला. बाजार बंद होताना सेन्सेक्स ९३८ अंकांच्या (१.२६%) मोठ्या उसळीसह ७५,५०२.८५ वर स्थिरावला.

निफ्टीची काय परिस्थिती?

अशीच स्थिती राष्ट्रीय शेअर बाजाराच्या (NSE) निफ्टीमध्येही पाहायला मिळाली. निफ्टी २३,११६ वर उघडला आणि घसरत २२,९५५ पर्यंत खाली आला होता. पण सेन्सेक्सच्या बरोबरीने निफ्टीनेही वेग पकडला आणि अखेर २५७ अंकांच्या वाढीसह २३,४०८.८० वर बंद झाला.

या १० शेअर्सनी दाखवला दम

बाजारातील या अचानक आलेल्या तेजीमध्ये काही बड्या कंपन्यांच्या शेअर्सनी मोलाची कामगिरी बजावली:

लार्जकॅप श्रेणी: ट्रेंट (३.०१%), एचडीएफसी बँक (२.८८%), एम अँड एम (२.८६%), बजाज फायनान्स (२.७९%), आयटीसी (२.२२%) आणि टाटा स्टील (२.०४%) हे शेअर्स वधारले.

मिडकॅप आणि स्मॉलकॅप: पेटीएम (३.८६%), पूनावाला फिनकॉर्प (४.४०%) आणि अपोलो टायर्स (३.३८%) या शेअर्समध्येही मोठी वाढ दिसून आली.

का आली अचानक तेजी?

बाजारात दुपारी अचानक आलेल्या या तेजीमागे काही प्रमुख कारणे होती: १. व्हॅल्यू बाइंग: शेअर बाजार खालच्या स्तरावर असताना गुंतवणूकदारांनी स्वस्त दरात शेअर्स खरेदी करण्यास सुरुवात केली. २. सेक्टरचा पाठिंबा: मेटल, ऑटो, बँकिंग आणि एफएमसीजी (FMCG) क्षेत्रातील शेअर्सनी मार्केटला वर नेण्यात मदत केली. ३. भीती कमी झाली: बाजारातील भीतीचा निर्देशांक मानला जाणारा ‘इंडिया विक्स’ (India VIX) ५% टक्क्यांनी घसरला, ज्यामुळे गुंतवणूकदारांचा आत्मविश्वास वाढला.

महत्त्वाची टीप: शेअर बाजारात कोणतीही गुंतवणूक करण्यापूर्वी आपल्या आर्थिक सल्लागाराचा सल्ला नक्की घ्या.

Indian Currency: Iran युद्धाची रुपयाला झळ, Dollar समोर भारतीय चलन का पडतंय कमकुवत?