कमाईची मोठी संधी! एका दिवसात 6 तर आठवड्याभरात 11 IPO बाजारात; कुठे पैसे गुंतवणं फायदेशीर?

Share Market Upcoming IPO : शेअर बाजारात गुंतवणूक करणाऱ्यांसाठी आगामी आठवडा अत्यंत महत्त्वाचा ठरणार आहे. Primary Market आयपीओचा मोठा 'पावसाळा' पाहायला मिळणार असून, एकाच दिवशी ६ कंपन्यांचे आयपीओ लाँच होणार आहेत. तर संपूर्ण आठवडाभरात तब्बल ११ कंपन्या आपले आयपीओ बाजारात आणणार आहेत.

• कमाईची मोठी संधी!
• एका दिवसात 6 आठवड्याभरात 11 IPO
• कुठे पैसे गुंतवणं फायदेशीर?

Share Market Upcoming IPO : गुंतकवणूकदारांनो तयार रहा कारण येत्या काही दिवसांत शेअर बाजारात IPO चा पाऊस पडणार आहे. या काळात 1 दिवशी तब्बल 6 तर संपू्र्ण आठवड्यामध्ये तब्बल 11 IPO लाँच होणार आहेत. त्यामुळे येता आठवडा धमाकेदार ठरणार आहे. नेमकी कोणामध्ये गुंतवणूक करणं ठरणार योग्य? कोणता IPO देणार भरभरुन रिटर्न सविस्तर जाणून घेऊयात. ( Share Market Upcoming IPO ) 

Success Story : कधी भंगार विकायचे; आज 43000 कोटींचे मालक! महिला – मुलांच्या कल्याणासाठी दान करणार 75% संपत्ती

७ सप्टेंबर ते १५ सप्टेंबर दरम्यान, एकूण ११ कंपन्या IPO लाँच होत आहेत. यामुळे अंदाजे ७,०५५ कोटी रुपये उभारले जाणार आहेत. यापैकी बहुतेक इश्यू मंगळवार आणि बुधवारी सब्सक्रिप्शनसाठी खुले होतील. ऑनलाइन फर्निचर आणि उपकरणे भाड्याने देणाऱ्या ‘रेंटोमोजो’ (Rentomojo) या प्लॅटफॉर्मचा IPO सर्वात मोठा आहे. रेंटोमोजोच्या इश्यूचा आकार १,२५६ कोटी रुपये आहे. आयपीओची किंमत प्रति शेअर ३८४ ते ४०४ रुपये अशी निश्चित करण्यात आली आहे. या इश्यूमध्ये १५० कोटी रुपयांचा नवीन इश्यू आणि अंदाजे १,१०६ कोटी रुपयांचा ‘ऑफर फॉर सेल’ समाविष्ट करण्यात आला आहे.

एकाच वेळी इतके IPO मार्केटमध्ये

येस सिक्युरिटीजचे मुख्य गुंतवणूक अधिकारी राजकुमार राठी म्हणाले की, एकाच वेळी इतके IPO मार्केटमध्ये दाखल होताहेत की गुंतवणूकदार सुरुवातीच्या टप्प्यातील वाढणाऱ्या कंपन्यांमध्ये हिस्सा मिळवण्यासाठी उत्सुक आहेत. लिस्टिंगच्या वेळी या सर्व कंपन्यांचे बाजार भांडवल १ अब्ज अमेरिकन डॉलर्सपेक्षा थोडे कमी असेल. आगामी IPO मध्ये रिअल इस्टेट, अभियांत्रिकी आणि उत्पादन, पेमेंट आणि आयडेंटिटी सोल्युशन्स, स्पेशालिटी केमिकल्स आणि ऑनलाइन रेंटल व्यवसायांमधील कंपन्यांचा समावेश आहे.

कोणते आयपीओ कधी उघडतील?

७ सप्टेंबर: प्रणव कन्स्ट्रक्शन्सचा ₹३५१ कोटींचा IPO उघडेल, ज्याचा प्राइस बँड ₹११८ ते ₹१२४ आहे. तो ९ सप्टेंबर रोजी बंद होईल.
८ सप्टेंबर: कानोहर इलेक्ट्रिकल्सचा ₹१,०५६ कोटींचा IPO उघडेल. त्याचा प्राइस बँड ₹६०१-६३२ ​​आहे. त्याच दिवशी प्रसोल केमिकल्सचा ₹५०० कोटींचा इश्यू उघडेल. ग्लास वॉल सिस्टीम्स इंडियाचा ₹४२८ कोटींचा इश्यू देखील त्याच दिवशी उघडेल. त्याचा प्राइस बँड ₹१७२-१८२ आहे.

9 सप्टेंबरला एकाची दिवशी उघडणार

९ सप्टेंबर रोजी एकाच वेळी सहा IPO बाजारात दाखल होतील. या आठवड्यातील सर्वात मोठा आयपीओ, रेंटोमोजो, ९ सप्टेंबर रोजी सुरू होईल. कर्मतारा इंजिनिअरिंग, मणिपाल पेमेंट अँड आयडेंटिटी सोल्युशन्स, आरसिल, एलसीसी प्रोजेक्ट्स आणि स्टीमहाऊस इंडिया यांचेही IPO सुरू होतील. वीगलँड डेव्हलपर्सचा २१० कोटी रुपयांचा IPO १० सप्टेंबर रोजी बाजारात दाखल होईल. हा पूर्णपणे नवीन इश्यू १५ सप्टेंबर रोजी बंद होईल.

फंडसाठी गणित

एकूण ₹७,०५५ कोटींपैकी, ₹२,७२२ कोटी (सुमारे ३९%) नवीन इश्यूद्वारे उभारले जातील. हा निधी थेट कंपन्यांना दिला जाईल आणि त्याचा वापर कर्ज परतफेड, भांडवली खर्च, खेळते भांडवल आणि व्यवसाय विस्तारासाठी केला जाईल. ₹४,३३३ कोटी (सुमारे ६१%) ‘ऑफर फॉर सेल’ (OFS) द्वारे उभारले जातील, ज्यामध्ये विद्यमान प्रवर्तक आणि गुंतवणूकदार त्यांचे भागभांडवल विकून नफा कमावतील.

Cheap Onion Price : सर्वसामान्यांना स्वस्त कांदा मिळणार! केंद्र सरकारने बाजारात आणला 4000 टन कांदा