Share Market Today: शेअर बाजारात तेजीचे संकेत! गुंतवणुकीसाठी तज्ज्ञांनी सुचवले हे शेअर्स

Share Market Update: शेअर बाजारात आज तेजीचे संकेत पाहायला मिळत आहेत. त्यामुळे आज गुंतवणूकदारांना काहीसा दिलासा मिळण्याची शक्यता आहे. आनंद राठी शेअर अँड स्टॉक ब्रोकर्स, टाटा एलक्सी, एचसीएल टेक, इत्यादी शेअर्सवर आज गुंतवणूकदार लक्ष केंद्रीत करू शकतात.

• शेअर बाजार आज हिरव्या रंगात किंवा सकारात्मक पातळीवर उघडण्याची शक्यता
• इन्शुरन्स कंपनी, आनंद राठी शेअर अँड स्टॉक ब्रोकर्स, टाटा एलक्सी या स्टॉक्सवर गुंतवणूकदारांचे लक्ष
• चंदन तापारिया यांनी गुंतवणूकदारांना दोन स्टॉक्स खरेदीची शिफारस केली

India Share Market Update: भारतीय शेअर बाजार आज हिरव्या रंगात किंवा सकारात्मक पातळीवर उघडण्याची शक्यता वर्तवण्यात आली आहे, कारण गिफ्ट निफ्टीने १३ ऑक्टोबर २०२६ रोजी तेजीचे संकेत दिले आहेत. दरम्यान, मंगळवारी आशियाई बाजारांमध्ये घसरण झाली, तर महत्त्वाच्या चलनवाढीच्या आकडेवारीपूर्वी अमेरिकेचे स्टॉक फ्युचर्स संमिश्र स्थितीत बंद झाले. निफ्टी फ्युचर्सच्या मागील बंद भावापेक्षा जवळपास ४१ अंकांनी वाढून २२,४२३ च्या पातळीवर व्यवहार करत होता, जे भारतीय शेअर बाजाराच्या निर्देशांकांसाठी सकारात्मक सुरुवातीचे संकेत देत आहे.

Todays Gold-Silver Price: सोन्याच्या दरात मोठी घसरण! 24 कॅरेटचा भाव 1,49,670 रुपयांवर; 22 आणि 18 कॅरेटचा भाव जाणून घ्या

गुंतवणूकदार आज हीरो मोटर्स, आयसीआयसीआय प्रुडेन्शियल लाइफ इन्शुरन्स कंपनी, आनंद राठी शेअर अँड स्टॉक ब्रोकर्स, टाटा एलक्सी, एचसीएल टेक, पॉलीकॅब इंडिया, आरबीएल बँक, आयसीआयसीआय प्रुडेन्शियल एएमसी, आयआरकॉन इंटरनॅशनल, पॉवर ग्रिड, भारतीय हॉटेल्स, स्वान डिफेन्स अँड हेवी इंडस्ट्रीज, टीडी पॉवर सिस्टम्स, विक्रान इंजिनिअरिंग या शेअर्सवर लक्ष केंद्रीत करू शकतात. (फोटो सौजन्य: Pinterest) 

मास्टर कॅपिटल सर्व्हिसेसचे विष्णूकांत उपाध्याय आणि चॉईस ब्रोकिंगचे हितेश टेलर यांनी पुढील १-२ आठवड्यांसाठी गुंतवणूकदारांना सहा स्टॉक्स खरेदी करण्याची शिफारस केली आहे. विष्णूकांत उपाध्याय यांनी गुंतवणूकदांराना खरेदी करण्यासाठी निवडलेल्या शेअर्समध्ये नेटवेब टेक्नॉलॉजीज, संसेरा इंजिनिअरिंग आणि ग्लँड फार्मा यांचा समावेश आहे. हितेश टेलर यांनी गुंतवणूकदांराना खरेदी करण्यासाठी संवर्धन मदरसन इंटरनॅशनल, हिंदुस्तान एरोनॉटिक्स (HAL) आणि साउथ इंडियन बँक या शेअर्सची निवड केली आहे.

Retail Inflation CPI : बाप रे… सप्टेंबरमध्ये महागाईचा शॉक! थेट 23 महिन्यांचा रेकॉर्ड मोडला; किरकोळ महागाई 5.54 टक्क्यांवर

शेअर बाजारातील तज्ज्ञांचा आज आयआरकॉन इंटरनॅशनल, भाग्यनगर, इंडिया, आयसीआयसीआय प्रुडेन्शियल एएमसी, एचसीएल टेक, आरबीएल बँक, हिंदुस्तान कंपोझिट्स, आझाद इंजिनिअरिंग, हजूर मल्टी प्रोजेक्ट्स, नझारा टेक्नॉलॉजीज या शेअर्सवर अधिक फोकस असणार आहे. मोतीलाल ओसवाल फायनान्शियल सर्व्हिसेस लिमिटेडच्या वेल्थ मॅनेजमेंट विभागातील डेरिव्हेटिव्हज आणि टेक्निकल्सचे प्रमुख, चंदन तापारिया यांनी आज गुंतवणूकदारांना खरेदीसाठी दोन स्टॉक्सची शिफारस केली आहे. तापारिया यांनी पीएनबी हाउसिंग फायनान्स आणि टीव्हीएस मोटर कंपनीचे शेअर्स खरेदी करण्याची शिफारस केली आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)