Share Market Today: गुंतवणूकदार सावधान! शेअर बाजारात आज स्थिर सुरुवात होण्याचे संकेत, कोणते शेअर्स कराल खरेदी?

Share Market Update: आज शेअर बाजाराचा मूड कसा असणार, याबाबत गुंतणूकदार अत्यंत चिंतेत आहेत. कारण आज व्यवहाराची सुरुवात सपाट पातळीवर होणार असल्याचा अंदाज वर्तवण्यात आला आहे. याबाबत अधिक जाणून घेऊया.

जागतिक बाजारातील मिश्र संकेतांमुळे आज १४ ऑक्टोबर रोजी, मंगळवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, सपाट पातळीवर उघडण्याची शक्यता वर्तवण्यात आली आहे. गिफ्ट निफ्टीवरील ट्रेंड देखील आज भारतीय शेअर बाजाराची सपाट सुरुवात दर्शवतात. गिफ्ट निफ्टी २५,३१९ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ १० अंकांनी जास्त होता. तसेच आज शेअर बाजारात गुंतवणूकदार कोणते शेअर्स खरेदी करू शकतात, याबाबत अधिक जाणून घेऊया.

BSNL युजर्सची समस्या संपली! इंटरनेट स्पीड वाढवण्यासाठी हि आहे बूस्टर ट्रिक! 100 पैकी 80 लोकांना माहिती नाही….

सोमवारी शेअर बाजारात झाली घसरण

सोमवारी, भारतीय शेअर बाजार निर्देशांक घसरणीसह बंद झाले, बेंचमार्क निफ्टी ५० २५,२०० च्या वर राहिला. सेन्सेक्स १७३.७७ अंकांनी किंवा ०.२१% ने घसरून ८२,३२७.०५ वर बंद झाला, तर निफ्टी ५० ५८.०० अंकांनी किंवा ०.२३% ने घसरून २५,२२७.३५ वर बंद झाला. सोमवारी बँक निफ्टी निर्देशांक १५.२५ अंकांनी किंवा ०.०३% ने वाढून ५६,६२५.०० वर बंद झाला. मंगळवारी वॉल स्ट्रीटवर तेजी असूनही आशियाई बाजारांमध्ये संमिश्र व्यवहार झाले. जपानचा बेंचमार्क निक्केई २२५ निर्देशांक १.१०% घसरला, तर टॉपिक्स १.३१% घसरला. दक्षिण कोरियाचा कोस्पी निर्देशांक १.०१% वाढला आणि कोस्डॅक ०.८४% वाढला.  (फोटो सौजन्य – Pinterest)

गुंतवणूकदारांसाठी आज हे शेअर्स ठरणार फायदेशीर

आजच्या व्यवहारात गुंतवणूकदार एचसीएल टेक, केफिन टेक्नॉलॉजीज, आयआरईडीए, टेक महिंद्रा, सायंट डीएलएम, आनंद राठी वेल्थ, एशियन पेंट्स, केईसी इंटरनॅशनल, हिरो मोटोकॉर्प, ओएनजीसी, ऑइल इंडिया, लोढा डेव्हलपर्स या शेअर्सवर लक्ष केंद्रीत करू शकतात. प्रभुदास लिल्लाधर येथील टेक्निकल रिसर्चच्या उपाध्यक्षा वैशाली पारेख यांनी आज गुंतवणूकदारांना खरेदी करण्यासाठी तीन स्टॉकची शिफारस केली आहे. ज्यामध्ये हिमाद्री स्पेशालिटी केमिकल, एस्टर डीएम हेल्थकेअर आणि चोलामंडलम इन्व्हेस्टमेंट अँड फायनान्स यांचा समावेश आहे. चॉइस ब्रोकिंगचे कार्यकारी संचालक सुमीत बगडिया यांनी आज गुंतवणूकदारांना खरेदी करण्यासाठी पाच ब्रेकआउट स्टॉकची शिफारस केली आहे. ज्यामध्ये स्वराज इंजिन्स, सिरका पेंट्स इंडिया, कृष्णा इन्स्टिट्यूट ऑफ मेडिकल सायन्सेस, फिनो पेमेंट्स बँक आणि एचबीएल इंजिनिअरिंग यांचा समावेश आहे.

Samsung TriFold Smartphone: लक्झरीचा नवीन ट्रेंड! तीन बॅटरीसह लाँच होऊ शकतो हा स्मार्टफोन, डिटेल्स झाले लीक

बाजारातील तज्ञ, चॉइस ब्रोकिंगचे कार्यकारी संचालक सुमित बगडिया, आनंद राठी येथील तांत्रिक संशोधनाचे वरिष्ठ व्यवस्थापक गणेश डोंगरे आणि प्रभुदास लिलाधर येथील तांत्रिक संशोधनाचे वरिष्ठ व्यवस्थापक शिजू कुथुपलक्कल यांनी आज गुंतवणूकदारांना खरेदी करण्यासाठी आठ इंट्राडे स्टॉकची शिफारस केली आहे. ज्यामध्ये एल अँड टी फायनान्स लिमिटेड, फोर्टिस हेल्थकेअर लिमिटेड, महिंद्रा अँड महिंद्रा लिमिटेड, गोदरेज प्रॉपर्टीज लिमिटेड, बर्जर पेंट्स इंडिया लिमिटेड, दिल्लीवरी लिमिटेड, वारी एनर्जीज लिमिटेड आणि गोकुल अ‍ॅग्रो रिसोर्सेस लिमिटेड यांचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)