एकीकडे अमेरिका-इराण युद्धाच्या सावटात, चीन मात्र सोनं खरेदी करण्यात व्यस्त, डॉलरच्या साम्राज्याला सुरुंग?

एकीकडे अमेरिका-इराण युद्धाच्या सावट असताना चीनच मात्र भलतचं सुरु असल्याचे पाहायला मिळत आहे. युद्धाच्या काळात चीन वेड्यासारखं सोनं खरेदी करत आहे.

जग युद्धात गुंतले असताना, चीन मात्र सोने खरेदी करण्यात व्यस्त आहे. गेल्या १६ महिन्यांपासून चीन विक्रमी प्रमाणात सोन्याची खरेदी करत आहे. युद्धाच्या काळात चीनला सोन्याचे वेड लागले आहे, की हा ड्रॅगन (चीन) एखादा मोठा कट रचत आहे? असा सवाल उपस्थित होत आहे.

युद्ध सुरू असताना, मध्य-पूर्वेतील तेल आणि वायूचा तुटवडा हा चर्चेचा मुख्य विषय बनला आहे. तर दुसरीकडे चीन शांतपणे सोन्याची खरेदी करण्यात व्यस्त आहे. जग युद्धाबद्दल बोलत असताना, चीन वेगाने सोने खरेदी करत आहे. वर्ल्ड गोल्ड कौन्सिलच्या अहवालानुसार, चीनने गेल्या १६ महिन्यांत सर्वाधिक सोने खरेदी केले आहे. जगातील पाचवा सर्वात मोठा सोन्याचा साठा असलेला देश चीन, जणू काही त्याच्याकडे एखादी मोठी योजना असल्याप्रमाणे आपला सोन्या-चांदीचा साठा वाढवत आहे. गेल्या १६ महिन्यांत चीनचा सोन्याचा लोभ अधिकच वाढला आहे. सोन्यासोबतच, चांदीची त्याची भूकही वाढत आहे.

Donald Trump ची Iran ला धमकी, Share Market मध्ये कन्फ्यूजन, सध्या परिस्थिती काय ?

चीन सोने आणि चांदीच्या मागे लागला आहे. जगातील दुसरी सर्वात मोठी अर्थव्यवस्था असलेला चीन, आपली तिजोरी सोने आणि ‘पांढरा धातू’ म्हणून ओळखल्या जाणाऱ्या चांदीने भरण्यात व्यस्त आहे. परिस्थिती अशी आहे की, चीन जगभरातील बाजारपेठांमधून चांदी आकर्षित करण्याचा प्रयत्न करत आहे. नवीनतम चिनी सीमाशुल्क आकडेवारीनुसार, चीनने केवळ २०२६ च्या पहिल्या काही महिन्यांतच ७९० टनांहून अधिक चांदी आयात केली. केवळ फेब्रुवारी २०२६ मध्येच अंदाजे ४७० टन चांदी खरेदी करण्यात आली. चीन हाँगकाँगमार्फत चांदी खरेदी करण्यासाठी घाई करत आहे. सोने आणि चांदीच्या घसरत्या किमतींचा चीन सर्वाधिक फायदा घेत आहे.

दरम्यान, इराण-अमेरिका-इस्रायल युद्धाला एक महिन्याहून अधिक काळ लोटला आहे. सोमवारी सकाळी तेहरानच्या शरीफ युनिव्हर्सिटी ऑफ टेक्नॉलॉजीमधील माहिती आणि दळणवळण तंत्रज्ञान इमारतीवर हवाई हल्ला झाला. विद्यापीठातील अर्थशास्त्राचे प्राध्यापक मोहम्मद वेसल यांनी ही माहिती दिली. वेसल यांनी असोसिएटेड प्रेसच्या टीमला सांगितले की, या हल्ल्यामुळे विद्यापीठातील ऑनलाइन वर्गांमध्ये व्यत्यय आला. युद्धामुळे सर्व विद्यार्थ्यांनी कॅम्पस सोडला आहे. शरीफ युनिव्हर्सिटी ऑफ टेक्नॉलॉजी हे इराणचे सर्वोच्च अभियांत्रिकी विद्यापीठ मानले जाते. इराणच्या रिव्होल्यूशनरी गार्ड्सने सांगितले की, सोमवारी झालेल्या अमेरिका-इस्रायल हल्ल्यांमध्ये त्यांचे गुप्तचर प्रमुख मारले गेले. “इस्लामिक रिव्होल्यूशनरी गार्ड कॉर्प्सच्या गुप्तचर संघटनेचे शक्तिशाली आणि सुशिक्षित प्रमुख मेजर जनरल माजिद खादेमी हे आज पहाटे अमेरिका-झायोनिस्ट शत्रूने केलेल्या गुन्हेगारी दहशतवादी हल्ल्यात शहीद झाले,” असे गार्ड्सने त्यांच्या टेलिग्राम चॅनलवरील एका पोस्टमध्ये म्हटले आहे.

New Labour Code: मज्जाच मज्जा…! आता उरलेल्या सुट्ट्यांचेही कंपनी देणार पैसे, काय आहे नवीन नियम?