Trump Ultimatum: ‘याच्या’ बदल्यात ‘Hormuz’ नाहीच; इराणला अमेरिकेची अट अमान्य; पाकिस्तानच्या प्रस्तावावर विचार सुरू

World War 3 Alert : Iran इराणने युद्धविरामाचा विचार करण्यास आणि होर्मुझची सामुद्रधुनी खुली करण्यास नकार दिला आहे. ट्रम्प यांनी दिलेल्या मुदतीपूर्वी तेहरानने आपली भूमिका अधिक कठोर केली आहे.

• इराणची ‘नो तडजोड’ भूमिका
• ट्रम्प यांचा ‘डेडलाईन’ वॉर
• पाकिस्तानचा मध्यस्थीचा प्रयत्न

Donald Trump ultimatum to Iran May 2026 : आखाती देशांमधील युद्धाचा वणवा आता विझण्याऐवजी अधिकच भडकताना दिसत आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी दिलेला अल्टिमेटम संपायला आता अवघे काही तास उरले असताना, इराणने (Iran) आपली भूमिका अधिकच कठोर केली आहे. “सीझफायरच्या (युद्धविराम) बदल्यात आम्ही होर्मुझची सामुद्रधुनी खुली करणार नाही,” असे तेहरानने स्पष्ट शब्दात बजावले आहे. ट्रम्प यांनी दिलेल्या मुदतीपूर्वी इराणने घेतलेल्या या आक्रमक पवित्र्यामुळे संपूर्ण जगात ‘बॅटल अलर्ट’ जारी झाला आहे.

ट्रम्प यांचा ‘मंगळवार रात्री ८’ चा अल्टिमेटम

डोनाल्ड ट्रम्प यांनी आपल्या सोशल मीडिया पोस्टवरून इराणला शेवटचा इशारा दिला आहे. मंगळवारी रात्री ८ वाजता (ईस्टर्न टाईम), म्हणजेच भारतीय वेळेनुसार बुधवारी सकाळी, इराणवर मोठा हल्ला होण्याची शक्यता आहे. ट्रम्प यांनी स्पष्ट म्हटले आहे की, जर इराणने होर्मुझची नाकेबंदी उठवली नाही, तर त्यांच्या देशात एकही वीज प्रकल्प किंवा सुरक्षित पूल शिल्लक राहणार नाही. यापूर्वी ट्रम्प यांनी केवळ पायाभूत सुविधांवर हल्ल्याचा इशारा दिला होता, मात्र आता त्यांनी वेळ निश्चित केल्याने युद्धाचा धोका वाढला आहे.

जागतिक घडामोडी संबंधित बातम्या वाचण्यासाठी येथे क्लिक करा : Rising India: जगाला हवी S Jaishankar यांची दुर्बिण! प्रसिद्ध अमेरिकन अर्थतज्ज्ञाकडून त्यांच्या ‘या’ 3 मंत्रांची मोठी प्रशंसा

पाकिस्तानचा प्रस्ताव अन् इराणची नाराजी

रॉयटर्सच्या वृत्तानुसार, शेजारील देश पाकिस्तानने या युद्धात मध्यस्थी करण्याचा प्रयत्न केला असून इराणला एक शांतता प्रस्ताव पाठवला आहे. इराणचे अधिकारी सध्या या प्रस्तावावर विचार करत आहेत. मात्र, इराणने अमेरिकेवर गंभीर आरोप केले आहेत. “अमेरिका कायमस्वरूपी शांततेसाठी गंभीर नाही, ते केवळ आमच्यावर दबाव टाकत आहेत,” असे इराणी अधिकाऱ्यांचे म्हणणे आहे. इराणचा दावा आहे की, तात्पुरत्या युद्धविरामाच्या बदल्यात होर्मुझसारखा महत्त्वाचा लष्करी आणि आर्थिक मार्ग ते मोकळा करणार नाहीत.

See more

As it currently stands, Iran has refused all proposals for negotiations outright, and has no interest to meet with the US either directly or indirectly. Mediators have failed to bring the two parties together and bring about a ceasefire. Oh well… I guess they want the hellfire pic.twitter.com/UnIEluuepC — Mor Edge Insight (@MorEdge_Insight) April 5, 2026

credit – social media and Twitter

होर्मुझची सामुद्रधुनी: जागतिक अर्थव्यवस्थेची ‘जीवनवाहिनी’

होर्मुझची सामुद्रधुनी (Strait of Hormuz) बंद झाल्यामुळे संपूर्ण जगाचे टेन्शन का वाढले आहे? कारण, जगातील एकूण तेल पुरवठ्याचा एक मोठा भाग याच अरुंद सागरी मार्गातून जातो. जर हा मार्ग बंद राहिला, तर पेट्रोल-डिझेलच्या किमती इतक्या वाढतील की जागतिक अर्थव्यवस्था कोलमडून पडू शकते. इराणला माहित आहे की, हेच त्यांचे सर्वात मोठे शस्त्र आहे, म्हणूनच ते सीझफायरच्या बदल्यात हे शस्त्र म्यान करायला तयार नाहीत.

जागतिक घडामोडी संबंधित बातम्या वाचण्यासाठी येथे क्लिक करा : Majid Khatami: ज्याच्या एका आदेशाने अमेरिकाही हादरत होती, अमेरिका-इस्रायलने त्यालाच केले ठार; गुप्तचर यंत्रणेचे मोडले कंबरडे

आगामी २४ तास अत्यंत कळीचे!

पाकिस्तानच्या प्रस्तावात दोन टप्प्यांत शस्त्रसंधी लागू करण्याचे म्हटले आहे, मात्र ट्रम्प यांच्या आक्रमकतेमुळे इराण घाईत कोणताही निर्णय घेण्यास तयार नाही. “आम्ही दबावाखाली किंवा कोणाच्या मुदतीमुळे तडजोड करणार नाही,” असे इराणने ठणकावून सांगितले आहे. आता सर्वांच्या नजरा बुधवारी सकाळी ट्रम्प यांच्या संभाव्य कारवाईकडे लागल्या आहेत. जर ट्रम्प यांनी खरंच इराणच्या वीज प्रकल्पांना लक्ष्य केले, तर हे युद्ध केवळ दोन देशांपुरते मर्यादित न राहता संपूर्ण जगाला विळख्यात घेईल.