Urban Bank Recruitment 2026: जळगावमधील अमळनेर अर्बन बँकेत ‘या’ पदांची भरती जाहीर; १७ ऑक्टोबरपर्यंत करा अर्ज!

Amalner Urban Bank Recruitment 2026: अमळनेर को-ऑप. अर्बन बँकेत लिपिक, शिपाई आणि आयटी असिस्टंटच्या रिक्त पदांसाठी भरती सुरू झाली आहे. १७ ऑक्टोबर २०२६ पर्यंत ऑनलाईन अर्ज करा.

Amalner Urban Bank Recruitment 2026: दि अमळनेर को-ऑप. अर्बन बँक लि., अमळनेर (जि. जळगाव) या बँकेच्या जळगाव जिल्हा कार्यक्षेत्रांतर्गत युनिट सहकारी बँकेत विविध रिक्त पदांसाठी ऑनलाईन अर्ज मागविण्यात येत आहेत. या भरती प्रक्रियेची सविस्तर माहिती आज आपण जाणून घेऊया.

रिक्त पदांचा तपशील आणि पात्रता

या सहकारी बँकेत लिपिक पदासाठी ५ जागा भरण्यात येणार आहेत. या पदासाठी इच्छुक उमेदवार मान्यताप्राप्त विद्यापीठाचा पदवीधर असावा. तसेच MS-CIT किंवा समतुल्य संगणक कोर्स प्रमाणपत्र आणि मराठी, हिंदी, इंग्रजी भाषांचे ज्ञान आवश्यक आहे.

प्राधान्य: सहकारी बँकिंग क्षेत्र किंवा इतर वित्तीय संस्थेत लिपिक पदाचा अनुभव असणाऱ्यांना, मराठी व इंग्रजी टायपिंग तसेच JAIIB/CAIIB/GDC&A किंवा शासन मान्यताप्राप्त इतर संस्थेची (ICM, IIBF, VAMNICOM इ.) बँकिंग/सहकार/कायदेविषयक पदविका प्राप्त केलेल्या उमेदवारांना प्राधान्य दिले जाईल. तसेच त्याचे वय २२ ते ३५ वर्षे दरम्यान असणे गरजेचे आहे.

तसेच येथे शिपाई पदासाठी २ जागा रिक्त असून इच्छुक उमेदवार किमान किमान १० वी उत्तीर्ण आणि मराठी भाषेचे ज्ञान असणारा असावा. त्याचे वय २१ ते ३३ वर्षे असावे.

SC-ST विद्यार्थ्यांना मोठा दिलासा; Post Matric Scholarship साठी पालकांच्या उत्पन्नाची मर्यादा वाढणार?

आय.टी. असिस्टंट या पदासाठी अर्ज करणाऱ्या उमेदवाराकडे मान्यताप्राप्त विद्यापीठाची कॉम्प्युटर सायन्स/माहिती तंत्रज्ञान आणि सिस्टम किंवा डेटाबेसचा पदवी असणे आवश्यक आहे. तसेच त्याला मराठी, हिंदी, इंग्रजी भाषांचे ज्ञान आवश्यक आहे.उमेदवाराचे वय २२ ते ३५ वर्षांदरम्यान असावे. या बँकेत सहकारी बँकिंग किंवा वित्तीय संस्थेत संबंधित पदाचा अनुभव आणि बँकिंग/सहकार/कायदेविषयक पदविकाधारकांना प्राधान्य देण्यात येणार आहे.

महत्त्वाच्या तारखा आणि परीक्षा शुल्क

• अर्ज करण्याचा कालावधी: दि. ०३ ऑक्टोबर २०२६ रोजी सकाळी १०:०० पासून ते दि. १७ ऑक्टोबर २०२६ रोजी संध्याकाळी ५:०० वाजेपर्यंत.
• परीक्षा शुल्क: ९५०/- रुपये + १८% जीएसटी + लागू बँक चार्जेस.

NEET UG Scam : नीट परीक्षा वादावर सर्वात मोठी अपडेट; मास्टरमाइंड्सचे चेहरे लवकरच उघड होणार?

निवड पद्धत व परीक्षा स्वरूप

• परीक्षा ऑनलाईन पद्धतीने ९० गुणांची व बहुपर्यायी स्वरूपाची असेल.
• परीक्षेचा कालावधी ९० मिनिटांचा राहील.
• परीक्षेमध्ये जनरल नॉलेज, ॲपिट्यूड, रीझनिंग, मॅथेमॅटिक्स, मराठी आणि इंग्रजी व्याकरण, कॉम्प्युटर लिटरेसी आणि बँकिंग या विषयांवर प्रश्न विचारले जातील. ऑनलाईन परीक्षेनंतर १० गुणांची तोंडी मुलाखत घेतली जाईल.
• अर्ज करण्याची पद्धत, आवश्यक कागदपत्रे आणि सविस्तर माहितीसाठी https://sznsbal.com या अधिकृत संकेतस्थळाला भेट द्यावी.