प्राध्यापक होण्याची तयारी करत आहात ? मग ‘ही’ बातमी तुमच्यासाठी आहे

मोठी संधी
जे उमेदवार प्राध्यापक होण्यासाठी तयारी करत आहेत, किंवा ज्यांचे त्या पात्रतेचे शिक्षण झाले आहे. अशा उमेदवारांनी या पदांसाठी अर्ज करण्यास अडचण नाही. हजारो पदांसाठी ही भरती प्रक्रिया सुरु होणार आहे. त्यामुळं तयारी करणाऱ्या उमेदवारांसाठी ही एक मोठी संधी निर्माण झाली आहे. विशेष म्हणजे उत्तर प्रदेश लोकसेवा आयोगाने आगामी शैक्षणिक सत्र 2025-26 मध्ये सरकारी पदवी महाविद्यालयांमध्ये ही भरती करणार आहे.

उत्तर प्रदेश लोकसेवा आयोगाला 23 विषयांमधील सहाय्यक प्राध्यापकांच्या 562 रिक्त पदांबद्दल शिक्षण संचालनालयाने माहिती पाठवली होती. ज्याची अधिसूचना लवकरच जाहीर केली जाऊ शकते. 71 नवीन पदवी महाविद्यालयांसाठीही भरती प्रक्रियेला मान्यता देण्यात आली आहे. ज्यामुळे सहाय्यक पदांची संख्या वाढली आहे.

71 महाविद्यालयांमध्ये भरती प्रक्रियेला मान्यता

मिळालेल्या माहितीनुसार, उत्तर प्रदेशातील 71 नवीन पदवी महाविद्यालयांसाठी प्रत्येकी 16 अतिरिक्त शिक्षक पदांना मान्यता देण्यात आली आहे. कला शाखेत आठ, विज्ञान शाखेत पाच, वाणिज्य शाखेत दोन आणि ग्रंथालय शाखेत एक सहाय्यक प्राध्यापक भरती करण्यात येणार आहे. माळलेल्या म्हणीनुसार पुढील भरतीमध्ये यूपीपीएससीकडून या पदांसाठी अर्ज जारी केले जातील.

1698 सहाय्यक प्राध्यापक पदांसाठी भरती

उत्तर प्रदेश लोकसेवा आयोगाने (UPPSC) आगामी शैक्षणिक सत्र 2025-26 मध्ये सरकारी पदवी महाविद्यालयांमध्ये 1698 सहाय्यक प्राध्यापकांची भरती करण्याची योजना आखण्यात आली आहे. उच्च शिक्षण संचालक अमित भारद्वाज यांच्या मते, राज्यातील 71 नवीन सरकारी महाविद्यालयांचे कामकाज सुरू करण्यासाठी सहाय्यक प्राध्यापकांच्या 1136 पदांची भरती केली जाणार आहे. ही पदे भरण्यासाठी लवकरच यूपीपीएससीला माहिती दिली जाईल.

याआधी २३ विषयांमधील सहायक प्राध्यापकांच्या ५६२ पदांची माहिती यूपीपीएससीला देण्यात आली होती. अश्याप्रकारे , सहाय्यक प्राध्यापकांच्या रिक्त पदांची संख्या एकूण 1698 झाली आहे.

दहावी-बारावीतील गुणवंत आदिवासी विद्यार्थ्यांना मिळणार ३० हजारांचं रोख पारितोषिक

संबंधित बातम्या