‘Biotech मध्ये करिअर करण्याची मोठी संधी’; बायोस्किल-२०२६’ परिषदेत तज्ज्ञांचे विद्यार्थ्यांना मार्गदर्शन

कोल्हापूरमध्ये नुकतेच ‘बायोस्किल-२०२६’ परिषद पार पडली. या परिदेत जैवतंत्रज्ञानातील करिअर, संशोधन व कौशल्यांचे महत्त्व तज्ज्ञांनी अधोरेखित केले. औषध, कृषी, पर्यावरण व उद्योग क्षेत्रात वाढत्या संधींचा आढावा घेण्यात आला.

• Biotech मध्ये करिअर करण्याची मोठी संधी
• बायोस्किल-२०२६’ परिषदेत तज्ज्ञांचे विद्यार्थ्यांना मार्गदर्शन
• संशोधन, आरोग्य आणि भविष्यातील रोजगाराच्या संधींचा घेतला आढावा

कोल्हापूर : आजच्या काळात जैवतंत्रज्ञानाचे महत्व अतिशय वाढले असून औषधनिर्मिती, कृषी, पर्यावरण संरक्षण आणि औद्योगिक क्षेत्रात प्रभावीपणे वापरले जात आहे. भविष्यातील करिअरसाठी या क्षेत्रात कौशल्याधारित आणि संशोधनाभिमुख दृष्टिकोन विकसित करणे अत्यावश्यक आहे, असे प्रतिपादन ख्यातनाम संशोधक डॉ.एस.आर.यादव यांनी केले, डी. वाय. पाटील अभिमत विद्यापिठाच्या सेंटर फॉर इंटरडिसिप्लिनरी रिसर्चमधील स्टेम सेल अँड रिजनरेटिव्ह मेडिसिन व मेडिकल बायोटेक्नॉलॉजी विभागातर्फे ‘बायोस्किल-२०२६’ या दोन दिवसीय राष्ट्रीय परिषदेत ते बोलत होते.

मराठवाड्याचा डंका! गणोरीच्या जिल्हा परिषद शाळेत साकारणार राज्याची पहिली ‘AI प्रयोगशाळा’; ग्रामीण मुले गिरवणार तंत्रज्ञानाचे धडे

नैसर्गिक आणि पर्यावरणपूरक साहित्य वापरण्याची गरज

परिषदेचे उ‌द्घाटन कुलगुरू प्रा. डॉ. राकेशकुमार शर्मा, डॉ. एस. आर. यादव, राष्ट्रीय रासायनिक प्रयोगशाळा वरिष्ठ प्रमुख शास्त्रज्ञ डॉ. सय्यद जी. दस्तगर यांच्या हस्ते झाले. यावेळी संशोधन संचालक प्रा. डॉ. पी. एस. पाटील, प्रा.डॉ.सी.डी. लोखंडे, प्रा.डॉ. के. डी. सोनवणे, प्रा.डॉ. अर्पिता पांडे-तिवारी, डॉ. रेश्मा पवार, डॉ. शिया शर्मा, डॉ. शिवाजी काष्टे, डॉ. पद्मजा देसाई, डॉ. रजनी बनसोडे, डॉ. मेधा देसाई, डॉ. अश्विनी काळे आदी मान्यवर उपस्थित होते. डॉ. सय्यद दस्तगर म्हणाले, जैवतंत्रज्ञान क्षेत्रात नैसर्गिक व पर्यावरणपूरक साहित्याचा वापर वाढविण्याची गरज असून, बॅक्टेरियल नैनोसेल्युलोज है भविष्यातील उपयुक्त साहित्य ठरणार आहे बैक्टेरियल नॅनोसेल्युलोजची नैनो-फायब्रिलर रचना व उच्च जलधारण क्षमता यामुळे ते पेशींचे स्थिरीकरण व पाढीसाठी अनुकूल ठरते.

संशोधन, आरोग्य आणि भविष्यातील रोजगाराच्या संधींचा घेतला आढावा

वैद्यकीय, औषधनिर्मिती, ऊतक अभियांत्रिकी, तसेब अन्न व पॅकेजिंग उद्योगात त्याचा व्यापक वापर होऊ शकतो, कुलगुरू डॉ. शर्मा यांनी जैवतंत्रज्ञान, स्टेम सेल व पुनरुत्पादक औषधशास्त्र या क्षेत्रातील करिअर संधीवर मार्गदर्शन केले, त्यांनी या क्षेत्रातील संशोधन, आरोग्यविषयक उपयोग आणि भविष्यातील रोजगाराच्या संधींचा आढावा घेतला, परिषदेत एकूण १० महाविद्यालयांमधून १३० प्रतिनिधी उपस्थित होते. कुलपती डॉ. संजय डी. पाटील, संस्थेचे उपाध्यक्ष आ. सतेज डी. पाटील, विश्वस्त ऋतुराज पाटील, पृथ्वीराज पाटील यांचे मार्गदर्शन लाभले.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.

इच्छा असूनही नोकरी सोडू शकत नाही? तुम्ही पण ‘Job Hugging’ चे बळी ठरला आहात का? नेमकं आहे तरी काय?