‘ऑफबीट’ क्षेत्रांमध्ये मोठ्या संधी! सायबर सुरक्षा आणि एथिकल हॅकिंगमध्ये उच्च पगारासह मोठी मागणी

आजच्या डिजिटल युगात पारंपरिक करिअरपेक्षा ‘ऑफबीट’ क्षेत्रांमध्ये मोठ्या संधी निर्माण झाल्या आहेत. सायबर सुरक्षा आणि एथिकल हॅकिंगमध्ये उच्च पगारासह मोठी मागणी वाढली आहे.

आजच्या स्पर्धात्मक आणि डिजिटल युगात करिअरच्या संधींमध्ये मोठा बदल झाला आहे. पूर्वी १० वी किंवा १२ वी नंतर डॉक्टर किंवा इंजिनिअर हेच प्रमुख पर्याय मानले जात होते. मात्र आता तंत्रज्ञान, इंटरनेट आणि बदलत्या जीवनशैलीमुळे अनेक ‘ऑफबीट’ करिअर पर्याय उपलब्ध झाले आहेत, जे केवळ वेगळेच नाहीत तर आर्थिकदृष्ट्याही अत्यंत फायदेशीर ठरतात.

सायबर सुरक्षा आणि एथिकल हॅकिंग हे त्यातीलच एक महत्त्वाचे क्षेत्र आहे. सध्या डेटा चोरी आणि सायबर हल्ल्यांचे प्रमाण वाढल्याने कंपन्या आपली माहिती सुरक्षित ठेवण्यासाठी एथिकल हॅकर्सना मोठ्या प्रमाणात संधी देत आहेत. १२ वी नंतर सायबर सिक्युरिटीमध्ये डिप्लोमा किंवा CEH सारखे सर्टिफिकेशन कोर्स करून या क्षेत्रात प्रवेश मिळवता येतो. सुरुवातीला वार्षिक ५ ते ७ लाख पगार मिळतो, तर अनुभवानंतर हे पॅकेज २० ते ५० लाखांपर्यंत जाऊ शकते.

मार्कशिट आणि सर्टिफिकेट्सची आता मिळणार एकच प्रत; हजारो विद्यार्थ्यांना होणार फायदा

युजर इंटरफेस (UI) आणि युजर एक्सपिरियन्स (UX) डिझायनिंग हे देखील आजच्या काळातील अत्यंत मागणी असलेले क्षेत्र आहे. एखादे अॅप किंवा वेबसाइट वापरण्यास किती सोपी आणि आकर्षक आहे, हे UI/UX डिझायनर ठरवतात. Amazon, Zomato सारख्या मोठ्या कंपन्यांना अशा डिझायनर्सची सतत गरज असते. १० वी किंवा १२ वी नंतर ग्राफिक डिझाईन किंवा UI/UX चे कोर्स करून या क्षेत्रात करिअर करता येते. फ्रेशरला ३ ते ५ लाख पगार मिळतो, तर अनुभवी डिझायनरला १५ लाखांपर्यंत उत्पन्न मिळू शकते.

जर तुम्हाला आकाशात उड्डाण करण्याची आवड असेल, तर कमर्शियल पायलट हा सर्वोत्तम पर्याय ठरू शकतो. १२ वी विज्ञान शाखेनंतर फ्लाइंग स्कूलमध्ये प्रवेश घेऊन कमर्शियल पायलट लायसन्स मिळवावे लागते. पायलटचा सुरुवातीचा पगार महिन्याला १.५ ते २ लाखांपासून सुरू होतो, तर अनुभवी कॅप्टन वर्षाला ५० लाखांहून अधिक कमावतात.

बॅचलर ऑफ नॅचरोपॅथी आणि योगिक सायन्स (BNYS)! पात्रता, प्रवेश प्रक्रिया आणि संधी

डिजिटल मार्केटिंग आणि कंटेंट क्रिएशन हे सध्याच्या काळातील सर्वाधिक वेगाने वाढणारे क्षेत्र आहे. व्यवसाय ऑनलाईन झाल्यामुळे सोशल मीडिया आणि सर्च इंजिनवर जाहिरात करण्यासाठी तज्ज्ञांची गरज वाढली आहे. ६ महिन्यांचा कोर्स करून तुम्ही या क्षेत्रात सहज प्रवेश करू शकता. स्वतःची एजन्सी सुरू केल्यास उत्पन्नाला मर्यादा राहत नाही.

याशिवाय परकीय भाषा तज्ज्ञ म्हणूनही मोठ्या संधी उपलब्ध आहेत. जपानी, जर्मन, फ्रेंच किंवा मॅंडरीन भाषा जाणणाऱ्या व्यक्तींना दूतावास, मल्टिनॅशनल कंपन्या आणि ट्रान्सलेशन क्षेत्रात चांगल्या नोकऱ्या मिळतात. एकूणच, आजच्या काळात करिअर निवडताना पारंपरिक विचारांपलीकडे जाऊन आपल्या आवडी, कौशल्ये आणि बदलत्या ट्रेंडनुसार निर्णय घेणे गरजेचे आहे. योग्य दिशेने केलेली सुरुवात तुम्हाला यशाच्या उंच शिखरावर पोहोचवू शकते.