खुशखबर! ‘या’ पोलिस कॉन्स्टेबल भरतीसाठी अर्ज करण्याची तारीख वाढली; ७५६५ जागांसाठी लगेच करा अर्ज

कर्मचारी निवड आयोगाने (SSC) हा निर्णय घेतला असून, ऑनलाइन अर्ज करण्याची नवीन अंतिम तारीख ३१ ऑक्टोबर २०२५ (रात्री ११ वाजेपर्यंत) असेल.

• दिल्ली पोलिसांच्या कॉन्स्टेबल भरतीची अर्ज तारीख वाढली
• ७५६५ रिक्त जागांसाठीची संधी गमावू नका
• वाता सर्व काही सविस्तर

SSC Delhi Police Constable Bharti 2025: दिल्ली पोलिस (Delhi Police) मध्ये कॉन्स्टेबल (कार्यकारी) पुरुष आणि महिला परीक्षा २०२५ साठी ऑनलाइन अर्ज करण्याची अंतिम तारीख वाढवण्यात आली आहे. कर्मचारी निवड आयोगाने (SSC) हा निर्णय घेतला असून, ऑनलाइन अर्ज करण्याची नवीन अंतिम तारीख ३१ ऑक्टोबर २०२५ (रात्री ११ वाजेपर्यंत) असेल. यापूर्वी अर्ज करण्याची अंतिम मुदत २१ ऑक्टोबर २०२५ होती. या भरतीअंतर्गत कॉन्स्टेबल पुरुष व महिला तसेच माजी सैनिक श्रेणींमध्ये एकूण ७,५६५ पदांवर भरती केली जाणार आहे.

शैक्षणिक पात्रता

मान्यताप्राप्त बोर्ड किंवा संस्थेकडून १०+२ (इंटरमीडिएट) पास असणे अनिवार्य. (विशेष पदांसाठी/दिल्ली पोलिस कर्मचाऱ्यांच्या मुलांसाठी ११वी पास देखील मान्य.)

वयोमर्यादा

किमान १८ वर्षे आणि जास्तीत जास्त २५ वर्षे. (जन्म २ जुलै २००० पूर्वी आणि १ जुलै २००७ नंतर नसावा). आरक्षित वर्गांना नियमांनुसार वयात सवलत.

सरकारी नोकरीची संधी! ‘या’ ७ प्रमुख भरतींसाठी अर्ज करण्याचा शेवटचा आठवडा , झटपट भरा करा अर्ज

ड्रायव्हिंग लायसन्स (पुरुषांसाठी)

पीई आणि एमटी (Physical Efficiency & Measurement Test) च्या वेळी कार किंवा मोटरसायकल चालवण्याचा वैध परवाना असणे आवश्यक.

अर्ज शुल्क आणि वेतन

दिल्ली पोलिस कॉन्स्टेबल (एग्जीक्यूटिव) भरती २०२५ साठी अर्ज शुल्क १०० रुपये ठेवले आहे. अनुसूचित जाती (SC), अनुसूचित जमाती (ST), महिला आणि PwD उमेदवारांना अर्ज शुल्क देण्याची गरज नाही. निवड झालेल्या उमेदवारांना पे-लेवल-३ नुसार २१,७०० रुपये ते ६९,१०० रुपये इतके वेतन मिळेल. यासोबतच महागाई भत्ता (DA), घरभाडे भत्ता (HRA) आणि इतर सुविधा देखील मिळणार आहेत.

अर्ज कसा करावा

• उमेदवारांनी ssc.gov.in या अधिकृत वेबसाइटवर जावे.
• आपले नाव, ईमेल, मोबाईल नंबर आणि आधार/ओळख तपशील भरून नोंदणी करावी.
• ऑनलाइन अर्ज फॉर्म भरावा आणि वैयक्तिक माहिती, शैक्षणिक पात्रता, वय, श्रेणी इत्यादी अचूकपणे नमूद करावी.
• पासपोर्ट आकाराचा फोटो, स्वाक्षरी, शैक्षणिक प्रमाणपत्रे आणि इतर आवश्यक कागदपत्रे अपलोड करावीत.
• निर्धारित शुल्क ऑनलाइन माध्यमातून (BHIM UPI, नेट बँकिंग, डेबिट/क्रेडिट कार्ड) भरावे.
• फॉर्म सबमिट करून त्याचा प्रिंटआउट काढून घ्यावा.

Railway Job: रेल्वेमध्ये अप्रेंटिस पदासाठी बंपर भरती! ११०० हून जास्त जागा; नोकरीसाठी अर्ज करताना जाणून घ्या पात्रता