Rector Recruitment 2026: पदवीधर महिलांसाठी नोकरीची संधी! देवगिरी कॉलेज मुलींच्या वसतिगृहासाठी ‘या’ पदांची भरती सुरू

Devgiri College Hostel Rector Recruitment 2026: मराठवाडा शिक्षण प्रसारक मंडळाच्या रेल्वे स्टेशन रोड येथील नामांकित 'देवगिरी महाविद्यालय' येथील मुलींच्या वसतिगृहासाठी भरती प्रक्रिया सुरू करण्यात आली आहे.

• छत्रपती संभाजीनगर येथील देवगिरी महाविद्यालयाच्या मुलींच्या वसतिगृहासाठी भरती
• ‘या’ पदासाठी पदवीधर महिलांसाठी किमान २ वर्षांच्या अनुभवाची अट लागू
• ऑनलाईन गूगल फॉर्मद्वारे २५ सप्टेंबर २०२६ पर्यंत अर्ज भरण्याची मुदत
• अधिक माहितीसाठी इच्छुक उमेदवारांना ‘या’ क्रमांकावर संपर्काचे आवाहन

Devgiri College Hostel Rector Recruitment 2026: मराठवाडा शिक्षण प्रसारक मंडळाच्या रेल्वे स्टेशन रोड येथील नामांकित ‘देवगिरी महाविद्यालय’ येथील मुलींच्या वसतिगृहासाठी दोन निवासी महिला रेक्टर पदांची भरती प्रक्रिया सुरू करण्यात आली आहे. हे काम ‘साई मल्टी सर्व्हिसेस’ (प्रॉप्राटी अमोल भगवानराव लहाने) या मनुष्यबळ पुरवठादार संस्थेमार्फत केले जाणार आहे. पात्र व इच्छुक महिला उमेदवारांकडून यासाठी ऑनलाईन अर्ज मागवण्यात येत आहेत.

शैक्षणिक पात्रता व आवश्यक अटी

वसतिगृहाचे व्यवस्थापन आणि मुलींची सुरक्षितता लक्षात घेऊन उमेदवारांसाठी अटी व पात्रता निश्चित करण्यात आली आहे. यामध्ये इच्छुक महिला उमेदवार पदवीधर असणे आवश्यक असून, त्यांना रेक्टर कामाचा किमान २ वर्षांचा अनुभव असणे बंधनकारक आहे. मुलींची सुरक्षितता, शिस्त आणि वसतिगृहाचे प्रशासन प्रभावीपणे हाताळण्याचा अनुभव असणे गरजेचे आहे. निवड झालेल्या रेक्टरने मुलींच्या वसतिगृहात पूर्णवेळ राहणे आवश्यक राहील.

CBSE चा मोठा निर्णय! १० वी आणि १२ वीच्या बोर्ड परीक्षेचे सॅम्पल पेपर्स जाहीर; असे करा डाऊनलोड

इच्छुक उमेदवारांनी २५ सप्टेंबरपर्यंत करा अर्ज

या पदासाठी इच्छुक उमेदवारांनी अर्ज सादर करताना आपला संपूर्ण बायोडेटा, संबंधित कामाचे अनुभव प्रमाणपत्र आणि शैक्षणिक पात्रतेची कागदपत्रे जोडणे बंधनकारक आहे. तसेच उमेदवारांनी अर्ज फक्त ऑनलाईन ‘गूगल फॉर्म’च्या (Google Form) माध्यमातून भरावयाचे आहेत.

• गूगल फॉर्म लिंक: उमेदवारांनी (https://bit.ly/dca-rector) किंवा (https://bit.ly/dca-rector) या लिंकवर जाऊन किंवा जाहिरातीतील QR कोड स्कॅन करून आपला अर्ज भरावा.
• अंतिम मुदत: अर्ज भरण्याची अंतिम तारीख २५ सप्टेंबर २०२६ ही आहे.

अधिक माहितीसाठी इच्छुक उमेदवार साई मल्टी सर्व्हिसेसचे प्रो. प्रा. अमोल लहाने यांच्या ८४८५०३६०७९ या मोबाईल क्रमांकावर संपर्क साधू शकतात.

Rayat Shikshan Sanstha: ग्रामीण महाराष्ट्राला शिक्षणाची दिशा देणाऱ्या ‘या’ महानायकाबद्दल एकदा वाचाच