Sambhajinagar News : रात्री १२ वाजेपर्यंत फाईल स्वीकारण्याची प्रक्रिया तिजोरीत १०८ कोटींचा महसूल, गुंठेवारीसाठी नागरिकांची झुंबड

Sambhajinagar News : छत्रपती संभाजीनगरमध्ये गुंठेवारी नियमितीकरण योजनेला नागरिकांचा मोठा प्रतिसाद मिळाला. अंतिम मुदतीच्या दिवशी महापालिकेत अर्जदारांची गर्दी झाली असून, सायंकाळपर्यंत १२ हजार २०० फाईल प्राप्त झाल्या.

• शेवटच्या दिवशी कोट्यवधींचा केला भरणा 
• १२ ठिकाणीही शुल्क भरण्याची होती व्यवस्था 
• अनधिकृत प्लॉटधारकांना नियमितीकरणाची संधी 

Sambhajinagar News :  छत्रपती संभाजीनगर मध्ये गुंठेवारी नियमितीकरणाच्या अंतिम मुदतीच्या दिवशी नागरिकांनी महापालिकेत मोठी गर्दी केली. आपले प्लॉट आणि घरे नियमित करून घेण्यासाठी दिवसभर अर्जाची धावपळ सुरू होती. या योजनेतून महापालिकेच्या तिजोरीत सायंकाळपर्यंत तब्बल १०८ कोटी ६३ लाख रुपयांचा महसूल जमा झाला.

शेवटच्या दिवशीच नागरिकांनी कोट्यवधी रुपयांची रक्कम भरल्याने महसुलाचा आकडा आणखी वाढण्याची शक्यता आहे. दरम्यान, रात्री १२ वाजेपर्यंत अर्ज स्वीकारण्याची प्रक्रिया सुरू ठेवण्यात आली; मात्र योजनेला मुदतवाढ देण्याबाबत प्रशासनाने कोणतीही अधिकृत घोषणा केली नाही.

शेवटच्या दिवशी कोट्यवधींचा केला भरणा

१५ जुलैपासून सुरू झालेल्या गुंठेवारी नियमितीकरण मोहिमेला ३१ ऑक्टोबर ही अतिम मुदत देण्यात आली होती. मुदतीचा शेवटचा दिवस असल्याने शनिवारी महापालिकेच्या नगररचना विभागात अर्जदारांची गर्दी झाली. सायंकाळपर्यंत महापालिकेकडे १२ हजार २०० फाईल प्राप्त झाल्या होत्या.

Amravati Accident News: क्षणार्धात घात झाला! अप्पर वर्धा कालव्यात पाय घसरला अन् ५२ वर्षीय शेतकरी पाण्याच्या तीव्र प्रवाहात गायब

१२ ठिकाणीही शुल्क भरण्याची होती व्यवस्था

रात्री उशिरापर्यंत अर्ज स्वीकारण्याचे काम सुरू होते. दिवसभरात निरालाबाजार येथील बँकेत नागरिकांनी सुमारे तीन कोटी रुपयांचे चलन भरले, तर महापालिकेच्या कॅश काऊंटरवर एक कोटी रुपयांहून अधिक रक्कम जमा झाली. याशिवाय शहरातील अन्य १२ ठिकाणीही शुल्क भरण्याची व्यवस्था करण्यात आली होती. आतापर्यंत जमा झालेला महसूल १०८ कोटी ६३ लाख रुपयांवर पोहोचल्याची माहिती नगररचना विभागातील अधिकाऱ्याऱ्यांनी दिली.

अनधिकृत प्लॉटधारकांना नियमितीकरणाची संधी

शहराच्या हद्दीलगतच्या भागांत गेल्या काही वर्षांत मोठ्या प्रमाणात नवीन वसाहती निर्माण झाल्या. विकास आराखडा मंजूर नसलेल्या भागांत अनेक जमीनमालकांनी अनधिकृत प्लॉटिंग करून भूखंडाची विक्री केली. या भूखंडांवर नागरिकांनी घरे बांधून वास्तव्य सुरू केले. अशा नागरिकांना दिलासा देण्यासाठी डिसेंबर २०२० पूर्वी खरेदी केलेले प्लॉट आणि त्यावरील बांधकाम नियमित करण्याची संधी गुंठेवारी योजनेतून देण्यात आली.

योजनेतील मोठ्या दंडाची रक्कम माफ करण्याचा निर्णय महापौर समीर राजूरकर यांनी घेतल्याने नागरिकांना आर्थिक दिलासा मिळाला. त्यामुळे योजनेला चांगला प्रतिसाद मिळाला असून, महापालिकेच्या महसुलातही मोठी भर पडली आहे.

Nagpur News : सायबर फसवणुकीचे आंतरराष्ट्रीय जाळे उद्ध्वस्त; ८ आरोपी अटकेत