Principal vs Principle मध्ये काय फरक आहे? जाणून घ्या लक्षात ठेवण्याची सोपी ट्रिक

Principal vs Principle: इंग्रजी शिकताना असे अनेक शब्द समोर येतात ज्यांचा उच्चार अगदी सारखा असतो, पण त्यांचे अर्थ आणि वापर मात्र पूर्णपणे वेगळे असतात. 'Principal' आणि 'Principle' हे असेच दोन शब्द आहेत. या दोन शब्दांमधला नेमका फरक काय आहे. ते आज आपण जाणून घेणार आहोत.

Principal vs Principle: इंग्रजी शिकताना असे अनेक शब्द समोर येतात ज्यांचा उच्चार अगदी सारखा असतो, पण त्यांचे अर्थ आणि वापर मात्र पूर्णपणे वेगळे असतात. ‘Principal’ आणि ‘Principle’ हे असेच दोन शब्द आहेत. अनेक लोक शाळेच्या प्राचार्यांचे नाव किंवा स्पेलिंग लिहिताना चुकून Principle लिहितात, तर एखाद्या नियमाचा किंवा सिद्धांताचा उल्लेख करताना Principal लिहितात. जर तुमच्याकडूनही अशी चूक होत असेल, तर आज हा गोंधळ कायमचा दूर होईल.

आज आम्ही तुम्हाला एक अत्यंत सोपी पद्धत सांगणार आहोत, ज्याद्वारे तुम्हाला Principal आणि Principle मधील फरक स्पष्ट समजेल आणि भविष्यात कधीही चूक होणार नाही.

Principal म्हणजे काय?

Principal या शब्दाचा वापर कोणत्याही व्यक्तीसाठी, पदासाठी किंवा ‘सर्वोत महत्त्वाच्या’ गोष्टीसाठी केला जातो. याचे सर्वात सामान्य उदाहरण म्हणजे शाळा किंवा कॉलेजचे प्राचार्य हे आहे. याव्यतिरिक्त Principal चा अर्थ मुख्य, प्रमुख किंवा सर्वाधिक महत्त्वाचे असाही होतो.

उदा.:

Our school principal addressed the students. (आमच्या शाळेच्या प्राचार्यांनी विद्यार्थ्यांना संबोधित केले.)

Health is my principal concern. (आरोग्य ही माझी सर्वात मोठी/मुख्य काळजी आहे.)

लक्षात ठेवण्याची सोपी ट्रिक:

या Principal च्या शेवटी ‘pal’ येते. ‘Pal’ चा अर्थ मित्र असा होतो. तुम्ही हे लक्षात ठेवू शकता की “शाळेचे प्राचार्य (Principal) हे आपले मित्र (Pal) असू शकतात.”

Pune University: ‘आविष्कार’ संशोधन स्पर्धेची मुदत वाढली! विद्यार्थ्यांना अन् महाविद्यालयांना दिलासा; सुधारित वेळापत्रक जाहीर

Principle म्हणजे काय?

Principle या शब्दाचा अर्थ सिद्धांत, नियम, तत्त्व किंवा मूळ विचार असा होतो. म्हणजेच असे नियम किंवा मूल्ये ज्यांना आपण योग्य मानून आपले जीवन जगताना पाळतो.

उदा.:

Honesty is an important principle. (प्रामाणिकपणा हे एक महत्त्वाचे तत्त्व/सिद्धांत आहे.)

She always follows her principles. (ती नेहमी तिच्या तत्त्वांवर/तत्त्वज्ञानावर चालते.)

Pakistan News: पाकिस्तानात १० वीच्या परीक्षेत शीख तरुण चमकला! भारताच्या SGPC देणार ५१ लाखांचे बक्षीस

लक्षात ठेवण्याची सोपी ट्रिक

या Principle च्या शेवटी ‘ple’ येते, जसे की Rule (नियम). त्यामुळे जेव्हा जेव्हा एखाद्या नियमाचा किंवा सिद्धांताचा संबंध येईल, तेव्हा ‘ple’ असणारा Principle हा शब्द वापरावा.

आता चूक होणार नाही

Principal आणि Principle यांचा उच्चार सारखा असल्यामुळे त्यांना इंग्रजीत Homophones (समउच्चारी शब्द) म्हणतात. परंतु त्यांचे अर्थ पूर्णपणे भिन्न आहेत. जर तुम्ही वरील छोट्या ट्रिक्स लक्षात ठेवल्या, तर यापुढे या दोन्ही शब्दांच्या स्पेलिंगमध्ये आणि वापरात कधीही गोंधळ होणार नाही!