ECIL मध्ये भरतीला सुरुवात; ४५ रिक्त जागांसाठी करता येणार अर्ज

ECIL ने भरतीच्या प्रक्रियेला सुरुवात केली आहे. ४५ रिक्त जागांना भरण्यासाठी ही भरतीचे आयोजन करण्यात आले आहे.

इलेक्ट्रॉनिक्स कॉर्पोरेशन ऑफ इंडिया लिमिटेड (ECIL), ही अणुऊर्जा विभागाअंतर्गत येणारी एक अग्रगण्य सार्वजनिक क्षेत्रातील कंपनी आहे. या संस्थेने नुकतीच टेक्निशियन (ग्रेड II) पदांच्या भरतीसाठी अधिकृत अधिसूचना प्रसिद्ध केली आहे. या भरतीतून देशभरातील विविध ठिकाणी, विशेषतः हैदराबाद येथील ECIL मुख्यालयात एकूण 45 पदे भरली जाणार आहेत. इच्छुक आणि पात्र उमेदवार ECIL च्या अधिकृत संकेतस्थळावर 16 मे 2025 पासून 16 जून 2025 पर्यंत ऑनलाइन अर्ज करू शकतात.

SEAL होणे सोपे नाही! असा आठवडा जिथे क्षणोक्षणी केले जाते Torture; ‘ही’ भरती प्रक्रिया की मृत्यूला स्पर्श करण्याचा मार्ग?

ही भरती आयटीआय (ITI) पात्रता असलेल्या उमेदवारांसाठी केंद्र सरकारच्या आकर्षक नोकरीची सुवर्णसंधी आहे. या नोकरीस चांगले वेतन, पदोन्नती संधी आणि सरकारी लाभ मिळतात. निवड प्रक्रिया दोन टप्प्यांमध्ये पार पडणार आहे. पहिला टप्पा संगणक आधारित परीक्षा (CBT) असेल ज्याला 85% गुणांचे वजन असेल आणि दुसरा टप्पा ट्रेड टेस्टचा असेल ज्याला 15% वजन दिले जाईल.

आरक्षणानुसार वयात सवलती देण्यात येणार आहेत. SC/ST प्रवर्गासाठी 5 वर्षे, OBC (NCL) साठी 3 वर्षे, दिव्यांग उमेदवारांसाठी 10 वर्षे वयोमर्यादा सवलत आहे. माजी सैनिकांना त्यांच्या सेवेच्या कालावधीसह 3 वर्षांची सवलत दिली जाईल. ECIL मध्ये ठरावीक कालावधीसाठी काम केलेल्या कर्मचाऱ्यांसाठी वयोमर्यादा 40 वर्षांपर्यंत ठेवण्यात आली आहे, याशिवाय प्रवर्गानुसार सवलत लागू राहील.

भारतीय नौदलाने कॅडेट एंट्री योजनेसाठी अधिसूचना केली जाहीर; ‘या’ तारखांदरम्यान करता येईल ऑनलाईन अर्ज

अर्ज करण्याची प्रक्रिया:

• ECIL च्या अधिकृत संकेतस्थळावर (www.ecil.co.in) ‘Careers > Current Job Openings’ विभागात जा.
• Advt. No. 07/2025 या जाहिरातीवर क्लिक करा आणि रजिस्ट्रेशन करा.
• आवश्यक माहिती भरून, पासपोर्ट साईज फोटो व स्वाक्षरी अपलोड करा.
• SBI Collect च्या माध्यमातून शुल्क भरा.
• भरलेला अर्ज सेव्ह करून त्याची प्रिंट घ्या.
• ट्रेड टेस्टसाठी उपस्थित राहताना मूळ कागदपत्रे व शुल्क भरल्याचा पुरावा बरोबर घ्या.

ECIL टेक्निशियन ग्रेड II भरती 2025 ही एक स्थिर आणि सुरक्षित सरकारी करिअरची संधी आहे. सर्व पात्र उमेदवारांनी ही संधी गमावू नये. या भरतीबद्दलची अधिक माहिती जाऊन घेण्यासाठी सूत्रसाइट www.ecil.co.in वर भेट द्यावी.