‘एकलव्य’मध्ये प्रवेशाची सुवर्णसंधी; अनुसूचित जमातीच्या विद्यार्थ्यांसाठी ५८३ जागांसाठी स्पर्धा परीक्षांचे आयोजन

आदिवासी विद्यार्थ्यांना दर्जेदार इंग्रजी माध्यमाचे शिक्षण मिळावे यासाठी एकलव्य रेसिडेंशियल पब्लिक स्कूलमध्ये ६ वी ते ९वी प्रवेशासाठी स्पर्धा परीक्षेचे आयोजन करण्यात आले आहे. आदिवासी विकासाच्या हेतू या प्रकल्पामागे आहे.

• ‘एकलव्य’मध्ये प्रवेशाची सुवर्णसंधी
• अनुसूचित जमातीच्या विद्यार्थ्यांसाठी ५८३ जागा
• स्पर्धा परीक्षांचे आयोजन

मुंबई, नवराष्ट्र न्यूज नेटवर्क : आदिवासी विद्यार्थ्यांना दर्जेदार इंग्रजी  माध्यमाचे निवासी शिक्षण मिळावे, या उद्देशाने एकात्मिक आदिवासी विकास प्रकल्प, डहाणू (जि. पालघर) अंतर्गत शैक्षणिक सत्र २०२६-२७ साठी एकलव्य रेसिडेंशियल पब्लिक स्कूलमध्ये इयत्ता ६ वी ते ९वी प्रवेशासाठी स्पर्धा परीक्षेचे आयोजन करण्यात आले आहे. अपर आयुक्त, आदिवासी विकास, ठाणे यांच्या अधिपत्याखाली पालघर जिल्ह्यातील कांबळगाव (ता. पालघर), चळणी (ता. डहाणू), सवणे (ता. तलासरी), शेंडेगाव (ता. शहापूर), पळसुंडे व हिरवे (ता. मोखाडा) येथील एकलव्य निवासी शाळांमध्ये प्रवेश देण्यात येणार असून एकूण ५८३ जागा रिक्त आहेत, असे डहाणू एकात्मिक आदिवासी विकास प्रकल्पाचे प्रकल्प अधिकारी तथा सहाय्यक जिल्हाधिकारी विशाल खत्री यांनी ही माहिती दिली.

पालघरचे मच्छिमार शासनाच्या दुर्लक्षतेला पडले बळी? मृत्यूच्या आकड्यात वाढ झाल्याने सुरक्षा प्रश्न ऐरणीवर

वार्षिक उत्पन्न ६ लाखांपेक्षा कमी असावे

डहाणू, तलासरी, पालघर व वसई तालुक्यातील शासकीय व अनुदानित आश्रमशाळा, जिल्हा परिषद, नगरपालिका/महानगरपालिका व शासनमान्य शाळांमध्ये सन २०२५-२६ मध्ये इयत्ता ५वी ते ८वीमध्ये शिक्षण घेत असलेले विद्यार्थी या परीक्षेस पात्र असतील. एकलव्य रेसिडेन्शियल पब्लिक स्कूलमध्ये प्रवेशासाठी, विद्यार्थी अनुसूचित जमाती /आदिम जमातीचा असावा, त्याच्या पालकांचे वार्षिक उत्पन्न ६ लाख रुपयांपेक्षा कमी असावे. अर्ज मिळण्याची व सादर करण्याची अंतिम तारीख ३१ जानेवारी २०२६ आहे.

गुणवत्तापूर्ण निवासी शिक्षणासाठी सुवर्णसंधी

अर्ज निःशुल्क असून भरलेला अर्ज संबंधित एकलव्य शाळेतच जमा करावा, असे आवाहन डहाणू एकात्मिक आदिवासी विकास प्रकल्पाचे प्रकल्प अधिकारी तथा सहाय्यक जिल्हाधिकारी विशाल खत्री यांनी केले आहे. गुणवत्तापूर्ण निवासी शिक्षणासाठी ही एक सुवर्णसंधी असून पालक व मुख्याध्यापकांनी वेळेत अर्ज सादर करावेत, असेही आवाहन डहाणू एकात्मिक आदिवासी विकास प्रकल्पाचे प्रकल्प अधिकारी तथा सहाय्यक जिल्हाधिकारी विशाल खत्री यांनी केले आहे.

‘नर्मदा तिथी पंचांग ‘ची तिसरी आवृत्ती प्रकाशित

मुंबई. कालिंदी आणि मुंबई येथून प्रकाशित होणारे नर्मदा तिथी पंचांग दिनदर्शिका नुकतीच पश्चिमं रेल्वे मुख्यालय कमर्शियल चर्चगेट, मुंबई येथे मुख्य जनसंपर्क अधिकारी विनीत अभिषेक यांच्या हस्तै प्रकाशित करण्यात आली, यावेळी ओम प्रकाश रावल, संपादक डॉ. चंद्रेश जोशी, राजेश अग्रवाल, अनुराधा पोतदार झवेरी, पं. राजेश घनश्याम जोशी आणि मुकेश मेहता उपस्थित होते. संपादक डॉ चंद्रेश जोशी यांनी म्हटले की, ही दिनदर्शिका सूर्योदय आणि सूर्यास्ताच्या वेळा, चंद्र तारखा आणि नक्षत्र, व्रत आणि सणांची अचूक माहिती सहज समजेल अशा पद्धतीने प्रदान करते.

तब्बल ४६२ गर्भवतींचा मृत्यू…! पालघरमध्ये गर्भवतींच्या मृत्यूत वाढ; आरोग्य यंत्रणेवर प्रश्नचिन्ह