10वी पास उमेदवारांसाठी संधी! कोचीन शिपयार्ड लिमिटेडमध्ये सरकारी नोकरी, तात्काळ करा अर्ज

दहावी पात्र उमेदवारांसाठी भरतीची संधी आहे. उमेदवारांना या भरतीसाठी अर्ज करता येणार आहे.

• दहावी पात्र उमेदवारांसाठी संधी
• कोचीन शिपयार्ड लिमिटेडची मेगा भरती
• सुपरिटेंडंट/वार्डन’ या पदांसाठी भरतीची अधिसूचना जारी

नोकरीच्या शोधात असलेल्या आणि फक्त 10वीपर्यंत शिक्षण घेतलेल्या उमेदवारांसाठी भारत सरकारच्या मालकीच्या कोचीन शिपयार्ड लिमिटेड (CSL) कंपनीत उत्तम संधी उपलब्ध झाली आहे. कंपनीने ‘हॉस्टेल सुपरिटेंडंट/वार्डन’ या पदांसाठी भरतीची अधिसूचना जारी केली आहे. अर्ज प्रक्रिया 27 ऑक्टोबरपासून सुरू झाली असून उमेदवारांना फॉर्म भरण्यासाठी 15 दिवसांपेक्षा कमी वेळ देण्यात आला आहे.

‘टीईटी’ निर्णयाविरुद्ध शिक्षक आक्रमक; सर्वोच्च न्यायालयात पुनर्विलोकन याचिका दाखल करण्याची मागणी

कोचीन शिपयार्ड लिमिटेड ही भारतातील सर्वात मोठी जहाज बांधणी व दुरुस्ती करणारी सरकारी कंपनी आहे. येथे जहाजांची निर्मिती, देखभाल आणि दुरुस्तीचे काम केले जाते. इच्छुक उमेदवार या भरतीद्वारे या प्रतिष्ठित संस्थेशी जोडले जाऊ शकतात.

पात्रता अट काय आहे?

या पदासाठी अर्ज करू इच्छिणाऱ्या उमेदवारांनी मान्यताप्राप्त बोर्डातून 10वी उत्तीर्ण असणे आवश्यक आहे. मात्र, एक अट आहे की केवळ भारतीय नौदलातील माजी सैनिक (Ex-Indian Navy) जे Chief Petty Officer, Master Chief Petty Officer-I किंवा Master Chief Petty Officer-II या पदांवर कार्यरत होते, तेच अर्ज करू शकतात. उमेदवारांना हिंदी आणि इंग्रजी भाषेचे ज्ञान आवश्यक असून कंप्युटरची माहिती असल्यास प्राधान्य दिले जाईल.

अर्ज कसा करायचा?

• सर्वप्रथम अधिकृत संकेतस्थळ cochinshipyard.in ला भेट द्या.
• तिथे Career Page → CSL Kochi वर क्लिक करा.
• “Vacancy Notification – Selection to the post of METI Hostel Superintendent/Warden on Contract Basis” या लिंकवर ‘Read More’ निवडा.
• प्रथम One Time Registration करा.
• नंतर Application Submission लिंकवर जाऊन सर्व आवश्यक माहिती भरा.
• फोटो, स्वाक्षरी, वय प्रमाणपत्र आणि अनुभवाचे दस्तऐवज योग्य आकारात अपलोड करा.
• शेवटी अर्ज शुल्क भरून फॉर्मचा प्रिंटआउट काढून ठेवा.

विद्यार्थ्यांच्या अभ्यासासाठी गावकऱ्यांचा आदर्श उपक्रम; ग्रासभेतून घेतला ठराव

अर्ज शुल्क किती आहे?

सामान्य उमेदवारांसाठी शुल्क ₹300 आहे.

SC/ST उमेदवारांना शुल्कातून पूर्ण सूट देण्यात आली आहे.

इच्छुक आणि पात्र उमेदवारांनी ही सुवर्णसंधी गमावू नये. अल्प कालावधी असल्याने लवकरात लवकर अर्ज करा!