रिटेल मॅनेजमेंटमध्ये करा MBA; कसे करतात प्रवेश? ‘या’ प्रमुख संस्था घडवतील तुमचे भविष्य

रिटेल मॅनेजमेंटमध्ये एमबीए करण्यासाठी कोणत्याही शाखेतील पदवीधर विद्यार्थी पात्र असून नोकरी करता-करता हा कोर्स करता येतो.

• कोणत्याही शाखेतील पदवीधर विद्यार्थी अर्ज करण्यास पात्र आहेत.
• नोकरी करता-करता हा कोर्स करू शकता
• रिटेक मॅनेजमेंट MBA मध्ये प्रवेश घेण्यासाठी काही संस्थनांमध्ये प्रवेश प्रक्रिया पात्र करावी लागते

रिटेल मॅनेजमेंटमध्ये करिअर करण्याची इच्छा आहे तर आता तुम्हा मार्ग आणखीन सोपा होणार आहे. जर तुम्हाला व्यवस्थापन क्षेत्रात करिअर घडवायचे असेल तर नक्कीच रिटेल मॅनेजमेंटचा पर्याय योग्य ठरेल. या क्षेत्रात MBA करून तुम्ही करिअर घडवू शकता. यासाठी काही पात्रता निकष आहेत. रिटेल मॅनेजमेंट करण्यासाठी मान्यताप्राप्त विद्यापीठ/महाविद्यालयातून कोणत्याही शाखेतील पदवी आवश्यक आहे. पदवीत किमान ५०% गुण अनिवार्य आहेत आणि कोणत्याही शाखेतील पदवीधर विद्यार्थी अर्ज करण्यास पात्र आहेत.

Education News: सूत्राचा प्रयोग चालूच मात्र प्राध्यापक भरती कधी? ‘राज्याने हस्तक्षेप करून…’; संघटनेचा इशारा

या कोर्सची माहिती म्हणजे रिटेल मॅनेजमेंट MBA हा २ वर्षांचा पीजी स्तरावरील अभ्यासक्रम आहे. यामध्ये उत्पादन, पुरवठा साखळी, विक्री, मार्केटिंग आणि ग्राहकांपर्यंत पोहोचण्याची प्रक्रिया यांचा समावेश आहे. जर तुम्ही व्यावसायिक आहेत किंवा नुकतेच एखाद्या व्यवसायाचा श्रीगणेशा केले असेल तर हा कोर्स तुमच्यासाठी फार उपयुक्त ठरेल. तसेच नोकरी करता-करता हा कोर्स करू शकता, त्यामुळे आपले काम सुरु ठेवून आपले करिअर घडवता-घडवता या क्षेत्राचा अभ्यास करता येणार.

बहुतेक विद्यापीठांमध्ये प्रवेश परीक्षा अनिवार्य आहे. प्रवेश परीक्षेनंतर वैयक्तिक मुलाखत (PI) आणि गट चर्चा (GD) फेरी घेण्यात येईल. उमेदवारांना प्रवेश मिळवण्यासाठी PI आणि GD या दोन्ही फेऱ्यांना पार करावे लागेल. उमेदवारांच्या विषयज्ञान, व्यवस्थापन क्षमता आणि नेतृत्वगुणांची चाचणी करण्यात येईल. रिटेक मॅनेजमेंट MBA मध्ये प्रवेश घेण्यासाठी काही संस्थनांमध्ये प्रवेश प्रक्रिया पात्र करावी लागते. या प्रवेश प्रक्रियेत CAT, MAT, XAT तसेच CMAT यांचा समावेश आहे.

अशा प्रकारे करता येईल अर्ज

• संबंधित संस्थेच्या अधिकृत वेबसाइटला भेट द्या
• नोंदणी करून लॉगिन क्रेडेन्शियल्स मिळवा
• अर्ज फॉर्म काळजीपूर्वक भरा
• आवश्यक कागदपत्रे अपलोड करा
• अर्ज तपासून नोंदणी शुल्क भरून सबमिट करा

वाचन-लेखनाची आवड असणाऱ्यांसाठी योग्य पर्याय! जाणून घ्या पात्रता व प्रवेश प्रक्रिया

प्रमुख संस्था

• एमिटी बिझनेस स्कूल, नोएडा
• इंडियन स्कूल ऑफ अॅडव्हान्स्ड मॅनेजमेंट स्टडीज, हैदराबाद
• जोसेफ स्कूल ऑफ बिझनेस स्टडीज, अलाहाबाद
• एक्सेल इन्स्टिट्यूट ऑफ मॅनेजमेंट अँड टेक्नॉलॉजी, नमक्कल
• इंटरनॅशनल इन्स्टिट्यूट फॉर लर्निंग इन मॅनेजमेंट, नवी दिल्ली
• IILM बिझनेस स्कूल, गुरुग्राम