IAS Officer Salary: IAS बऱ्याच जणांचे स्वप्न! पण ट्रेनिंग काळात हातात किती पगार येतो?

IAS Officer Salary: यूपीएससी उत्तीर्ण झाल्यानंतर LBSNAA मधील प्रशिक्षण काळात आयएएस अधिकाऱ्यांना किती पगार मिळतो? मूळ वेतन (Basic Pay), हातात पडणारी रक्कम आणि इतर भत्त्यांविषयीची जाणून घ्या सविस्तर..

• आयएएस अधिकाऱ्यांना किती मिळतो स्टायपेंड?
• मूळ वेतन किती असते?
• हातात पडणारी रक्कम किती असते?
• इतर भत्ते आणि सुविधा

IAS Officer Salary: युपीएससी परीक्षा उत्तीर्ण होऊन भारतीय प्रशासकीय सेवेत (IAS) निवड झाल्यानंतर प्रत्येक प्रशिक्षणार्थीच्या मनात ट्रेनिंग काळातील पगाराविषयी उत्सुकता असते. उत्तराखंडमधील मसुरी येथील ‘लाल बहादूर शास्त्री राष्ट्रीय प्रशासन अकादमी’ (LBSNAA) मध्ये प्रशिक्षण घेत असताना आयएएस अधिकाऱ्यांना मिळणारा पगार आणि इतर आर्थिक लाभांविषयीची सविस्तर माहिती आज आपण जाणून घेणार आहोत.

मूळ वेतन किती असते?

सातव्या वेतन आयोगानुसार (7th Pay Commission), आयएएस अधिकारी जेव्हा प्रशिक्षण सुरू करतात, तेव्हा त्यांना लेव्हल-१० (Pay Level 10) नुसार पगार दिला जातो. त्यानुसार, प्रशिक्षण कालावधीत आयएएस अधिकाऱ्याचा मूळ पगार प्रतिमहिना ५६,१०० रुपये असतो.

CBSE 3 Language Formula: सुप्रीम कोर्टाचा मोठा निर्णय; इयत्ता ६ वीच्या विद्यार्थ्यांना तिसऱ्या भाषेच्या सक्तीपासून मोठा दिलासा!

हातात पडणारी रक्कम (In-Hand Salary) किती असते?

जरी मूळ पगार ५६,१०० रुपये असला, तरी प्रत्यक्ष हातात मिळणारी रक्कम यापेक्षा थोडी वेगळी असते. अकॅडमीमध्ये (LBSNAA) ट्रेनिंग घेत असताना अधिकारी वर्गाला मेस बिल, हॉस्टेलचा खर्च आणि इतर देयके द्यावी लागतात. ही सर्व कपात केल्यानंतर, प्रशिक्षणार्थींच्या हातात साधारणपणे ३५,००० ते ४०,००० रुपये स्टायपेंड किंवा इन-हँड रक्कम मिळते.

इतर भत्ते आणि सुविधा

जरी अकादमीतील वास्तव्य काळात काही कपाती होत असल्या, तरी सरकारकडून त्यांना राहण्याची उत्तम व्यवस्था, सुरक्षा, आणि इतर प्रशिक्षण विषयक सुविधा फ्री किंवा सवलतीच्या दरात दिल्या जातात.

Education News: ‘कॅम्पस पॉलिटिक्स ते हाय-वोल्टेज ड्रामा!’ देशातील नामांकित शिक्षण संस्था का राहिल्या चर्चेत?

एकदा अकादमीमधील प्रशिक्षण पूर्ण करून अधिकारी जेव्हा प्रत्यक्ष फिल्ड पोस्टिंगवर किंवा डिस्ट्रिक्ट ट्रेनिंगसाठी जातात, तेव्हा त्यांना मूळ पगारासोबत महागाई भत्ता (DA), घरभाडे भत्ता (HRA) आणि प्रवास भत्ता (TA) यांसारखे अतिरिक्त लाभ मिळण्यास सुरुवात होते, ज्यामुळे एकूण पगार वाढतो.