Indian Army Internship: भारतीय सैन्यात इंटर्नशिपची संधी! विद्यार्थ्यांना मिळणार ७५,००० रुपयांपर्यंत स्टायपेंड

Indian Army Internship 2026-27: अभ्यासासोबतच देशाच्या सुरक्षेसाठी आधुनिक तंत्रज्ञानाचा वापर कसा केला जातो, याचा प्रत्यक्ष अनुभव घ्यायचा असेल, तर 'इंडियन आर्मी इंटर्नशिप प्रोग्राम २०२६-२७' हा विद्यार्थ्यांसाठी उत्तम पर्याय आहे.

• भारतीय लष्करात इंटर्नशिपची मोठी संधी
• विद्यार्थ्याना मिळणार ७५,००० रुपयांपर्यंत स्टायपेंड
• अर्ज कसा करावा?

Indian Army Internship 2026-27: अभ्यासासोबतच देशाच्या सुरक्षेसाठी आधुनिक तंत्रज्ञानाचा वापर कसा केला जातो, याचा प्रत्यक्ष अनुभव घ्यायचा असेल, तर ‘इंडियन आर्मी इंटर्नशिप प्रोग्राम २०२६-२७’ (दुसरी आवृत्ती) हा विद्यार्थ्यांसाठी उत्तम पर्याय आहे. या कार्यक्रमांतर्गत निवडक विद्यार्थ्यांना आर्टिफिशियल इंटेलिजन्स (AI), सायबर सिक्युरिटी, रोबोटिक्स, ड्रोन आणि डेटा ॲनालिसिस यांसारख्या आधुनिक क्षेत्रांमध्ये लष्कराच्या प्रत्यक्ष प्रोजेक्ट्सवर काम करण्याची संधी मिळणार आहे.

प्रोजेक्ट्स आणि कालावधी:

या प्रोग्राममध्ये तंत्रज्ञान, संशोधन आणि लॉजिस्टिक्सशी संबंधित सुमारे ४३ वेगळे प्रोजेक्ट्स समाविष्ट आहेत. यात एआय, मशीन लर्निंग, क्वांटम कॉम्प्युटिंग, 5G/6G तंत्रज्ञान, स्पेस टेक्नॉलॉजी, तसेच फिनटेक व हॉस्पिटॅलिटी सिस्टीमचा समावेश आहे. ही इंटर्नशिप एकूण ७५ दिवसांची असेल. यामध्ये ६० दिवस प्रत्यक्ष ऑफिस/फील्ड ट्रेनिंग आणि १५ दिवस ‘वर्क फ्रॉम होम’चा समावेश आहे.

स्टायपेंड आणि फायदे:

मानधन: इंटर्नशिप यशस्वीरीत्या पूर्ण केल्यावर विद्यार्थ्यांना कमाल ७५,००० रुपयांपर्यंत स्टायपेंड दिला जाऊ शकतो (प्रत्येक प्रोजेक्टनुसार रक्कम वेगवेगळी असू शकते). यासाठी किमान ७५% उपस्थिती अनिवार्य आहे.

Fitness Coach: टीम इंडियाचा फिटनेस कोच कसे बनावे? जाणून घ्या पात्रता, शिक्षण आणि संपूर्ण प्रक्रिया!

क्रेडिट्स व प्रमाणपत्र: यशस्वी उमेदवारांना AICTE मानकांनुसार १५ शैक्षणिक क्रेडिट्स आणि भारतीय सैन्याकडून अधिकृत प्रमाणपत्र दिले जाईल.

पात्रता आणि अटी:

बी.टेक (BTech), बी.ई., कॉम्प्युटर सायन्स, एआय, डेटा सायन्स आणि सायबर सिक्युरिटीचे शिक्षण घेणारे किंवा नुकतेच पदवी पूर्ण केलेले विद्यार्थी यातील विविध प्रोजेक्ट्ससाठी पात्र आहेत.

इतर अटी: उमेदवारांची निवड झाल्यानंतर पोलीस पडताळणी अनिवार्य असेल. सैन्याकडून राहण्याची किंवा येण्या-जाण्याची कोणतीही सोय केली जाणार नाही. तसेच ही इंटर्नशिप पूर्ण केल्यावर सैन्यात नोकरीची गॅरंटी दिली जात नाही.

Youngest Genius: वयाच्या अवघ्या ५ व्या वर्षी कमाल! ३००० पुस्तके वाचणाऱ्या ५ वर्षांच्या अर्जुनचा विधानसभेत होणार विशेष सन्मान!

अर्ज कसा करावा?

इच्छुक विद्यार्थी AICTE च्या अधिकृत पोर्टल internship.aicte-india.org वर जाऊन त्यांच्या आवडीच्या प्रोजेक्टनुसार ऑनलाईन अर्ज करू शकतात. प्रत्येक प्रोजेक्टची अंतिम तारीख आणि पात्रता अटी वेगवेगळ्या असल्याने विद्यार्थ्यांनी अर्ज करण्यापूर्वी पोर्टलवरील माहिती काळजीपूर्वक वाचावी.