फोटो सौजन्य - Social Media
स्पर्धेत चेंबूर येथील विनोद शुक्ला हायस्कूलच्या साक्षी पटेलने आपल्या सुरेल गायकीच्या जोरावर प्रथम क्रमांक पटकावला. तिच्या सादरीकरणातील स्वरांची शुद्धता आणि भावनांची सुंदर सांगड प्रेक्षकांनी दाद देत स्वीकारली. घाटकोपरच्या कार्तिका हायस्कूलच्या दुर्वा टेंबुलकरने प्रभावी आवाज आणि दमदार प्रस्तुतीमुळे द्वितीय क्रमांक मिळवला. डी.जे. दोशी गुरुकुल हायस्कूलचा विद्यार्थी पृथ्वी तांबे सुरावट आणि तालातील परिपूर्णतेमुळे तृतीय क्रमांकाचा मानकरी ठरला. याशिवाय, कुर्ला येथील कार्तिका हायस्कूलच्या स्वरूपा महाडिक हिने उल्लेखनीय सादरीकरणाबद्दल प्रोत्साहनपर पारितोषिक मिळवले. उत्कृष्ट सहभाग आणि एकूण कामगिरीच्या आधारे कुर्ला पश्चिम येथील कार्तिका हायस्कूलला विजेता घोषित करण्यात आले.
कार्यक्रमात हिंदी विद्या प्रचार समितीचे अध्यक्ष डॉ. राजेंद्र सिंह यांनी विजेत्या विद्यार्थ्यांचे अभिनंदन करत त्यांचे मनोबल वाढवले. प्रमुख पाहुण्या म्हणून उपस्थित उद्योगपती आणि सामाजिक कार्यकर्त्या ललिता प्रसाद सिंह यांनी विद्यार्थ्यांच्या कलागुण जपण्यासाठी आणि वाढवण्यासाठी अशा उपक्रमांचे महत्त्व अधोरेखित केले. त्यांनी समितीचे कौतुक करत ही स्पर्धा विद्यार्थ्यांमध्ये आत्मविश्वास, शिस्त आणि कला यांची जोपासना करणारी असल्याचे सांगितले.
कार्यक्रमाला विशेष पाहुण्या म्हणून शाळेचे माजी प्राचार्य शैलेंद्र सिंह, एम.डी. कॉलेजचे निवृत्त प्राध्यापक आणि हिंदी हायस्कूलचे माजी विद्यार्थी डॉ. पूर्वी घोष रॉय तसेच ऑल इंडिया रेडिओच्या निवृत्त ट्रान्समिशन एक्झिक्युटिव्ह आणि १९६७ च्या बॅचमधील उत्तीर्ण प्रणोती घोष रॉय उपस्थित होते. त्यांच्या उपस्थितीमुळे कार्यक्रमाचे महत्व अधिक वाढले. स्पर्धेच्या यशात आपले सहकार्य लाभल्याबद्दल प्राचार्य राजेंद्र कुमार सिंह यांनी सहभागी शाळांच्या समित्या, मुख्याध्यापक तसेच सर्व उपस्थितांचे मनःपूर्वक आभार मानले. सांस्कृतिकतेला आणि कलागुणांना प्रोत्साहन देणाऱ्या या स्पर्धेमुळे विद्यार्थ्यांमध्ये उत्साहाचे नवे स्फुल्लिंग प्रज्वलित झाल्याचे प्रत्यक्ष अनुभूतीतून जाणवले.
.png "Videos"){kind=small}
